ايه رايكم كل واحد يكتبلنا يومياتة مع عربيتة بيعمل اية فيها بيهتم بيها ازاى وهى بتخدمه ولا لأ والمواقف اللى عملتها معاه بحلوها ومرها انا عن نفسى بعتبر عربيتى واحد من العيلة وبحبها يمكن اكتر من اللى هاتجوزها وهى الحمد لله مكفيانى ومليا عينى يعنى ساعات الاقى حد من اصحابى او الجيران قاعد عليها فبتضايق جدااااا واقولهم يا جماعة انا عارف انها عربية قديمة ومعفنة بس ماحدش يقعد عليها ,وواحد تانى رخم جارنا يوم الجمعة بحب انزل بعد الصلاة اغسلها واظبطها راح رامىىىىى كلمة بيقولى بتنضف اية وبتغسل اية انت عارف لو بعتها دلوقتى هاتجيبلك كام . طيب هو مالة هو انا قولتلة عايز ابيعها! وكملت غسيل عادى جداااااا وبعديها بكام يوم نده عليا وانا معدى علشان ازق مع اولادة العربية بتاعتة وتخيلو عربية ايه(لانوس) !!!!!!!!!ويارب الموضوع يعجبكم وياريت كل واحد يكتبلنا تجربتة مع عربيتة (لان الموضوع دة هيبقى شامل كل حاجة لان التجربة هتبقى السيارة وكل مايخصها من ميكانيكا واعطال ومواقف فكاهية وطريق ومرور وعساكر وضباط وسفر وتعديل وغسيل ومشاوير وكل حاجة..........)
المفضلات