عرض للطباعة
عرضت على سيارة دوجان 95 (بكل الكماليات) وبحالة ممتازة في جزئها الأعلى، أما في الشاسية فقد تبين أن به "مرمة" أسفل الطرف الخارجي للدواسة اليمنى، أرجع المهندس الذي فحصها سبب المرمة إلى البارومة وليس حادثا، وأكد ذلك وجود بارومة في أسفل الدوسة من الجهة اليسرى (في مواجهة المكان نفسه) تحتاج إلى معالجة لأنها بدأت تأكل في جسم الشاسية. فهل هذا العيب يؤثر في قوة السيارة عموما والشاسية خصوصا، وكم تقدر ثمنها على هذه الحالة.
الحقيقة انا مقدرش اتكلم فى سعرها انما انا انصحك متاخدش عربية ماسكة فيها بارومة وبعدين يا اخى دى اكلت الشاسيه الى هوا اساس العربية, بلاش العربية دى ودور على حاجة سليمة حتى ولو كانت اغلى لانك لما بتبشرى سليم بتشترى راحة بالك.
بارك الله فيك وجزاك عني خيرا
لتحديد ثمن العربية محتاج معلومات كتير و هيكون تقريبي لان المعاينة هي الاهم
اما راي الشخصي العربية السليمة حتي لو غالية هتكون ارخص
و ماعتقدش ان حضرتك عندك وقت تدور علي صنايعي كويس و بعدين يلطعك جانبه كام اسبوع
و بعدين هتكون متضايق لانها ماتعملتش زى ما انت كنت متخيل و هتكون متضايق و يمكن نفسك تقفل من العربية
وفر فلوسك حتي لو دفغت اكتر شوية من سعر السوق هتكون انت الكسبان فعلا
ده راي الشخصي عن تجربة شخصية (الزيرو ارخص من الستعمل)
و ربنا يوفقك في عربية كويسة ان شاء الله
Sameh Aziz
البارومة لو في الدواسة فقط يبقي شيء عادي أنما لو في الشاسيه نفسه يبقي أصرف نظر والله أعلم
انا مع الرأي الأخير
البارومة في الدواسات شيء عادي و لا يعيب السيارة و يتعمل في نص يوم عند سمكري كويس و يتدهن بلاك و مش حايتكلف اكتر من 150 جنية في اقصى الأحوال
اما لو كانت البارومة وصلت للشاسية (علبة الشاسية) و اكلت فية فالموضوع حايختلف و حايعيب السيارة و عند بيعها حا ينزل في سعرها كتير و اللي يشتري حايشك انها من حادث مش مجرد بارومة
لو العربية حالتها كويسة و سعرها مغري جدا و البارومة مامسكتش في علبة الشاسية يبقى توكل على الله
وربنا يوفقك لما فيه الخير
انا من رايى الاخوة الافاضل انك تبعد عن العربية ده وهتلاقى حاجة احسن ان شاء الله