ماذا تفعل لو خبطت عربية واقفة بدون صاحبها؟؟ شارك الان

**THETOP** · 04-02-2009 03:26 AM

هاسبلوا كارت فيه اسمى وايملى

ههههههههههه

ورقم تليفونى طبعا

مش عارف ليه مش فاهم الموقف
احتمال يكون العيب فيا انا
بس احب اعرف ان كان حدد مشاركني الاحساس ده؟

زى ماانت

انا مش فاهم حاجة زيك :d

موضوع ممتاز بجد

**dr.nemo** · 04-02-2009 05:57 AM

اكيد حصلح اللي انا بوظته بس اللي بخاف منه انه ميكونش معايا فلوس تكفي التصليح او بعيد عن البيت (مسافر)
مش عارف حتصرف ساعتها ازاي
وربنا يكفينا شر الحوادث والخبطات

**dr.nemo** · 04-02-2009 06:02 AM

الأول انا كنت ماشي قدام المطار لسه صاحي و رايح الشغل على سرعة 60كم و لقيت طائرة بتعمل لاندنج و عليها علم زي اسرائيل طبعا الشارع واسع جدا و تقريبا ماشي لوحدي (الغردقة) وفجاة لقيت العربية خبطه في حاجه و مرفوعه و ماشية على عجلتين بس لما فقت ركزت و لفيت نلحية الشمال (العكس) متابع جيد للأفلام و المسلسلات الأمريكية (هازرد) راحت العربيه نزلت و هبطت اعتقد المقصات اتكسرت ووقفت لقيت دم لاني مكنتش رابط الحزام وخبط المرايهو كسرت الزجاج و دخت
فقت على تدليك و مساج من اجانب كانوا في اتوبيس سياحى و شافوا الحادثة انا افتكرت انى طلعت على الرصيف بس لقيت الناس بيجروا على عربية سكودا فليشيا و بيقولوا العربية مقفولة و مفيهاش حد ووقافة في نصف الطريق السريع الأوتوستراد ناس بدأو يشيلوا في العربيه علشان تتركن على جنب و اتصلت بأخى وقالتلوا اتصل بالونش علشان نأخذ العربيتين يتصلحوا قعدت في الشمس من الساعة 9.30 حتى 12 ظهرا و اخي بيدور على ونش و انا في الشارع و لامرور ولا حد سائل في العربية حضر اخى و معه 2 ونش ولكن صاحب الونش قفل دماغة انو نحاسب على الونشين و مايخدش غير عربيتى لانه الثانية بدون صاحب في العصر رجعت من المستشفى بعربية اخى ملقتيش العربية رحت قعدت ادور عليها في شارع السلام و المنطقة الصناعية لم اجدها تماما
المفاحأة بعد شهر اصلحت العربية و روحت الحم الشكمان من الحادثة لقيت بتاع الشكمان بيقولي مابنلحمش قولتلو فاتح ليه قالي العربية دي بالذات لا
ليه قالى العربية كسرتلى عربية زبون كنا سهارانين بيها و خلص البنزين سبنها الليل و رجعنا لقيناها مخبوطوه و الغفرة (انا كنت موصيهم) قالولنا على العربية و الونش الى خدها و عرفنا صاحبه و مش عايزين منه حاجه قولتلو انا صاحبه شتمنى و طردني
(اخت عربيى الوحيده بتاعت رائد في امن الدولة و انا عربيتى مشتريها كنت من كام شهر من واحد لواء)

عفوا:

برضه مش آقدر افهم الموقف ده
حاسس اني مش قادر اجمع

**aliabutaleb** · 04-02-2009 08:58 AM

ممرش بيا الموقف ده
بس يا ترى نفس التصرف هانعمله لو العربية اللي خبطناها واقفة في شارع بالعرض أو على مدخل شارع بحيث يخللي اللي يعدي من جنبه يحط فيه؟

**ehabradwan** · 04-02-2009 10:03 AM

اعتقد هاكتب ورقة فيها بياناتي

**tamohsen** · 04-02-2009 11:21 AM

المشاركة الأصلية كتبت بواسطة KING_LEDO

الحادثة الغريبة الثانيه ركنت عربيتى في باركنج وجاي واحد بيلف في الطريق الفرعي انا اول عربية في الباركنج قام كاسر على الأخر و انا لسه بأخذ الجاكت من العربية و داخل بجمب عربية (جين 2 بكياسه سوداء من غير نمر انا البابين بتوع عربية دخلوا الأكصدام اما مكمل في عربية سيريون و خد الدفندر بتاعها و كسر الأكصدام (الدفندر السبب) و داخل في تالت عربية في الباركنج لانوس دي ثبت على الرفرف الخلفى وبعد كل ده عايز يرجع انا مصدوم دخلت فيه شتايم انزل من العربية ماتتحركش بيها و هو عايز يرجع الناس اتلمت طبعا و معلش انا عربيتى النترا 2007 و الأكصدام فبريكه لسه ميه ميه الناس شالوا عربيته و بعد جده رجعوه و هو انت مين القتلوا انا عبد ياخي كل حاجه انت مين قالى اومال بتزعق ليه انا حصلحلك العربية طبعا الى كان حايشنى منه امه كانت مهاه بفرجها على العربية و هو مبيعرفش لسه يسوق و طبعا مطلع الرخصة ب 1000 جنية كده وكده
قالى عربيتك تصلح بكام انا قلتلوه مش عايز حاجه لأنه كنت اخف حاجه كدمه و الفوانيس سليمه بس الأكصدام مش في مكانه قلتله مش عايز منك حاجه بس اتعلم بدل ما تموت واحد
المدام صاحبة السريون صحوها من النوم قالت الحمد لله و برده مش عايزه حاجة (طبعا احراج من الناس المزحومة و قالولها انى قلت مش عايز اما بتاع الانوس تمنوا الناس الحادثة ب 500 جنيه و معرفش حصل ايه بس الجين تو الجمب اليمين كله من او العربية لأخرها +الاكصدام الأمامي+الفانوس الأمامى

حرام عليك....
مش فاهم أي حاجه

**sh23** · 04-02-2009 11:48 AM

المشاركة الأصلية كتبت بواسطة mo7a_mo7a

مش عارف ليه مش فاهم الموقف
احتمال يكون العيب فيا انا
بس احب اعرف ان كان حدد مشاركني الاحساس ده؟

*******
الحال من بعضة ؛
قريت الموضوع مرتين ومش فاهم برضة

**دينا أبوالعلا** · 04-02-2009 12:06 PM

انا محصلش اني خبطت حد قبل كده بس لو حصل هكتب ورقه ويا رب بس ميستغلنيش بقي
مره اول لما اتعلمت السواقه كنت ماشيه في حته كده فالدقي كنت عايزه اوصل لشارع ومش عارفه كنت فشوارع داخليه كده فبسال واحد قالي لا انتي كده رايحه بعيد ارجعي و ادخلي الشارع اللي علي يمينك المهم رجعت بضهري وكان ورايا مكان فاضي فيه فروع شجر مقطع ومرمي انا ساعتها مبصتش فالمرايا و فجاه لقيت صاخ قولي انا خبطت فالشجر ببص لقيت عربيه راكنه اتجننت طبعا كان في واحد ماشي راح وخرجني من المكان الزنقه ده قعدت اقوله العربيه جرالها حاجه يقول لأ امشي والمكان كان ضيق جدا ومفيش سم اقف فيه عشان انزل اشوف العربيه وقعدت اساله كتير يقولي محصلش حاجه وفضلت ماشيه حته كبيره ادور علي مكان عشان اقف ابص علي العربيه بس ملقتش و مكنش ينفع ابدا اقف وانزل ابص عليها لان فعلا الشارع كان ضيق ولو وقفت هسد 3 شوارع وانا موتي و سمي اني ابقي معطله الطريق ده انا لما ببقي بركن موازي للرصيف والمكان ضيق بحس اني عامله ازمه عشان الدقيقه اللي هعطل فيها الطريق
انا طبعا كنت لسه في اول عهدي بالسواقه ومكنتش اعرف الواحد بيتعامل ازاي في المواقف دي بس هي الخبطه مكنتش جامده ومظنش اني عملت فعربيته حاجه لاني دخلت فالنمر وعملت نغزه عندي في الاكسدام
وانتو فكرتوني دلوقتي وحسيت بتانيب ضمير

**karimone** · 04-02-2009 12:25 PM

المشاركة الأصلية كتبت بواسطة sh23

*******
الحال من بعضة ؛
قريت الموضوع مرتين ومش فاهم برضة

ياجماعه هو بيحكي الموقف زي ما عاشوا بس ناسي ان في تفاصيل كتير مهمه لينا علشان نقدر نستوعب الموضوع

**fadynabil** · 04-02-2009 12:35 PM

بصراحة علي حسب الخبطة ... يعني لو فانوس أو إكصدام أور رفرف أو تطبيقة جامده أكيد هستني لما أشوف صاحبها

... لكن لو خربوش عبيط في إكصدام أو شبه كده أكيد هكبر دماغي

دا أنا ياما نزلت أفاجيء بتطبيق في الأبواب وخرابيش في إكصدامات العربيه

والواحد بيقول هي دي سنّة الطرق ( طبعاً المصريه ) وعلامة الجوده في شوارع المحروسة

مشاهدة نتائج الإستطلاع: ما هو رد فعلك لو صدمت سيارة واقفة بدون سائقها

الموضوع: ماذا تفعل لو خبطت عربية واقفة بدون صاحبها؟؟ شارك الان

LinkBack

أدوات الموضوع

عرض

-

-

-

-

المواضيع المتشابهه

ماذا سوف تفعل بعد نعم او لا

ماذا تفعل لو كنت مكانة

ماذا تفعل؟؟؟؟؟؟؟؟؟؟؟؟؟؟؟

ماذا تفعل لو كنت مكاني ؟؟؟

ماذا تفعل لو خبطك شخص بسيارة وهرب ( وانت ماشي بدون سيارة )

الكلمات الدلالية لهذا الموضوع

المفضلات

المفضلات

ضوابط المشاركة