-
تمام بمجرد ما تدور العربية حتبتدى المياه فى الردياتير تنقص
إنت حتزود ميه فى الردياتير والعربية دايرة لغاية لما يتملى الردياتير
وبعدين حتقفل غطاء الردياتير
وأنا من مؤيدى زميلنا MMamdouh فى إجراء الحاجات دى طالما إنى أقدر أعملها
لأنى برضه لا أثق فى أحد
-
معلش يا جماعة عشان بداءت اقع منكم هو ممكن تحصل مشاكل في وش السلندر والعربية دايرة !!
ده يا جماعة اللي بعملة ببساطة
لو العربية دايرة ببطلها وانزل تحتها افك عصفورة الريداتير وانتظر حتي فراغ المياة بداخلة
بدور العربية وابداء اذود ميه من الريداتير مباشرة ساعات بحط خرطوم المية في الريداتير واسيب الميه تشخن شوية
واديها امبيله لحد ما الاقي المياة اللي في الموتور تطلع بوساختها وبعدين ابطل واقفل العصفورة واملي الريداتير بماء ملون مع اضافات لمنع الصداء من Gunk انا بعمل كده في البرايد القديم والسابا لاني بصراحة بخاف من موضوع تنظيف دورة المياة بالكامل علي يد غير متخصصين
فبعملة بالطريقة ديه وانتي كده خوفتوني اكون بعمل حاجة غلط
-
طيب إنت إيه رأيك فى الطريقة المذكورة؟
أنا شايف إنها أكثر أمانا من موضوع إن العربية تكون دايرة
بس إطمن طريقتك متضرش وش السلندر بس أكيد إن مبتحصلش على نظافة بنسبة كبيرة
كمان حكاية إنك تسيب الخرطوم وكمان تدى أمبليه يبقى إنت كده حتبهدل الدنيا ميه
-
اعتقد ان تغيير المياة يبقى معاة بالمرة غسيل الردياتير ويفضل ان يكون في بنزينة لديها الجهاز الخاص بغسيل الردياتير
-
طبعا لازم يتم تنظيف الردياتير وقربة المياه طالما بتغيير مياه الردياتير
أما عن تغييره فى البنزينة أو عدمه فدى ترجع لحضرتك
-
انا لية استفسار بسط انا من اول ماجت العربية من سنة ونص عمرى ما غيرت المية اصلى ف التوكيل قالولى المية متقربلهاش طول ما الحرارة مضبوطة ياترى الكلام دا صح ولا اعمل اية؟؟؟؟ :wink:
-
هو أكيد تغيير الميه إن مكنش هيفيد مش حيضر
بس طالما إنك متابع مع مركز الخدمة فهما المسؤليين
-
راجع كتيب الصيانة بتاعك
MMamdouh
-
طيب لو سمحت هو أنا لسه مستلم العربية من شهرين وما بمشيش بالعربية كتير فالمفروض أغير مياه الردياتير كل أد أيه وأيه أقصى مدة للميه الخضراء فى الردياتير 0
-
راجع كتيب الصيانة كما ذكر لنا زميلنا أستاذ MMamdouh فهو الأساس
وعمر المياه الخضراء هو سنة تقريبا فلذلك من المستحب تغييرها كل أول صيف
Content Relevant URLs by
vBSEO 3.6.0 PL2