اعذروني يا جماعة علي نوعية الأسئلة دي وعلي رأي المثل لا خاب من استشار أنا لسة جايب عربية جديد وكنت عايز أعرف معني اللمبات اللي في التابلوه زي لمبة الزيت والبطارية ..... الخ واهمية كل لمبة وشكرا
اعذروني يا جماعة علي نوعية الأسئلة دي وعلي رأي المثل لا خاب من استشار أنا لسة جايب عربية جديد وكنت عايز أعرف معني اللمبات اللي في التابلوه زي لمبة الزيت والبطارية ..... الخ واهمية كل لمبة وشكرا
وياريت يا شباب يكون الرد مدعم بالصور وشكرا
أنا زعلان قوي يا شباب محدش رد عليا ليه انا مش قلت كل أعضاء المنتدي بقوا أصدقاء والصديق لازم يظهر عند الضيق
لمبة الزيت لو نورت والعربية دايرة يبقى الزيت ناقص
لمبة البطارية لو نورت والعربية شغالة يبقى الدينامو فيه مشكلة
لمبة الحرارة لو نورت يبقى الموتور سخن قوي أو مية الردياتير ناقصة
لمبة الفرامل منورة يبقى فرامل اليد مرفوعة
ولو عايز توضيح بالصور إرفع لينا صورة التابلوه بتاعك وربنا يسهل
متشكر جدا يا مهندس/ أحمد دايما جابربخاطري
الاخ الاستاذ/mahmouda
انت عندك كمان لمبة للحزام بتنور اذا لم تكن رابط الحزام بعد التشغيل موضوع اللمبات دى مهم جدا عند إضاءة اى لمبه يجب الانتباه فورا وإلا ستخسر كثيرا والعياذ بالله (خصوصا لمبة الزيت وهى على شكل مصباح
حفظكم الله
او ممكن يكون كمان زيت الفرامل ناقص.اقتباس:
لمبة الفرامل منورة يبقى فرامل اليد مرفوعة
لمبه الزيت اللي علي شكل مصباح او مزيته لو نورت قدامك و انت سايق تقف بالعربيه فورا و تبطل العربيه اوعي تتحرك بيها سنتي متير واحد علشان ممكن تكون طلمبه الزيت اتكسرت او باظت و لو فضلت ماشي بيها بالمنر دا الموتور حيتحرق.
و ممكن كمان يكون الزيت ناقص ولو مشيت بيها برضه الموتور حيتحرق.
ف اللمبه دي تعتبر اهم لمبه في العربيه هي و مؤشر الحراره.
لمبه البطاريه لو نورت و انت ماشي و ما بتطفيش لما تدوس بنزين يبقي كده ممكن يكون سير الدينامو اتقطع و برضه لازم تقف علشان لو فضلت ماشي البطاريه حتفضي و العربيه تقف من نفسها و طلمبه الميه مش حتدور الميه و تبرد العربيه و نصيحه عين سير احتياطي معاك
و في لمبة التحكم الألكتروني بالمحرك عاملة ذي كاميرا دي لو ضوت و العربية شغالة لازم لازم ترزح التوكيل و الكلام ده موجود في كتيب العربية بالخط العريض
و في لمبة الضوء العالي لو نها أزرق - و في لمبة الضوع العادي عاملة ذي شمس - لمبة الحزام ( 3 لمبات دول مش موجودين في كل العربيات )