ماذا لو تم طرح البلد كلها للخصخصة؟

**Imhotep** · 03-02-2009 01:34 PM

بمناسبة تكرار المواضيع من نوعية قصف القاهرة، وكمية الآراء التى تقبل هذا الموضوع حتى و لو على سبيل الفكاهة، وهو ما يوضح مدى المعاناة التى اصبحنا نعانيها فى حياتنا اليومية بالقاهرة، وتمنياتنا سواء على مستوى الوعى او اللا وعى، بتغير شكل و اسلوب الحياة فى القاهرة، حتى ولو بكارثة، اطرح هذا الاستفتاء، على سبيل الفانتازيا والحلول الغير تقليدية، وهو يواءم الاتجاه الاقتصادى العام فى العالم، وهو الخصخصة.
السؤال هو:" هل توافق على طرح البلد كلها للخصخصة، من قبل احدى الدول الاخرى، مع ملاحظة ان هذه الدولة لن تمس مقدسات هذا الشعب، من دين و قيم و اخلاق، ولا حتى ارض البلد ، وانما ستدير البلد فقط كمشروع اقتصادى عملاق بأسلوب المشاركة فى الارباح؟"
ولكى نستبعد اختيارات لا نستريح لها نفسيا لاسباب كثيرة، سنستبعد امريكا و اسرائيل من الدخول فى هذا المشروع.
بانتظار مشاركاتكم و تعليقاتكم.

**MEMES** · 03-02-2009 03:14 PM

نعم لانها كده كده متباعه انا كنت مسافر فى الخليج من فتره (5سنوات)ورجعت كانى بحلم بكابوس

**أبو إياد** · 03-02-2009 05:22 PM

اولا انا شايف ان الناس بتعمل استطلاع ومش بتقول السبب
ثانيا لحد اللحظه دى الاستطلاع متساوى مابين الايجابيه والسلبيه
بجد شىء محزن
انا عن نفسى رغم عدم استقرارى فى بلدى لا و1000لا
طيب ما بدل ما نفكر فى البيع للدول الاخرى ما نفكر ليه الدول دى ممكن تفكر فى البلد دى ؟؟؟؟؟؟؟؟؟
انت لما تعرض حاجه خاصه ليك بالبيع وتلاقى عليها اقبال غير متوقع اعرف ان انت معاك كنز وانت بتخسره
لو احنا كشباب فكرنا فى الكلام ده امال ابناءنا واباءنا يعملوا ايه هو احنا خلاص مافيش استعداد لعمل اى حاجه
قارن مؤخرا فى ظل الانهيار الاقتصادى بين البنوك الخاصه والحكوميه هتلاقى ان البنوك الخاصه اتنازلت عن 50%من الموظفين الشباب اللى شغالين فيها
بعكس البنوك الحكوميه مافيش الكلام ده ................ وده مجرد وابسط مثال
عندى فكره
بس بجد
مالهاش لازمه ................... الاستطلاع غير مشجع

**kemo0o** · 04-02-2009 11:49 AM

هو فاضل ايه ما اتخصخصش

**Imhotep** · 04-02-2009 12:12 PM

المشاركة الأصلية كتبت بواسطة kemo0o

هو فاضل ايه ما اتخصخصش

الفكرة يا استاذ kemo0o هى انه هذه المرة تبقى الخصخصة بالجملة للبلد كلها بنظام ال BOT، مش بالقطاعى

**أحمد سالم** · 04-02-2009 02:38 PM

انا بقول ان مابقاش حاجه ثانى ممكن تتباع كل اللى كان مهم تقريبا اتباع
بس لو هيخصخصوها كلها انا ممكن اشترى ميدان التحرير واعمل بقى كارته بمزاجى احصلها من كل مواطن هيعدى وبتوع الشرطه والداخليه مش هعديهم واللى هيعدى منهم هعمله 30 مخالفه
طبعا ارجو من الاخ كاتب الموضوع انه مايزعلش من مداخلتى لانها من باب الفكاهه فقط وليست استخفافا بالموضوع المطروح
انا بس عايز اقول لحضرتك ان حتى لو كل مصر ماوفقتش هتلاقى نسبة الموافقه 99.9 /100 موافقه ده طبعا على المستوى الرسمى مااقصدش على مستوى المنتدى

**Imhotep** · 04-02-2009 03:01 PM

المشاركة الأصلية كتبت بواسطة أحمد سالم

انا بقول ان مابقاش حاجه ثانى ممكن تتباع كل اللى كان مهم تقريبا اتباع
بس لو هيخصخصوها كلها انا ممكن اشترى ميدان التحرير واعمل بقى كارته بمزاجى احصلها من كل مواطن هيعدى وبتوع الشرطه والداخليه مش هعديهم واللى هيعدى منهم هعمله 30 مخالفه
طبعا ارجو من الاخ كاتب الموضوع انه مايزعلش من مداخلتى لانها من باب الفكاهه فقط وليست استخفافا بالموضوع المطروح
انا بس عايز اقول لحضرتك ان حتى لو كل مصر ماوفقتش هتلاقى نسبة الموافقه 99.9 /100 موافقه ده طبعا على المستوى الرسمى مااقصدش على مستوى المنتدى

لا يا استاذ احمد مفيش زعل خالص صدقنى، لانى حتى انا بطعم مداخلاتى - مهما كانت جد و تكئب لانها عادة مبنية على معلومات- او انهيها بجمل فكاهية، لانه كل حاجة حوالينا تنقط، هنعمل ايه بس، اهو نوع من التفريغ النفسى، مش المعدى (من المعدة يعنى

)
على فكرة انا برد عليك وانا لسه مخلص مشاركة فى موضوع "قصف القاهرة" ومشاركتى عن خطورة حدوث شئ لجسم السد العالى لا قدر الله، ورغم كآبة التحليل المبنى على حقائق، الا انى لم استطع منع نفسى من وضع تعليق ضاحك فى النهاية. هعمل ايه بس، اهو بدل ما لواحد يطق من الاكتئاب.

**sab3aawy** · 04-02-2009 04:36 PM

لا يكفى اشتراط استبعاد امريكا واسرائيل فقط من تقديم العطاءات
يجب استبعاد الدول الآتية:
1- السعودية: وإلا فسنضرب بالكرابيج يوميا على نواصى الشوارع
2- قطر: والا فسترفع شعار: قناه جزيرة لكل مواطن ويبقى بدل ما تكون الشتيمة فى مصر يبقى كل مواطن عنده القناه الفضائية اللى بشتمه هو شخصيا
3-ايران:وإلا فان كل المساجد السنية فى القاهرة ستتحول الى مساجد شيعية ، كما ستتحولاسماء كل شوارع القاهرة الى اسمين لا ثالث لهما، نصف الشوارع سيكون اسمها شارع"عبود الزمر" والنصف الآخر سيصبح اسمه شارع"خالد الأسلامبولى"
4- الهند والصين: وإلا فانهم سيقومون بتصدير الفائض البشرى لديهم عندنا ، ونترحم على ايام الزحمة الحالية ونفتكرها باعتبارها ايام "لما كنا
عايشين فى الصحرا"
5-جميع دول افريقيا جنوب الصحراء وامريكا الجنوبية، وإلا فان من سيصحوا مبكرا قبل الآخرين سيمسك بمقاليد الحكم فى مصر

اقترح ان المناقصة تنزل زى مناقصات القطاع العام مكتوب فيها: يشترط ان يكون المنشأ اوروبا الغربية او امريكا او اليابان، مع استثناء امريكا للأسباب التى اسلفها صاحب الموضوع، وانا رأييى كمان نستثنى اليابان علشان دمهم تقيل والانجليزى بتاعهم مش مفهوم ، يبقى تقتصرالمناقصة على اوروبا الغربية

**Imhotep** · 04-02-2009 05:02 PM

المشاركة الأصلية كتبت بواسطة sab3aawy

لا يكفى اشتراط استبعاد امريكا واسرائيل فقط من تقديم العطاءات
يجب استبعاد الدول الآتية:
1- السعودية: وإلا فسنضرب بالكرابيج يوميا على نواصى الشوارع
2- قطر: والا فسترفع شعار: قناه جزيرة لكل مواطن ويبقى بدل ما تكون الشتيمة فى مصر يبقى كل مواطن عنده القناه الفضائية اللى بشتمه هو شخصيا
3-ايران:وإلا فان كل المساجد السنية فى القاهرة ستتحول الى مساجد شيعية ، كما ستتحولاسماء كل شوارع القاهرة الى اسمين لا ثالث لهما، نصف الشوارع سيكون اسمها شارع"عبود الزمر" والنصف الآخر سيصبح اسمه شارع"خالد الأسلامبولى"
4- الهند والصين: وإلا فانهم سيقومون بتصدير الفائض البشرى لديهم عندنا ، ونترحم على ايام الزحمة الحالية ونفتكرها باعتبارها ايام "لما كنا
عايشين فى الصحرا"
5-جميع دول افريقيا جنوب الصحراء وامريكا الجنوبية، وإلا فان من سيصحوا مبكرا قبل الآخرين سيمسك بمقاليد الحكم فى مصر

اقترح ان المناقصة تنزل زى مناقصات القطاع العام مكتوب فيها: يشترط ان يكون المنشأ اوروبا الغربية او امريكا او اليابان، مع استثناء امريكا للأسباب التى اسلفها صاحب الموضوع، وانا رأييى كمان نستثنى اليابان علشان دمهم تقيل والانجليزى بتاعهم مش مفهوم ، يبقى تقتصرالمناقصة على اوروبا الغربية

آه........ سبعاوى جه يا رجاله....... اؤيدك فى كل ما قلته رغم انو كده الناس المحترمة اللى ينفع تمسك البلد، عفوا المشروع قلت اوى و اقتصرت على التلاتة الكبار فى اوروبا الغربية اللى يقدروا يشيلوا الليلة، يعنى الالمان و الفرنسيس عفوا الفرنسيين (بحكم الحملة الفرنسية

)، وجايز برضه الاسبان باعتبار ان الناتج القومى - ال GDP-لاسبانيا، يساوى مجموع الناتج القومى للدول العربية مجتمعة، وهو على ما اذكر اكثر من نصف تريليون دولار. يالله، عالم مش بطاله برضه