هل نعتبر ده بداية النجاح لوقف جشع التجار : البافارية تخفض أسعار جميع سيارات Bmw نحو

**saidbakr** · 06-02-2009 02:42 PM

المشاركة الأصلية كتبت بواسطة mo7a_mo7a

CIF
هي بتتقدر علي اساس النوع والموديل وبلد المنشا
تقدر تقول عليها قيمة اسمية للسيارة
بتتغير كل اد ايه ((لا اعلم))
لكن مش كل سيارة ليها قيمة سيف
بمعني ممكنمثلا تلاقي الماروتي والسيريون والالتو والبيكانتو علي نفس قيمة سيف وارد
والتريوس والسوزوكي X4 والفيتارا مع بعض في نفس قيمة سيف وارد
(((((انا بقول مثلا)))))

واحنا في الخدمة يا فندم

بس انا كان لي استفسار، يعني حضرتك لو جبت فاتورة موثقة من السفارة المصرية في ألمانيا (بفرض مثلا انك روحت اشتريت عربية أوبل من ألمانيا) بسعر العربية، يعني السفارة رضيت توثقلك الفاتورة على ان ده هو سعر العربية الماشي هناك، بمعنى انها موش فاتورة وهمية او مضروبة للتلفيق.

موش برضوا في الجمارك هيحسبولك تمن العربية بناء على الفاتورة برضو؟ و لا ايه؟!!!

**karimone** · 06-02-2009 08:16 PM

المشاركة الأصلية كتبت بواسطة saidbakr

بس انا كان لي استفسار، يعني حضرتك لو جبت فاتورة موثقة من السفارة المصرية في ألمانيا (بفرض مثلا انك روحت اشتريت عربية أوبل من ألمانيا) بسعر العربية، يعني السفارة رضيت توثقلك الفاتورة على ان ده هو سعر العربية الماشي هناك، بمعنى انها موش فاتورة وهمية او مضروبة للتلفيق.

موش برضوا في الجمارك هيحسبولك تمن العربية بناء على الفاتورة برضو؟ و لا ايه؟!!!

انا كنت عايز اسأل نفس السؤال برده...؟؟؟

لو حد يعرف موضوع الفاتوره الموثقه ده ياريت يفيدنا...

**misalof** · 07-02-2009 10:01 AM

(karimone) تمام ... بس خلي بالك من حاجه
سعر العربية بيبقى موجود في الجمرك ... و ده اللي بيتم التحسب عليه
مثلا العربية تمنها بره 40 ألف يورو أو دولار ... و انت بأي طريقه قدرت تعمل فاتورة ب 20 ألف يورو أو دولار ... و وثقتها ... و شحنتها ... و جيت تجمركها .... ( طبعا انت متوقع تتحاسب على نص قيمة الجمارك)

لا لا لا .... الجمارك هنا صاحيه ... و حتقولك لأ العربية دي تمنها 40000 يورو مش 20 ألف ...و ده طبقا للعربيات المماثلة اللي دخلت قبل كده و اتجمركت من نفس النوع .... و حاتحاسبك على الأساس ده .

**misalof** · 07-02-2009 10:02 AM

الفاتورة(سعر شراء العربية من بلد المنشأ) + سعر الشحن + التأمين
ده سعر العربية اللي بتتجمرك عليه

**sa3dawy** · 07-02-2009 03:27 PM

هى اسرار عسكرية مثلا ؟؟؟
مايقولو الاسعار الجديدة و خلاص
اية الهبل دا

**mo7a_mo7a** · 08-02-2009 02:55 AM

المشاركة الأصلية كتبت بواسطة saidbakr

بس انا كان لي استفسار، يعني حضرتك لو جبت فاتورة موثقة من السفارة المصرية في ألمانيا (بفرض مثلا انك روحت اشتريت عربية أوبل من ألمانيا) بسعر العربية، يعني السفارة رضيت توثقلك الفاتورة على ان ده هو سعر العربية الماشي هناك، بمعنى انها موش فاتورة وهمية او مضروبة للتلفيق.

موش برضوا في الجمارك هيحسبولك تمن العربية بناء على الفاتورة برضو؟ و لا ايه؟!!!

اولا انا قاعد في المانيا حاليا
انت لما تشتري عربية جديدة بتروح تسجل في المرور وتستخرج شهادة بانك اول مالك وتجيب الفواتير كل الورق ده طبعا الماني
التوثيق في السفارة وظيفته انه يعتمد الاختام ويثبت صحة الورق ده لان الجمارك في مصر مبتقراش الماني وده يثبت حقك وسلامة ورقك وانك اول مالك وفي سنة الصنع وبالتالي تقدر تجمرك السيارة

ثانيا نيجي للسؤال لو قيمة سيف وارد 40 الف وانت اشتريت العربية ب 30 الف مثلا تحتسب الجمارك علي قيمة سيف وارد بغض النظر عن سعر السيارة الفعلي وبالمثل لو اشتريت بسعر اعلي لا يعتد بيه الا انه يجب مطابقة مواصفات السيارة بشهادة البيانات
اي انه علي سبيل المثال اذا كانت السيارة تحتوي علي امكانيات اعلي من الامكانيات المقررة في شهادة البيانات التي قدر علي اساسها قيمة سيف الوارد فان الجمارك ستعدل قيمة سيف وارد بناء علي امكانيات السيارة الجديدة

مثال علي التوضيح سارة كرولا 2009 قيمة سيف وارد لها 150 الف مثلا شهادة البيانات لا تضم ثلاجة وشاشة عرض تلفزيوني اذا قمت باستيراد سيارة بها ثلاجة وشاشة عرض تلقنزيوني سترتفع قمة سيف وارد ل 160 الف مثلا لتقابل الزيادة في الامكانيات
مع الاخذ في الاعتبار ان شهادة البيانات تصدر من الشركة الام

**mo7a_mo7a** · 08-02-2009 02:57 AM

المشاركة الأصلية كتبت بواسطة misalof

(karimone) تمام ... بس خلي بالك من حاجه
سعر العربية بيبقى موجود في الجمرك ... و ده اللي بيتم التحسب عليه
مثلا العربية تمنها بره 40 ألف يورو أو دولار ... و انت بأي طريقه قدرت تعمل فاتورة ب 20 ألف يورو أو دولار ... و وثقتها ... و شحنتها ... و جيت تجمركها .... ( طبعا انت متوقع تتحاسب على نص قيمة الجمارك)

لا لا لا .... الجمارك هنا صاحيه ... و حتقولك لأ العربية دي تمنها 40000 يورو مش 20 ألف ...و ده طبقا للعربيات المماثلة اللي دخلت قبل كده و اتجمركت من نفس النوع .... و حاتحاسبك على الأساس ده .

كلام سليم جدا

**mo7a_mo7a** · 08-02-2009 02:59 AM

المشاركة الأصلية كتبت بواسطة misalof

الفاتورة(سعر شراء العربية من بلد المنشأ) + سعر الشحن + التأمين
ده سعر العربية اللي بتتجمرك عليه

فاتورة السيارة لا تضم غير سعر السيارة والضرائب في بلد المنشا والتي تستردها عند التصدير
وتكاليف الشحن والتامين تثبت في بوليصة الشحن وليست في الفاتورة
قيمة سيف وارد تحتسب علي اساس سعر المصنع بدون ربح الوكيل + تكاليف الشحن

**mo7a_mo7a** · 08-02-2009 03:12 AM

المشاركة الأصلية كتبت بواسطة som3aa

Cif
معلش ممكن تشرحلى ايه ال Cif و تقدر تعرف القيمة دى منين؟

سيادتك تؤمر يا فندم
العضو karimone شرح المصطلح مرة تانية
لكن علشان خاطرك نجاوب تاني
الجمارك بتسجل كل موديل جديد عند دخوله البلاد اول مرة بشهادة من الشركة الام
توضح الاتي
1- سعر السيارة عند خروجها من المصنع
2- تكلفة الشحن حتي الميناي المصري متضمنة قيمة التامين الاجباري عند الشحن
3- شهادة بيانات تضم مواصفات السيارة

مجموع كل تلك القيم تكون قيمة اسمية للسيارة (ثمن افتراضي) وهو ما يطلق عليه CIF Cost Insurance and Freight

هذه القيمة هي ما يتم احتساب الجمارك عليه بغض النظر علي سعر الشراء الذي غالبا ما يتضمن مصاريف اضاقية وهي

1- ارباح الوكيل
2- الضرائب
3- رسوم التسجيل

والجمارك في مصر تقجر ب 40% علي السيارات 1600 سي سي فاقل + 15% ضرائب علي المجموع بعد اضافة الجمارك + الرسوم والدمغة ويصل الاجمالي الي 61% تقريبا من قيمة سيف وارد

ارجو ان اكون قد اوضحت وانا واهلا باي سؤال اخر

تحياتي

-

الموضوع: هل نعتبر ده بداية النجاح لوقف جشع التجار : البافارية تخفض أسعار جميع سيارات Bmw نحو

LinkBack

أدوات الموضوع

عرض

-

-

-

-

-

-

المواضيع المتشابهه

أسعار جميع سيارات نيسان (الاسعار الجديدة) بتاريخ 13/5/2011

يا جماعه ممكن أسعار جميع سيارات البى أم دبليو موديلات 2009

البافارية تخفض أسعار جميع سيارات Bmw نحو 40 ألف جنيه

الكلمات الدلالية لهذا الموضوع

المفضلات

المفضلات

ضوابط المشاركة