الموضوع: وركبت الفوج لايت

اولا كان فيه موضوع فى المنتدى بعنوان "معلومات تهمك عند تركيب الفوج لايت"
كل الشكر لكل الى ساهموا فيه

الخلاصه
انا اشتريت الفوج لايت من المنصوره ب 250جم وجاى معاها كل حاجه الزرار والضفيره وكل الحاجات بتاعتهم
اخدتهم وعملت بنصيحة اخويا وحبيبى الأخ medooo
وطلعت بيهم على باور ماكس الى فى الشارع الى ورا التوحيد والنور الى فى مصطفى النحاس عند مكرم عبيد مدينة نصر
(33 ش عبدالحكيم الرفاعى الموازى لمصطفى النحاس)
الميزه الى عند الناس دول ان محمد الصنايعى الى هناك ركبهم قبل كده ل3عربيات صنى وانا كنت الرابع ودا ظهر فعلا انه كان عارف هوه رايح فين فى العربيه يعنى ما بهدلش حاجه ودى انا شايف فعلا انها اكبر ميزه لأنى قبل ما اروحلهم
لقيت فيه محل اكسسوارات كبير جدا وعنده صنايعيه كتار فسألته حضرتك ركبت الفوج لايت للنيسان قبل كده قالى طبعا اكيد منطقى وكل عبارات التأكيد والثقه قولتله اتوكل على الله وركب لقيته مسك العلبه بتاعت الفوج لايت مش عارف ياعينى الفرق بين الضفيره والكتاوت ومش عارف هيركب الزرار فين قولتله متشكر جدا وكفى الله المؤمنين شر القتال
ورحت طالع على باور ماكس الراجل الطيب الى هناك ما أخدش فى تركيبهم 20 دقيقه وكان الحوار خلصان
بس كان فيه مشكله انه كان بياخد الكهرباء للفوج لايت من على فيشة الكنترول (الكمبيوتر)بتاع العربيه الى هيه الفيشه البيضاء الكبيره الى هتلاقيها اول ماتفك الغطاء الى تحت الدركسيون ودا خطر جدا اللعب فى المنطقه دى وانا لما شكيت فى الأمر كلمت مهندس الكهرباء بتاع التوكيل وشرحتله القصه قال ممنوع حد يجى مكان الفيشه دى بالذات لو عايز تاخد كهرباء من العربيه للفوج لايت هتلاقى فيه سلك طخين ابيض فى ازرق تحت علبة الدريكسيون دا تاخد منه كهربه زى ما انتا عايز مافيش اى ضرر على العربيه ودا الى انا الحمد لله خليته عمله فأرجو من الأخوه الى ركبوا الفوج لايت قبل كده يتأكدوا من انهم مش واخدين كهرباء من فيشة الكنترول ولو كانوا وقعوا فى الغلطه دى يفكوا التوصيله دى ويأمنوا الفيشه دى تانى ويأخذوا الكهرباء من السلك الأبيض فى الأزرق وعلى فكره قصة السلك الأبيض فى الأزرق هى دى التركه الى ماحدش كتير من الكهربائيه يعرفها وهوه دا السر الى التوكيل بيحتفظ بيه لنفسه .
بس بصراحه مش خساره اى فلوس فى موضوع الفوج لايت دا كفايه انه زود الأضاءه وقفل الأكصدام .
وانا تحت امركم فى اى استفسار
والله المستعان

المشاركة الأصلية كتبت بواسطة ashrsy

وكمان كلفك المصنعية والوقت قد ايه مع خالص الشكر

1- المصنعيه :المحل اخد منى علشان انا جايله من المنصوره 25جم
وانا اعطيت لمحمد الى بيركبهم 10جم اكراميه والصبى بتاعه 5جم وانت وزوقك
2- الوقت 20 دقيقه فقط وكله بيبقى تمام
واى خدمه