رأيكم في العربية دي ..... ( معاقين )..... و لا بيتنصب عليا

**Dr_Reda** · 03-02-2009 11:26 AM

السلام عليكم و رحمة الله و بركاتة

في الأول تحية للمنتدى و القائمين على قسم الأوبل

انا بشتري فيكترا اليومين دول .....

المهم واحد عارض عليا فيكترا 97 كانت جاية من برة معاقين و خلصوا الورق بتاعها

المهم العربية 1600 مانيوال عامله 140000 كم فابريكه و كشفت علي العربية في أكتر من مكان و حالتها ممتازة جدا .. بالأضافة ان التكييف بتاعها روعة و فيها ثلاجة .......المهم ان صاحبها طالب فيها سعر عالي و بالعافية ممكن يخلصها بستين ألف .... انا عارف ان السعر عالي على موديل 97 ... بس العربيه ماشاء الله عليها

انا ماليش خبرة بالأوبل بس عايز رأيكم السعر ده عالي جدا حتى لو العربية نظيفة ولا ايه ؟؟؟؟؟؟؟

برجاء الأهتمام علشان في ناس كتيير عاوزة تاخد العربية دي

**Ahmad Allawy** · 03-02-2009 11:56 AM

شوف يا باشا.. العربية حالة.. و ممكن تكون حالتا فعلا تستاهل الرقم ده.. ولو انه عالي شوية..
يعني الرقم ده تجيب بيه عربية 1600 مانيوال موديل 2002 كمان.. مش 97 بس..
بس تلاقيها اللي حالتها نضيفة اصلا.. فاهمني..؟؟!!
هتتعب لحد ما تلاقي عربية حالتها نضيفة..

تاخد العربية و تطلع بيها ع التوكيل.. و تكشف عليها هناك..
و الاهم من كده تتأكد من موضوع انها اتسيراد ولا لأ..
لما تروح.. تكشف عليها عندهم برقم الشاسيه.. و شوف موجود عندهم ولا لأ..
لو عندهم.. يبقي اللي بيبيع ده بيضحك عليك.. و العربية من هنا عادي جدا.. ولو الرقم مش عندهم.. تبقي نازلة من برة فعلا..

و ربنا يوفقك ان شاء الله.. و يكرمك بعربية نضيفة..

**Lord of the flies** · 03-02-2009 12:58 PM

كلام احمد العلاوى باشا زى الفل بس انا اعتقد انها غالية جدا على موديل 1997

**فادى محمد** · 03-02-2009 01:01 PM

انا مع راي احمد وهي لو زايده حتزيد الفين تلاته ممكن تكون بتشتري بيهم دماغك . فاهمني .بس اتاكد من تاريخ العربيه وانها مش نصين (الامامي استيراد والخلفي بتاعها ) وربنا يباركلك ويوفقك واي حاجه فيها انا في الخدمه يا باشا

**M.Mokhtar** · 04-02-2009 03:05 PM

الكلام مظبوط
فعلا لو حالتها كويسه حاول تجيب اخرها معاه واشترى دماغك بالفرق ده عشان صعب تلاقى عربيه بحاله كويسه اليومين دول

بس اعتقد ان الموتور اوبل مش ايكوتك
اتاكد كده ورد علينا

**tamertamer** · 04-02-2009 07:49 PM

لا ياباشا بينزل ايكوتك انا متاكد جدا وغير كدة ملعوب فيهاء كامل الثقة

**Ahmad Allawy** · 05-02-2009 08:23 AM

هو اللي انا عارفه انه الايكوتك.. منزلتش 1600 غير اوتوماتيك بس..
والله اعلم..

**tamertamer** · 05-02-2009 12:33 PM

انا شفت كذا عربية بتيجى ايكوتك منول كمان بس برةاستيراد اليابان واوربا وفى منها مجهز غاز استندرها كدة بس قليلة

**Dr_Reda** · 05-02-2009 12:39 PM

ألف شكر على الردود يا جماعة .................. و الله مش عارف أقولكم ايه ............ بس بجد انا بقالي كتيير بدور على عربية حالتها نضيفها علشان انا مش فاضي كل شوية أجري بيها على التصليح

و للأسف معظم العربيات اللي بتقع قدامي حالتها مابتعجبنيش و دي الوحيدة اللي كويسة عموما زي ما قال أحمد باشا لازم كشف التوكيل

-

الموضوع: رأيكم في العربية دي ..... ( معاقين )..... و لا بيتنصب عليا

LinkBack

أدوات الموضوع

عرض

-

-

-

-

-

المواضيع المتشابهه

ساعدوني أرجوكم - خايف يكون بيتنصب عليا من الطارق في فانتازيا 2013

خايف ليكون بيتنصب عليا من الطارق في سيارة أوكتافيا فانتازيا 2013 - أرجو المساعدة

معروض عليا ميجان ii اية رأيكم !

رأيكم ومشورتكم عليا

مشروع معروض عليا ومحتاج رأيكم فيه

الكلمات الدلالية لهذا الموضوع

المفضلات

المفضلات

ضوابط المشاركة