الي المهندس طارق سؤال بخصوصامعاملة الرواس السيئة جداااا

البشمهندس طارق

مساء الخير
اخي لديه سيارة لانسر 2008 بومة تم شرائها في شهر 7 2008 و لكنها اتخبطت في باب السواق خبطة جامدة في يوم 31 ديسمبرالماضي يعني من شهر
و قد قام اخي بالذهاب لمركز الرواس في العجوزة و لكنهم للاسف الشديد فمنتهي الاسائة في التعامل مع الزبائن علي العكس تماما من معاملتكوا في قليوب
هناك المهندس رفض استقبال السيارة و لكنه قام بعمل المعاينة بعد الحاح شديد نظرا لضيق وقته و قاله انا ما عنديش باب دلوقتي علشان اركبهولك و البيبان لسة حنستوردها... عاجبك عاجبك مش عاجباك هو ده الي عندنا و لو مش عاجبك روح شوفلك اي حته تانية غيرنا تصلح فيها

انتظر اخي لمدة 10 ايام حتي تم احضار الباب من الجمارك و عند تسليم السيارة فوجئ بالسمكري عايز حلاوته علشان يشتغل في العربية كويس !!!!!(غريبة صح و ده في توكيل مش ورشة خاصة) و البوهبيجي عايز الي فيه القسمة علشان يطلع اللون صح !!!اخزيا اداله 20 جنيه قاله 20 ايه ؟؟دي تديها لصبايني اما انا ما يكافنيش 20 و لما نسلمك العربية عايزين الحلاوة ؟؟
من تحاور اخويا مع مدير الورشة و مهندس الاستقبال لقي معاملتهم سيئة مثل الصنايعية ...

بصراحة انا ما شفتش اي معاملة في اي توكيل بين الصنايعية و الزبائن !!!!!!!!

معلش طولت عليك ..دلوقتي هل فيه كبير لهذه الورشة حتي يتم الشكوي ليه ؟؟؟؟؟و لا هما كدة في الرواس و لازم ننبه علي الاعضاء من عدم التعامل مع رواس عامة و العجوزة خاصة لسوء التعامل معهم

وشكرا لتعبك دايما و اسف علي الاطالة

اولا قدر الله وماشاء فعل
ثانيا هوة احنا وصلنا للمعاملة دي في التوكيلات انا سمعت ان الرواس توكيل محترم هل وصل الي هذة المرحلة طب يبقي تروح في ورشة برة احسن او لو كنت مأمن عليها تبقي تروح الورشة اللي شركة التأمين بتتعامل معاها احسن كان الله معك
ثالثاهنشوف رد مركز خدمة الرواس علي الكلام دة لانة انا شايف انة خطير جدا.وشكرا

قدر الله ما شاء فعل و معلش ان شاء الله ترجع احسن من الاول
بس بالنسبة لمركز الصيانة دا فا مأضرش اقول حاجة غير دي حاجة تكسف اوي اوي ان في توكيل الصنايعية عايزين الحلاوة بتاعتهم و الكلام الفارغ دا .... و بعدين اذا كان حضرتك مهندسين الاستقبال بيتعملوا مع العميل كدا يبقي حضرتك عايز الصنيعية يكونوا عاملين الذاي ؟؟؟؟؟

مبدأيا ..الحمدلله انها جت فى باب ونصيحه ابعد عن عمل اى سمكره ودوكو فى اى توكيل وروح اى ورشه بره افضل علشان الاسعار فى التوكيل غاليه جداا وبياخدوا وقت طويل والعربيه بتبعد عنك كتير بعكس الورش بتبقى العربيه تحت عينك طول الوقت وعارف ايه اللى بيحصل فيها

انا اعرف مدير الصيانة في الرواس وهابلغه بالواقعة دي وهو لازم هيحقق فيها وكذلك هابلغ مدير الصيانة عندنا علشان يكون على علم بالموضوع

شكرا للمهندس طارق على اهتمامة بالموضوع و لكن رجاء اتخاذ الواقعة بمحمل الجد حيث ان هذا يمس بسمعة الرواس و بسمعة ميتسوبيشى فى مصر لان الصيانة و التوكيل اصبحت من اهم نقاط نجاح اى سيارة فى مصر ولا شك ان استمرار هذا السلوك سوف يعود بالضرر البالغ للوكيل و يحجم العملاء عن التعامل معة