ريحه عادم جوه العربيه

**dokdok_fox** · 03-02-2009 01:57 PM

معايا فليشيا 95 ومن ساعه ما اشترتها وانا بشم جوا العربيه ريحه عادم وخصوصا وان ماشي مش واقف علما باني غيرت الكربراتير لانه كان خربان ويوجد مشاركه في المنتدي لهذا الكربراتير وبرده لسه ريحه العادم موجوده فأيه الحل لو حد عنده فكره عن الموضوع ده.

**samirayad** · 03-02-2009 07:41 PM

المشاركة الأصلية كتبت بواسطة dokdok_fox

معايا فليشيا 95 ومن ساعه ما اشترتها وانا بشم جوا العربيه ريحه عادم وخصوصا وان ماشي مش واقف علما باني غيرت الكربراتير لانه كان خربان ويوجد مشاركه في المنتدي لهذا الكربراتير وبرده لسه ريحه العادم موجوده فأيه الحل لو حد عنده فكره عن الموضوع ده.

راجع على مشترك الشكمان والجوان بتاعه مع مانيفولد العادم(الفرن)......................

**crazylambada** · 03-02-2009 08:42 PM

مظبوط لان المشترك لو بيسرب حيخشلك عن طريق فتحات التكييف لانها قريبه منه

**mazenossama** · 04-02-2009 06:29 AM

بص يا باشا
هل الريحة طالعة من فتحات التكييف الوسطنية بقوة؟
لان ممكن يكون الريحة الي طالعة ريحة بنزين في حالة عدم توصيل خرطوم البنزين بصورة جيدة للعمة او يكون في شرخ لان الكلام ده حصل معايا خصوصا انك لسه عامل شغل في الحته دي لو عايز تتأكد بسيطه دور العربية وبص علي خرطوم البنزين وخلي حد يكركرلكلك عل البنزين لو لقيت في بنزين بينقط يبقي عرفت السبب وبتبقي رحته واضحة

برده بص علي الفايز بتاع المتور الي خارج من فوق المتور ممكن يكون سايب وعملك ريحة وحشه

**Shiref_mohamed** · 04-02-2009 02:23 PM

ده غالباً من خرطوم الفايظ الى خارج من الموتور ورايح للعمة مش محكوم كويس
وموضوع تسريب الشكمان صعب لأنه لو بيسرب من عند المشترك او المانيفولد نفسه هتلاقي صوت التنفيس ده مسموع انما لو مفيش صوت يبقى زى ما بقلك كده

**dokdok_fox** · 06-02-2009 10:46 PM

اولا خرطوم البنزين سليم ومفهوش تسريب وفعلا خرطوم الفايظ مطلع دخان منيل بس هوا راكب في مكانه صح فا مشعارف برده ايه السبب

**samirayad** · 07-02-2009 12:22 AM

ممكن يكون جوان مانيفولد العادم(الفرن).....نشف وباظ.....وبيحصل تسريب عادم بينه وبين مخرج العادم للمحرك.....ومبيبانش الا فى السرعات وأنت ماشى(لأن سرعة العدم بتكون أكبر فى الحاله دى)