لو رجع بيك الزمن هايبقى قرارك ايه

**ahmedsiyam** · 02-02-2009 03:07 PM

الاخوة البروتونيين

السلام عليكم و رحمة الله و بركاته

واضح الموضوع من عنوانه
احيانا بنشترى العربية او التليفون او اى حاجة عموما و بعدين يرجع الواحد فينا يفكر
موش كنت جبت دى موش كانت احلى و ايه يعنى فرق السعر ماكنتش هاحس بيه فى القسط
شغل الندم اياه ياكل دماغك بقى و ترجع تقول ياريت اللى جرى ماكان
او العكس و دى فئة موش قليلة برضه اللى لما بتاخد قرار بتلاقيه فى الاخر طلع سليم و 100 100 و موش ندمان انه اتخذه

ياترى ايه رايى الناس فى عربيتهم البروتون و هل انت راضى على العربية و قطع الغيار و الصيانة و التوكيل
هل حد شايف انه كان المفروض قراره يبقى عربية تانية و مافيش مانع من ذكر نوعها و الميزة اللى موجودة فيها و مالقهاش فى عربيته

مستنى الردود و المشاركات

**M.Nabil** · 02-02-2009 04:16 PM

انا مش ندمان خالص اني جبت جين تو, ده كان احسن قرار اخدتوا.

**Amr_tika88** · 02-02-2009 04:36 PM

انا معايا بروتون واجا بس اعتقد لو كنت جبت بريليانس سبلندور كان هيبقى افضل بس بس الواجا سياره جميله جدا والموضوع مش واصل معايا لدرجه اني ندمان بس البريليانس انا شوفتها عربيه جميله جدا

**Ayman_52** · 02-02-2009 04:55 PM

لحد دلوقتى مقتنع تماما بالجين2....ومافيش حاجه داخله دماغى غيرها....ومش ندمان ابدا ان جبتها...وبحبها جدا.

...ربنا يحفظها ويبارك فيها يارب.

الف شكر يا استاذ/احمد ...عالموضوع المميز

**SaMeR-PrOtOn ‎** · 02-02-2009 05:48 PM

انا معي بروتون واجا فل اوبشن وانا مش ندمان خالص لاني اشتريتها اصل الواجا عربية روعة بس صارت معاي مشكلة بعد ماشتريتها باسبوع نزلت الاسعار ورخصت العربية 400000
‏ بس الحمد لله على كل حال

**ahmedsiyam** · 02-02-2009 11:32 PM

انا معايا بروتون واجا بس اعتقد لو كنت جبت بريليانس سبلندور كان هيبقى افضل بس بس الواجا سياره جميله جدا والموضوع مش واصل معايا لدرجه اني ندمان بس البريليانس انا شوفتها عربيه جميله جدا

هى طبعا السبلندور احلى بكتير
بس لو تراجع الفيديو الخاص باختبارات السلامة و الامان فى السيارة البريلينس الجالينا هتلاقى الموضوع اختلف
واذا برضه راجعته بالفيديو بتاع top gear هتلاقى الواجا اخر جمال و احترام بصراحة و متينة جدا
لو عايز اللينكات هابقى ادور عليهم و اجيبهملك

باقى الاخوة الافاضل مشكورين على الردود و ربنا يباركلكم فى عربياتكم

**Amr_tika88** · 03-02-2009 12:19 AM

ياريت يااستاذ احمد صيام علشان الفائده تعم واكون شاكر ليك جدا

**MohabSaeed** · 03-02-2009 03:00 AM

الصراحه غير نادم على قرار شراء البروتون واجا .

ممكن لو رجع الزمن بيا اجيب بروتون واجا برضه لكن فضى . لانى بحب اللون ده جدا , و هو الحقيقه اجمد لون فى الواجا و بيديها شكل تانى . بس بما انى جبتها مستعمله فاختيار اللون ده مكانش متاح اوى قدامى كان المهم السعر و الحاله .

**momenhamdy** · 03-02-2009 03:20 AM

طبعاً فكره جميلة جداًجداً يا استاذ احمد كعاده حضرتك
ولكن انا قبل البروتون كنت بفكر في الاوكتافيا و يمكن كمان كانت A4 مش A5 بس الفكرة ان احنا لقيناها ب 128 الف و كانت المنيوال و طبعاً زي ما حضرتك عارف ان احنا كنا بندور علي الاتوماتيك و طبعاً ولدي كان رافض مبدأ المستعمل (وده علشان يريح دماغه مش اكتر) من عيوب المستعمل (وجه نظر)
المهم كان البديل الاخر لها و هي البروتون جين 2 وبصراحة اقتناع تام بالعربية و بصراحة العربية 10/10 و زي الفل وربنا يبارك فيها

بالنسبة للصيانة و التوكيل بصراحة ان شايف ان كفاءه التوكيل في الاصلاح بسم الله ماشاء الله ( و يمكن حضرتك كنت متابع معايا الموضوع الخاص بعملية الاصلاح الي تمت )
لكن بالنسبة للاسعار و زي محنا متفقين ان الاسعار مبالغ فيها جداًجداً و انا منكرش ان بصراحة التوكيل سلخ التأمين في عملية الاصلاح من ناحية الاسعار الخاصة بالقطع الي تغيرت

ولكن لو رجع بيا الزمن انا وولدي برده كنا حنختار الجين 2 او البروتون عموماً لاننا كنا مقتنعين بها من ايام ما نزلت الويرا في السوق المصري ...

علي فكرة يا استاذ احمد الموضوع الي كنت كلمت حضرتك عليه في اخر مره .... انا رحت يوم الاحد الي فات و حطوا العربية علي ال Scanner و كان العيب في ال امبليزير بتاع المفتاح نفسه و كله تمام و الحمد لله انا حبيت اطمنك و اسف علي التأخير
ولك مني كل التقدير و الاحترام