كيف أركن السيارة في مسافة ضيقة من اول مرة ؟؟

**Ahmed Anwer** · 22-08-2007 03:15 AM

من فترة كده كان البرنامج الأمريكي بتاع أوبرا ، جايب فقرة عن العربية اللكزس اللي بتركن لوحدها طبعا مش ده المهم عشان دي ممكن تنزل مصر في الألفية الجاية ، اللي عجبني طريقة ركن السيارة ما بين عربيتين بالطول(صف واحد موازي للرصيف :D ) في مسافة ضيقة هو كلنا بالخبرة كده بنركن بالظهر عشان عارفين إن ده اللي بيجيب في المسافات الضيقة، بس أنا حسيت من كلامهم إن في طريقة مدروسة للحكاية دي هما كانوا بيكلموا تقريبا إنك نخلي بوز عربيتك مع دركسيون العربية اللي قدام و بعدين العربية تكسر علي الآخر لوحدها و بعدين تكسر الإتجاه المعاكس عشان تعدل نفسها في مكان الركن ده اللي انا فاكره و ممكن يكون فيه حاجة غلط
يا ريت لو في حد من ذو الخبرة يشرحلنا الطريقة السليمة بس من مرجع أو يدلنا علي موقع مشروحة فيه

**hazem_khidr** · 22-08-2007 04:20 AM

الطريقه اللي دايما بعملها اني اخلي بوظ عربيتي عند نص العربيه اللي حركن وراها و اكون وااقف بخط مستقيم و علي بعد ن متر منها.
و ارجع بضهري و كاسر الدركسيون لحد ما احس اني حخبط في الرصيف ابتدي الف الدركسيون الاتجاه المعاكس و عيني علي بوز العربيه بتاعي و حتلاقي العربيه دخلت زي ما انت عاوز

**Nader** · 22-08-2007 02:10 PM

هو نظريا مش ممكن تركن على مرة واحدة في مكان ضيق لانك بعد ما هترجع بضهرك هتحتاج انك تطلع للامام علشان تعدل العربية، لو مكان واسع شوية ممكن.

**Ahmed Anwer** · 22-08-2007 02:31 PM

بتهيألي يا أ/نادر لو عدلت العجل في الوقت المناسب مش هتضطر تطلع قدام هتخش من أول مرة مضبوط
بتهيألي الحكاية دي مهمة عشان الناس في مصر مستعجلة و محدش بيصبر علي حد عقبال ما يركن

**Nader** · 22-08-2007 02:33 PM

بتهيألي يا أ/نادر لو عدلت العجل في الوقت المناسب مش هتضطر تطلع قدام هتخش من أول مرة مضبوط
بتهيألي الحكاية دي مهمة عشان الناس في مصر مستعجلة و محدش بيصبر علي حد عقبال ما يركن

مش هي دي المشكلة, المشكلة انك هتزنق اللي وراك وممكن يخبطك وهو طالع, دة لو عرف يطلع اصلاً.

**Ahmed Anwer** · 22-08-2007 10:54 PM

شكرا يا باشا علي الفيديوهات الجامدة دي

هو نظريا مش ممكن تركن على مرة واحدة في مكان ضيق لانك بعد ما هترجع بضهرك هتحتاج انك تطلع للامام علشان تعدل العربية، لو مكان واسع شوية ممكن.

تقريبا معاك حق عشان حتي في الفيديو بتاع اللكزس الراجل في الآخر طلع سنة لقدام ، ممكن فعلآ يكون عشان يوسطن العربية

**mtema99** · 23-08-2007 11:43 AM

خد ال لينك ده بقى
هو ده ثوره ال تويوتا اللي جايه
هتركن بطريقه سهله مووووووووووت
http://www.youtube.com/watch?v=vDZROqw97XM
اسمها fine x
ممكن تحود الاربع عجلات حتى زاويه 90 و بعدين بقى تخش يمين او شمال فالمكان من غير ما تجييب ورا او قدام
بس ديه هاتبقى ثوره و احتمال ينزلوها على البريوس ال جيل التالت اللي تحتوي ال plug in hybrid technology
و بيتقال عليها كمان hybrid -x technology
و ده بيخلي العربيه تشحن من اي كابس عادي (مش 3 فييز) و يمشي بيها لحد 50 كلم بسرعه قصوى 80 كلم/س بعد ال 80كلم/س يفتح المحرك البنزيني و يقفل الكهربا و لو احتجت الطاقه القصوى يفتح الاتنين معا حيث ان موتور الكهربا ممكن يشحن من كل دوسه ليه على المكابح فيولد طاقه حراريه تستخدم فيما بعد الي تحويلها الي طاقه كهربيا
و ادي لينكات ال hybrid -x &
http://www.youtube.com/watch?v=LAfKkGt9P2w
http://www.youtube.com/watch?v=YN3PgmINBD8
و يقال ان الجيل الثالث ايضا سيكون قريبا من هذا الموديل مع تغيرات طفيفه فالخارج
و تغيرات شديده على المقصوره
و ادي لينكات ال plug in hybride
و هي مجربه على الجيل الحالي (الثاني) من هذه السياره
http://www.youtube.com/watch?v=trfH0SI9Org
http://www.youtube.com/watch?v=7BvaFjdNl-E
http://www.youtube.com/watch?v=d2lei-DcWB0
http://www.youtube.com/watch?v=pqEP_w5WHCo
http://www.youtube.com/watch?v=zwHzZbO_G30
http://www.youtube.com/watch?v=MZVSQ3bvI10