الموضوع: سؤال مهم جدا بالنسبة لي يا جماعة؟ يا ريت حد يساعدني بخصوص 320 مو 2006

بص يا باشا هيا تسوى تقريباً حوالي 180000 - 210000 على حسب الحالة بس خللي بالك هيا من غير شاشة و أي درايف و العربية حلوة بس واطية شوية و قعدتها عايزة تعود

المشاركة الأصلية كتبت بواسطة dolab47

يا جماعة يس كنت عاوز اسال عن رايكو في 320 موديل 2006
لان دي اول مرة اركب بي ام بصراحة ومعروض عليا وهحدة حالتها كويسة جدا كشفت عليها في البافارية و قالو محتهجة بس اتنين مساعدين ومش ضروري يتغيرو 75%
و شوية تجريحات في الاكصدامين فقط
كاملة فرش جلد بدون فتحة سقف
ماشية 55000
اية رايكوا تسوي كام؟
حد عندو فكرة عن سعر الضريبة السنوية ليها كام؟

وبرضوا قدامي 318 نفس المواصفات تسوي كام ياجماعة؟

ياريت حد يفيدني لان ماليش خبرة قوي في البي ام
ولكم جزيل الشكر

زي ما ياسر قالك في سعر ال320 لانها فيها شوية تجريحات والمساعدين عايزين يتغيروا
وموضوع بهدلة المساعدين دي مش سهلة لان برضه العربية عاملة 55000 بس و لحقوا يبقي حالتهم كده
معني كده ان العربية كانت بتمشي في طرق عجيبة والله اعلم ايه تاني ممكن يكون اتأثر
يستحسن تشوف دفتر الصيانة عشان تعرف تاريخ العربية
عشان تعرف لو كان فيها حاجات اتغير في الضمان والكلام ده كله
بالنسبة لل318 الي هي الشكل القديم المفروض تكون في حدود 160000 ل180000

الف شكر يا جماعة علي سرعة الرد اللي ماكنتش متوقعها
بس يا جماعة دي العربية 2006 دي الشكل الجديد
و هو بصراحة طالب 220000
اية رايكو؟ السعر ماشي ولا اية ؟ اصل السعر اللي حضراتكو قولتوة مش قليل شوية علي الشكل الجديد؟

بص يا معلم هوا اه الشكل الجديد بس خللي بالك إن في شكل نزل بعديه اللي هوا facelift و كمان الشاشة و الأي درايف حاجه مهمه تنزل جامد و كمان هيا اصلاً في التوكيل زيرو ب 320000 فا مش معقول ينزل 100000 بس دا غير الكيلو و والمشاكل اللي في المساعدين فا يا ريت لو تقولوا كده و تنزل معاه ل 200000 لو كده تبقى كويسه