الموضوع: الحملة الشعبية الرسمية لتخفيض أسعار البنزين فى مصر

المشاركة الأصلية كتبت بواسطة lada2010

انا مع الحملة بس هيكون رد الحكومة دلوقتى احنا لو نزلنا الاسعار ويجى تانى الاسعار تعلى ساعتها هيقولوا لكم سعر البنزين ب 2 جينة ل90 ومش هتقدروا تفتحوا بوا معاهم فالحل الامثل من وجهة نظرى تحرير سعر البنزين والسولار بمعنى لو سعرة العالمى قل يقل معة ولو زاد يعلى معة زى تحرير سعر الصرف اللى هم عملونوا دلوقتى حد فكر هم حرورا سعر الصرف لية علشان يجيب عملة والبلد يكون فيها دولار بسعر متوسط علشان يقدورا يستوردا اى حاجة فمن هنا نطلق على حملتنا تحرير سعر البترول بس الحكومة دى عايز اضراب عام بمعنى اننا لا نشترى البنزين لفترة وهم يشربوا واركب مواصلات ياسيدى الكم يوم

لألألألألألألألألألألأ..... تحرير ايه الله يكرمك.... خليه متقيد احسن..... انا كنت فى هولندا و راكب مع واحد صاحبى و قاللى انه عايز يفول.... وبعدين عدينا على بنزينة، لقيته بيقولى تعالى نشوف البنزين النهارده بكام، قولتله نعععععععععم.... قاللى احنا هنا البنزين سعره حر مع السوق العالمى وكل يوم بسعر، وكان وقتها اللتر= 1.15 يورو فقط لاغير، و بأسعار يورو تلك الايام= 8.97 جنيه مصرى فقط لاغير.
حد هييجى يقول بركة، ما هو البترول دلوقتى ب 35 دولار، هقوللك ما هو ممكن تانى يرجع ب 150، كلها حرب صغيرة فى اى حتة فى الشرق الاوسط الذى كتب عليه ان يكون دائما على صفيح ساخن. وكمان التحرير ينفع فى البلاد اللى اقتصاداتها قوية، مش كحيانة زى حلاتنا

المشاركة الأصلية كتبت بواسطة SE_coralsea

بالنسبة للى عنده عربية:
___________________

بالنسبة للى بيجيب بنزين 80 هاتفرق معاه كتير بس مش فى السعر لكن فى الزحمة والطوابير عشان لو البنزين رخص الطلب هايقل تانى على البنزين 80 والزحمة هاتقل والناس هاتجيب 90 أو 92 فطبعاً الزحمة هاتقل كتير...



بالنسبة للى بيجيب بنزين 90 بيملى للعربية تانك فى المتوسط 25 لتر بيدفع 43.75 جنيه ولو البنزين رجع لأسعاره تانى هايدفع 32.50 جنيه



بالنسبة للى بيجيب بنزين 92 بيملى للعربية تانك فى المتوسط 25 لتر بيدفع 46.25 جنيه ولو البنزين رجع لأسعاره تانى هايدفع 35 جنيه



بالنسبة للى بيجيب بنزين 95 بيملى للعربية تانك فى المتوسط 25 لتر بيدفع 68.75 جنيه ولو البنزين رجع لأسعاره تانى هايدفع 43.75 جنيه

______________________________________________

بالنسبة للاتوبيسات والميكروباصات والتاكسيات طبعاً هايرخصوا اسعارهم تانى عشان اسعار السولار والطاقة كلها قلت ودى
هاتفرق كتير جداً مع كل الناس

فكرتنى بايام زمان
ياريت ترخص تانى

بلاش نتحرك في جهتين في وقت واحد عشان دة أكيد هيضعف موقفنا في الجهتين و احنا بقالنا أكتر من شهر في حملة الصدأ و لسة منتصرناش بس موقفنا فيها هو الأقوى .

لما نخلص دي نبقى نشوف . لكن كدة الناس تتشتت و احنا لسة في أول معركة مع الجشع فلازم نفوز فيها فوز كاسح نثبت به اقدمنا ونستوعبه و بعدين نحارب في ٥ جهات مش واحدة .

خلنا مركزين في حملة الصدأ الآن و بلاش نركب الموجة و نبدأ حملات جديدة و احنا لسة بنتعلم .

المهم دلوأتي و فقط المهم هو اننا كلنا ننجح خليها تصدي و دة مش هييجي غير لو كل مجهوداتنا متركزة فيها .

يا اصدقائي في ناس بتقول الحملة لسة منتشرتش كويس بين الناس في الشارع و ده مشكلة و يا ريت حد يتأكد منها ويسعد في حلها على نطاق واسع مش بس جرانه و أقاربه .

المشاركة الأصلية كتبت بواسطة Anxs111

بلاش نتحرك في جهتين في وقت واحد عشان دة أكيد هيضعف موقفنا في الجهتين و احنا بقالنا أكتر من شهر في حملة الصدأ و لسة منتصرناش بس موقفنا فيها هو الأقوى .

لما نخلص دي نبقى نشوف . لكن كدة الناس تتشتت و احنا لسة في أول معركة مع الجشع فلازم نفوز فيها فوز كاسح نثبت به اقدمنا ونستوعبه و بعدين نحارب في ٥ جهات مش واحدة .

خلنا مركزين في حملة الصدأ الآن و بلاش نركب الموجة و نبدأ حملات جديدة و احنا لسة بنتعلم .

المهم دلوأتي و فقط المهم هو اننا كلنا ننجح خليها تصدي و دة مش هييجي غير لو كل مجهوداتنا متركزة فيها .

يا اصدقائي في ناس بتقول الحملة لسة منتشرتش كويس بين الناس في الشارع و ده مشكلة و يا ريت حد يتأكد منها ويسعد في حلها على نطاق واسع مش بس جرانه و أقاربه .

كلام معقول جدا

مش عارف اقول اية

الشعب المصري فية جبن جامد جدا وكمان الحكومة معتبراة شعب مبيفهمس او غبي

ليهم حق يعملوا اي حاجة


وكمان لية لما بنطالب بحقوق الشعب بيعتبرونا بنشحت منهم
حاجة غريبة

الشيخ محمد متولي الشعراوي رحمة الله -----قالها للرئيس مبارك وشعب اسف ان يكون سلبي -----من الاخر يعني جبان اية الفرق بين السلبية والجبن مفيش فرق


يجب ان ياتي جيل جديد لا يخشي في الحق شئ ومش بس البنزين هيرخص كل حاجة





:k30::k30:

ادعوا الله ان يرفع الغمة عنا ويهدينا الي الصراة المستقيم