المشاركة الأصلية كتبت بواسطة maraaawan
انا رحت التوكيل امبارح فى البطل احمد عبد العزيز وهو نفس المكان اللى فية توكيل جيلى محل واحد كبير قاسيمنة من النصف ومنفدين على بعض من جوة ومع ذلك مالهومش علاقة ببعض وبينافسوا بعض ازاى مش فاهم ما علينا
اتفرجت هناك على الجاك 108 و 107 انا سالت كان الاعلان مكتوب فيه 138 و 137 قالى لا دى كانت غلطة مطبعية مع ان العربيتيتن اساسا مكتوب عليهم 13 بس لا دة ولا دة ما علينا تانى
الموديليثن واحدة سيدان والتانية هاتشباك هما هما نفس المواصفات الفرق بس ان دى سيدان والتانية هاتشباك 1300 سي سي ميتسوبيشى وقيل لى ان دة موتور اللانسر ال1300 القديمة والعهدة على الراوى والله اعلم ما علينا تالت
العربية تصميمها مش شبهه حاجة مش تقليد ومع ذلك تصميمها شيك وانيق وحلو وانسيابى من الخارج من الداخل واسعه بالنسبه لفئتها و التابلوة عملى وحديث جدا كارسى مريحة 4 زجاج كهرباء مرايات كهرباء - راديو كاسيت سى دى - تكيف -2 ايرباج - فرامل Abs Ebd - طنابير مخرمة رياضية نظام تعليق خلفى مكفرسون وامامى على وصلتين على ما اتذكر - كاوتش عريض وجنوط شيك مش اسبور قوى يعنى شنطة كبيرة وواسعه مانويال فقط لا يوجد منها اوتوماتيك خمس نقلات ..
السعر 66000 جنية
العربيه من الاخر تحفه تقفيل نضيف مافهيوش عيوب الصينى دة الابواب ممتازة مش بتفرقع ولا بتتخلع والعربية مش بتفك من بعضها ومش شكلها متقطعه بقطر ولا الكلام دة نضيفة وتقفيل محترم وتستجق الفلوس اللى تندفع فيها