عمرة ولا تغيير طقم شنبر( لانسر 2008)

**mika1** · 02-02-2009 11:30 AM

عربية احد اصدقائي لانسر 2008 1600cc خليجي عاملة 33000 كم وكانت متأجرة ولما استردها من المؤجرلقى ان العربية بترتل وبتمشى متلتة المهم غيرت البوجيهات والعربية زي الفل وبعدين رجعت ترتل تاني روحت للتوكيل قالى العربية عايزة طقمم شنبر وجوان وش سلندر او عمرة لان فيه زيت في خرطوم الفايز اللي رايح للعمة.
المهم روحت لميكانيكي من العتاولة قالي العربية دي سخنت وسبب اللي بيحصل ده من الرشاشات فيهم واحد مش نظيف هو اللي بيخلي العربية تعطس وتعمل الزيت ده .
بصراحة عاوز النصيحة

**samirayad** · 02-02-2009 01:58 PM

المشاركة الأصلية كتبت بواسطة mika1

عربية احد اصدقائي لانسر 2008 1600cc خليجي عاملة 33000 كم وكانت متأجرة ولما استردها من المؤجرلقى ان العربية بترتل وبتمشى متلتة المهم غيرت البوجيهات والعربية زي الفل وبعدين رجعت ترتل تاني روحت للتوكيل قالى العربية عايزة طقمم شنبر وجوان وش سلندر او عمرة لان فيه زيت في خرطوم الفايز اللي رايح للعمة.
المهم روحت لميكانيكي من العتاولة قالي العربية دي سخنت وسبب اللي بيحصل ده من الرشاشات فيهم واحد مش نظيف هو اللي بيخلي العربية تعطس وتعمل الزيت ده .
بصراحة عاوز النصيحة

طيب ماتعمل اختبار كبس الأول للمحرك علشان تعرف كفاءة حبك الشنابر....علشان تعرف تقيم الأمور صح.....وبعد كده نفكر لو فيه مشاكل حقن وخلافه

**i_Am_Legend** · 02-02-2009 02:24 PM

بص ياباشا لو فى دخنة بتطلع من الشكمان وليها لون يبقى الموتور دة عايز طقم شنبر ماشى لكن لو العربية متلتة على طول ومبرجلة يبقى وش سلندر على طولللللللللل

**magyver** · 02-02-2009 05:58 PM

بس ازااي يعني لانسر 2008 وخليجي يعني موديل السنة
هتلاقيها كاانت مفحووتة في الايجاار

**mika1** · 08-02-2009 10:31 AM

يا جماعة انا رحت للميكانيكي اللي كنت بصلح عنده العربية ال128 وقاللي سهلة المهم فك وش السلندر والكارتيرة ولقى ان هناك سلندرين مكسورين
المهم لفينا الدنيا كلها على بساتم مافيش غير في التوكيل وب890 جنيه من غير الضريبة وغير التركيب وطبعا التركيب يبقى عمرة والثمن من 10000 جنيه لحد 12000 جنيه وطبعا حرام
وغيرنا جوان وش السلندر( تيواني 65 جنيه) وطقم شمبر ( يابانى 170 جنيه) وغيرنا البستمين( استيراد استاندرد 220 جنيه) ودفعت للميكانيكى 400 جنيه +100 جنيه زيت +50 جنيه سليكون وبنزين+32 جنيه اسبراي للرشاشات والعربية رجعت ناعمة جداً وانتظمت ومافيش دخنة