بالضبط كده ياباشا....
قواعد ادخال السيارات فى مصر زى ما قلت انت لو كنت انت جايب السيارة من بره بنفسك... وذلك بشروط....
ياإما تكون انت أول مالك للسيارة ويتم اثبات ذلك بموجب فاتورة الشراء الزيرو باسم حضرتك توثقها من مرور الدولة اللى انت فيها... ثم من القنصلية أو السفارة المصرية... ساعتها تقدر تدخل العربية مصر ولو بعد 50 سنة من تاريخ انتاجها... ويكون السعر فى الفاتورة هو أساس احتساب الجمرك..مع وجود نسبة خصم عن كل سنة بتعدى على الموديل.... ثم يتم احتساب رسم الوارد على قيمة السيارة والجمرك... ثم ضريبة المبيعات على مجموع الثمن الأصلى + الجمرك + رسم الوارد....
الحالة الثانية انك ماتكنش أول مالك للسيارة - شاريها مستعملة- ساعتها لازم عشان تدخل مصر تبقى فى نفس سنة الموديل بتاعها، وتكون فاتورة الشراء للمشترى الأصلى (الزيرو) موجودة وتسلسل البيع حتى حضرتك يكون موثق فى مرور الدولة، وده كله موثق فى القنصلية أو السفارة المصرية.....
طبعا كل اللى فات يسرى على حالة الدخول النهائى بالسيارة إلى مصر فقط مش حالة الإفراج المؤقت.....
شفت اجراءات سهلة ازاى؟