الموضوع: لأخوانا الخبراء في الفرامل - عندي مشكلة في سرفو الفرامل

أهلا بكم يا شباب ،

عندي 127 زرقاء ، و الحقيقة الفرامل خفيفة جدا ... رحت بيها عند ميكانيكي كشف علي التيل و الزيت و قالي الزيت فيه هوا ... و سحب الهوا منها و زودناها زيت جديد و دواسة الفرامل بقيت كويسة و عالية (يعني ما تغطسشي لأخر الدواسة)

بعد أسبوع تقريبا رجعت الفرامل خفيفة تاني ... و الزيت نقص شوية صغيرين ... فزودتها زيت لحد الأخر ، بس يامؤمن ولا كأنك حطيت زيت ولا حاجة ... الفرامل خفيفة زي مكانت بالظبط

رحت بها لميكانكي تاني ساقها شوية و بعدين قالي انها محجرة ( يعني الدواسة ناشفه و لازم تدوس عليها جامد لحد الأخر عشان تقف) و ده عيب سرفو الهوا، و ما أدراك ماهو سرفو الهوا ...

الحقيقة انا مش عارف ايه هو سرفو الهوا و ايه هو وظيفته ، ولما سألت الميكانكي برضه مقاليش ايه وظيفة السرفو ده (واضح انه مش عارف) عشان كده مرضيتش اخليه يعمل فيه أي حاجة.

سؤالي هو : هل السرفو ده هو السبب ، و ايه وظيفته بالظبط ، و أذا كان مش هو السبب ، ممكن السبب يكون ايه

و شكرا مقدما يا أهل الخير و المعرفة

روكي

بص ياسيدى انا مرة كنت هاخبط واحد بسبب الموضوع دة نزلت الصبح ودورت ومشيت وواحد سايق موتوسيكل قدامى راح مهدى جيت انا بقى ادوس فرامل لقيت الدواسة بتنزل لللاخرررررررررررر وما فيش فرامل ورحت شادد اليد ورفعت رجلى من على دواسة البنزين وكنت ساعتها على الاول ولمست بتاع الموتوسيكل والحمد لله انى ما كنتش بجرىىىىىى والحل ياسيدى كان بسيط جدااااااا والحمد لله هاتروح تشترى جلد ماستر هوتقريبا كان ب7 جنيه واى ميكانيكى هايفك الماستر العمومى ويركبلة الجلد ويملا العلبة زيت باكم وهات علبة اللى هى ب12 جنيه وياخد هوااااا وشكرا للتحية وللعللم انا عربيتى مافيهاش سيرفو اساسا لانها 127 ايطالى بس الفرامل الحمد لله زى الفل وبتكلبش احسن من السيرفو بس ساعات لما باجى اركب الكورولا بتاعة صاحبى بلبسة فى الازاز لان الكورولا باللمس هههههههههههههه