إحالة طلب وقف استيراد السيارات من غير بلد المنشأ لـ «لجنة بت»..

**ahmed1981** · 02-02-2009 11:45 PM

المشاركة الأصلية كتبت بواسطة mo7a_mo7a

إلا أن مصدر مطلع بوزارة التجارة والصناعة، لفت إلى وجود اتجاه واضح داخل الوزارة لرفض مطلب منتجى السيارات بوقف الاستيراد من غير بلد المنشأ، خشية حدوث مشاكل فى السوق قد تنجم عن ظهور حالات احتكارية بعد قصر الاستيراد على عدد معين من التجار والوكلاء من بلد المنشأ.

يبدوا إن لسه فيه بعض المخلصين

المشاركة الأصلية كتبت بواسطة mo7a_mo7a

وأشار صلاح الحضرى، رئيس رابطة مصنعى السيارات، إلى أن المطالبة بوقف الاستيراد من غير بلد المنشأ جاء بهدف حماية صناعة التجميع المحلية والصناعات المغذية المعتمدة عليها، مستبعداً أن يؤدى هذا الأمر إلى ظهور حالات احتكار أو رفع للأسعار فى السوق.

وقال إن كل دول العالم لا يوجد بها غير منتج أو وكيل وليس وكلاء ومستوردون مثلما هو الحال محلياً، معتبراً أنه فى حال استمرار الاستيراد من غير بلد المنشأ فى ظل هذه الظروف سيتحول الوكلاء الحاليين إلى متعاملين مع الوكلاء الخليجيين.

واضح إن صلاح الحضري هو رئيس عصابة المحتكرين
وبيحاول يتمسح بأي حاجة عشان إحتكار زمان اللي لسه البلد خطت خطوة واحدة عشان تنظف منه يرجع

ربنا يكفينا شره وشر أمثاله من دعاة الإحتكار

**Amr_Moh** · 03-02-2009 12:04 AM

المشاركة الأصلية كتبت بواسطة mo7a_mo7a

انا بحترم الوزير رشيد جدا ورغم انك محق في شق منكلامك الا انني اري ان الامور لا تحسببهذا الشكل فمصلحة الشركات لا تتاثر دوما بالسلب نتيجة الاستيراد وانما هم يخافون الاستيراد من الخليج في ظل الازمة وانخفاض الاسعار هناك مما يضر فرض قبضتهم علي السوق
اي ان طلبهم يعد مؤقت وهو ملا تقبله الحكومة

ولايام ستبين ما نحن بصدده

تصوري انهم حايوأفو الإستيراد كإجراء وقائي لمدة سنة و بعدين يفتحوه تاني

**yehia** · 03-02-2009 02:06 AM

طلبات مجمعى وتجار السيارات أوامر... طلبوا وقف الاستيراد من غير بلد المنشأ... على طول الدنيا انقلبت وبتتشكل لجان ويسربوا اشاعات عن اتجاهاتها لرفض الطلب... طبعا لتهدئة المستهلكين.....
لكن بقى لما جمهورالمستهلكين ... اللى هو أصلا بيأكل رجال الأعمال دول عيش...ومعيشهم من خيره... أما يطلب خفض الأسعار ولا الجمارك.. الرد يبقى جاهز على طول... احنا قصَر - بتشديد الصاد - وعديمى الأهلية ومش عارفين مصلحة نفسنا ولا نافعين فى أى حاجة.....
الرحمة يا رب ......

**mo7a_mo7a** · 04-02-2009 02:14 AM

المشاركة الأصلية كتبت بواسطة ahmed1981

يبدوا إن لسه فيه بعض المخلصين

واضح إن صلاح الحضري هو رئيس عصابة المحتكرين
وبيحاول يتمسح بأي حاجة عشان إحتكار زمان اللي لسه البلد خطت خطوة واحدة عشان تنظف منه يرجع

ربنا يكفينا شره وشر أمثاله من دعاة الإحتكار

طبعا في مخلصين

خد بالك الناس المتحكمة بتكون دائما في الظل انما صلاح وغيره فزاعات ودمي لزوم الشو الاعلامي وتنفيذ الاوامر مش اكتر سكرتارية يعني

**mo7a_mo7a** · 04-02-2009 02:21 AM

المشاركة الأصلية كتبت بواسطة yehia

طلبات مجمعى وتجار السيارات أوامر... طلبوا وقف الاستيراد من غير بلد المنشأ... على طول الدنيا انقلبت وبتتشكل لجان ويسربوا اشاعات عن اتجاهاتها لرفض الطلب... طبعا لتهدئة المستهلكين.....
لكن بقى لما جمهورالمستهلكين ... اللى هو أصلا بيأكل رجال الأعمال دول عيش...ومعيشهم من خيره... أما يطلب خفض الأسعار ولا الجمارك.. الرد يبقى جاهز على طول... احنا قصَر - بتشديد الصاد - وعديمى الأهلية ومش عارفين مصلحة نفسنا ولا نافعين فى أى حاجة.....
الرحمة يا رب ......

علي فكرة موضوع الاستيراد مش ضار للوكلاء ابدا بالعكس في توكيلات بتكسب من وراه كتير من بيع قطع الغيار والصيانة وطبعا علشان مفيش ضمان السعر ينضرب في اتنين وكده

انما المشكلة دلوقتي ان الاستيراد حيخلق سعرين للسيارة في السوق.
حد يقولي ما طول عمرها كده!
اقوله لا لا كان الفرق بسيط ويعوضه الضمان علي المحلي انما لما يبقي الفرق 15 او 20 الف واحيانا اكتر اكيد المشتري حيفكر وفي ظل وجود كماليات وامكانات اعلي للمستورد عن البضاعة بتاعة التوكيل قرار الشرا حيكون معروف وبكده يتعرضوا لركود مضاعف ويفلت سعر السوق منهم لانهم حيطروا مجبرين يخشوا في منافسة سعرية مع المستوردين ولو نزلوا اسعارهم مش حيبقي سهل يرفعوها تاني
وده السبب الرايسي اللي المنتجين بعندوا علشانه
مش عايزين الاسعار تنزل لانهم بكده حيبانوا ضعفاء امام المشترين ومش حيعرفوا يرفعوا الاسعار لان مش حيبقي في حجة
وحنبقي احنا اتعودنا كل اما نغضب نقاطع وهم مش عايزين كده
سياسة زبونك علي ما تربيه

والان نحن يا سادة في انتظار القرار لكن مش ساكتين وبنقولها بصوت عالي

لا لسياسة غلق السوق وتكريس نظم الاحتكار