ميجان - لانسر 1600 - نيسان صنى زيرو - بيرسونا زيرو
عرض للطباعة
ميجان - لانسر 1600 - نيسان صنى زيرو - بيرسونا زيرو
طبعا فيه فرق سعر محترم
يعنى الانسر والنسيان صنى فى حدود 100 الف
والبيرسونا فى حدود 90 الف
والميجان تحلق بعيدا فى حدود 130 الف
ممكن تحكيلنا اكتر علشان نساعدك
السلام عليكم
شوف يا باشا طبعا مع وجود فرق السعر زي مااخونا المحترم محمد عز تفضل و اوضحه و هي نقطة مهمة انا جربت اسوق اللانسر 1600 و سوقتها كتير جدا بس كانت المانيوال و العربية الفتيس بتاعها تحفه ناعم و سلس جدا انما تكيييف مالوش اي لازمة يعني انت و انت قاعد في الأمام بتبقي حاسس بيه انما الكرسي الخلفي لا كمان صوت الموتور عالي و الصاج بتاعها يعني مش حلو اوي انما هي بتسحب كويس و متزنة بس بصراحة لما تيجي تشوفها مع الميجان تحس بفرق كبيييييييير غير فرق السعر طبعا الميجان عربية متزنة و ثايتة جدا و كماليات تحفه و عوامل الأمان كتير و انا فاكر انه من كام شهر كده ان سعر اول فئة مانيوال كان 117 الف بس مشكلة الميجان ان سعرها بينزل في اعادة البيع انما لا اعتقد ان في اي مشكلة في اداء السيارة الصني مش عارف عنها حاجة اوي بس هي مش زي الأتنين اللي فاتوا حتي علي مستوي التقفيل و البيرسونا لا اعتقد حد لحق يعرف عنها حاجة
بس كمان علي السيراتو عربية محترمة و سعرها كويس لو لقيت ان سعر الميجان عالي اعتقد انها حتعجبك
وطبعا استخير الله و ان شاء الله ربنا يرشدك للآصوب
احسنهم الميجان بس مشكلتها في التكنولوجيا اللي فيها محدش بيعرف يصلحها غير التوكيل...
اللانسر عربيه حلوه و اثبتت كفائتها في الشارع المصري...قطع غيار منتشره و ناس كتير بيشتغلوا فيها...
الصني عربيه كويسه معرفش مشاكل عنها بس ناس كتير بتشتتكي من قطع الغيار الغاليه...
البيرسونا ماعتقدش انها اتجربت قوي في مصر علشان نقدر نحكم عليها... انا ماعرفش عنها حاجه
شباب أنا أسف أنى موضحتش شوية
1-ميجان موديل 2006 مستعملة عاملة كم40000
2-لانسر موديل 2006-2007 40-50000كم
3-بيرسونا و صنى جديد * جديد 1600 بس هما أغلى من الميجان و اللانسر المستعمل بحوالى 10000 -15000 جنيه
أنا الصراحة نفسى أجيب الميجان بس خايف أجيبها و ألبس فى التصليحات و قطع الغيار و أنا مش متعود
لا لو انت بتقارن بين المستعمل و الزيرو يبقي خاليك في الصني الزيرو... برده لما تجيب حاجه اول ايد احسن كتير...
انت من النوع اللى بيهتم بالسيارة ويحب يعمل الصيانة الدوريه فى ميعاده
ويروح التوكيل او مركز خدمة معتمد لعمل الصيانة
يبقى تجيب الميجان لانك هتشتريها مستعملة وموضوع اعادة البيع اصبح غير مؤثر
لكن غير كده هات اى حاجة تانية مش هتفرق كتير بين الانسر والصنى هما الاتنين تقريبا واحد
اما البيرسونا الحقيقة معنديس فكره
بس ميزتها انها هتكون عربيه زيرو وسط الاختيارات المحطوطة
خلاصة الكلاماقتباس:
نت من النوع اللى بيهتم بالسيارة ويحب يعمل الصيانة الدوريه فى ميعاده
ويروح التوكيل او مركز خدمة معتمد لعمل الصيانة
يبقى تجيب الميجان
بص يا باشا
الصنى عيبها ان الباور بتاعها تقيل مش حلو و التقفيل بتاعها مصرى وحش لكن الموتور كويس اوى و التكييف بتاعها تلاجه و قطع غياره رخيصه
البيرسونا قطع غيارها غاليه و توكيلها مش حلو و تقفيلها وحش بس فيها كماليات كويسه
الميتسوبيشى مقدرش افتى فيها
الميجان طبعا افضل من كل الحاجات التانيه دى بس محتاجه اهتمام بالصيانه الدوريه فى التوكيل بس مش اكتر
وانا لو منك عن نفسى هجيب الميجان لو متأكد من حالتها