معلش بقى استحمل رخامة البافارية
ال316 لما تكون اوتو هيبقي التسارع من 0-100 هيدخله في 13 ثانية
ال116 الاوتو بتكون 12.5 ثانية
يعني زيك زي العربيات ال1300 طب ازاي بي ام دبليو بالتسارع ده!! دي تبقي تعبانة اوي
وطبعا استهلاك البنزين هيبقي عاااااالي خصوصا ان بنزين 92 بيديك اداء اقل كمان من الارقام دي واستهلاك اعلي من المكتوب في الكتالوج
وكمان هتوصل لسعر ال318
يا ريت يا جماعة محدش يجيب 318 زيرو لأن المستعمل بتاعها هينزل نزول رهييييب و هقولوكو أنا حسبتها ازاى
دلوقتى لو فى 320 2007 وعملة 30 الف كيلو تعمل 260 ألف جنيه و فيها شاشة و فتحة (ده قبل نزول الأسعار الحالى)
و ال 318 الزيرو ب 280 ألف جنيه يعنى كمان شهرين كسر الزيرو المفروض تعمل حوالى 260 ألف جنيه بردو
الحسنة الوحيدة اللى تميز ال 318 انها كسر زيرو و كمان شكلها معدل
انما ال320 هتبقى كاملة فيها كل حاجة جنوط+أبانوس+فتحة سقف+i drive+نور فالمقابض و الدواسات+كراسى كهرباء كاملة بالميمورى+2000 سى سى 156 حصان
يبقى أكيد الكماليات الرهيبة دى هتبقى اهم من تعديل الفوانيس و الكلام ده
و انا متوقع ال 318 كسر الزيرو مش هتزيد عن 245 ألف جنيه
طب أنا شايف أن الواحد يستنى عموما عشان اليومين دول السوق مش مستقر خالص فالأفضل الواحد لو مش محتاج العربية يستنى شهرين تلاتة