الموضوع: ماذا تفعل لو خبطت عربية واقفة بدون صاحبها؟؟ شارك الان

يعني انا مخبطتش عربية قبل كدة
بس اعتقد هحاول اوصل لصاحبها او اسيب له وسيلة هو يوصلي بيها ونتفاهم
حصلي حاجة مشابهة بس مش في عربية... كنت في محل وكسرت زجاجة برفان وفضلت مستنية اشوفها بكام علشان ادفع تمنها وجات بنت قالت لي البرفانات مش تبعي
فضلت انا الف في المحل على المسئول لحد ما لقيت رئيسهم وقالي خلاص حصل خير خصوصا انها كانت تيستر

انتظر واحاول احصل على صاحبها

على الاقل لاعتذر له

ده كان رد فعلي لما حصلي الموقف ده من حوالي شهر ونص أو شهرين

المشاركة الأصلية كتبت بواسطة R A N A

انا مرة كنت باخد يوتيرن وغصب عني حكيت في عربية راكنة على جنب وانا بلف لإن الشارع اصلا في الحتة دي ضيق جدا هي كانت حكة بسيطة قوي في الباب من تحت (الحتة الفيبر اللي في عربيتي عملت الحكة واتكسرت)
ركنت على جنب وفضلت واقفة شوية مش عارفة اعمل ايه ونزلت بصيت على عربيته وقعدت ابص حواليها يمكن الاقي صاحبها اعتذرله ولا حاجة مالقيتش حد.
بعدين ترددت كده شوية وبعدين الشيطان قعد يوسوسلي ويقوللي كبري دماغك وامشي لكن قلت لنفسي حرام ..... اعملي اللي عليكي لإنك هاتتحاسبي عليها قدام ربنا وهاتكون دين في رقبتك وكتبتله ورقة اني متأسفة ان عربيتي حكت في باب عربية حضرتك غصب عني وانا على استعداد اتحمل تكلفة اصلاحها على حسابي وكتبت رقم تليفون يقدر يوصللي عن طريقه وبعدين جيت احطها تحت المساحة خفت مايشوفهاش أو مياخدش باله منها أو حد تاني يسئ استخدامها فزنقتها في الباب عنده عشان يقدر يشوفها اول مايفتح عربيته.

واستنيت كذا يوم لكن محدش اتصل (معرفش بقي هو شافها ولاقاها مش مستاهلة ولا الورقة ضاعت ولا حصل ايه )
اينعم الحكة دي كانت بسيطة جدا وتكاد لا ترى اصلا بس قلت لازم اتحمل مسئولية خطأي واخلص ذمتي قدام ربنا.

وده موقف تاني حصللي أول ماجبت العربية

المشاركة الأصلية كتبت بواسطة R A N A

انا هاحكيلكم موقف حصل معايا بس انا اللي خبط مش اتخبطت. بس محدش يتريق لإني كنت بسوق جديد

المشاركة الأصلية كتبت بواسطة R A N A

انا كنت لسة متعلمة السواقة جديد والمارشدير عندي سخيف جدا وتقيل المهم كنت ماشية في شارع وركنت صف تاني وقفت كده شوية وبعدين حبيت اطلع كان في عربية قدامي فحبيت ارجع شوية عشان اعرف اطلع منها المهم حودت الدركسيون غلط وكنت قريبة اوي من العربية اللي جنبي فخبطلها الباب خبطة بسيطة دخلت الباب سنة لجوة وشوية دهان من عندي نزلوا علي عربيتها وارتبكت ومعرفتش اعمل ايه المهم نزلت من العربية وفي واحد ورايا جه يساعدني وطلعت العربية وركنتها في حتة تانية ورجعت لصاحبة العربية لاقيتها عمالة تزعق ومتنرفزة جدا المهم روحت واتأسفتلها وهي كل اللي عليها خديها صلحيها مش انتي اللي خبطتي خديها صلحيها قلتلها يامدام حضرتك شوفي هاتتكلف كام وانا هاتحمل الخبطة دي انا بعترف اني اخطأت وخبطها غصب عني والله بس هي فضلت تزعق وتلومني وقلتلها شوفي حضرتك عايزة ايه وانا اعمله المهم الرجل اللي ساعدني قالها ياستي دي بسيطة مش هاتتكلف 50 جنيه علي بعص وهاتترد علي البارد والدهان ده هايتشال مفيهاش حاجة قالته انا مش فاضية اروح اصلح واعمل (كانت دكتورة)وقالت خليها تاخدها تصلحها (غريبة جدا اخدلها عربيتها اصلحها واجيبهالها تاني ازاي؟ مخافتش عليها لاتروح ومترجعش تاني) المهم قالتلي انا عايزة 200 جنيه تحت النقص والزيادة قتلها كتير اوي والموضوع كله زي مالناس قالت 50 جنيه ويمكن اقل من هنا لهنا قلتلها نشوف السمكري هايقول ايه قالتلي انا مش فاضية هاتصل بالسواق ييجي ياخدها وتروحي معاه قلت طيب قعدت تتناقش معايا وان السواق مش هاينفع ييجي دلوقتي ده غير ان السواق بتاعها لما اتصلت بيه قالها 500 جنيه مش فاهمة امال لو كنت طبقتلها كانت تتكلف كام؟ قلتلها من الاخر انا كل اللي جيبي 100 جنيه هاديكي منهم 50 ولو اتكلفت اكتر كلميني قالتلي هاتي ال 100 جنيه ولو طلعلك انتي باقي هاردهولك ولو طلع اكتر يبقي ليا عندك حق اعمل ايه رحت اديتلها ال 100 جنيه فعلا واخدت تليفونها وكلمتها بعد يومين قالتلي معلش اصل السواق مفضيش يوديها، بعدها بكام يوم كلمتها تاني قالتلي السواق وداها بس هاتتكلف اكتر من 100 جنيه عشان الخبطة جت في عضم الباب من تحت مع اني معتقدش اني خبطتي وصلت لكده ابدا بس قلتلها شوفي كام وانا هاديكي الباقي (انا عاملت ربنا ساعتها وقلت عشان ميبقالهاش حاجة عندي قدام ربنا يعني وعشان كده كنت بتابعها بالتليفون) وقلتلها عموما رقمي معاكي وانا مش عايزة ابقي مديونة لحد لو طلع اكتر ياتسامحيلي فيهم يإما تتصلي بيا وانا اوصلك المبلغ الباقي لحد عندك ده غير اني قعدت اعتذرلها في كل مكالمة كلمتهالها وتعاطفت معاها جدا وكنت حاسة بذنب كبير اوي ناحيتها.
انا اتصرفت صح ودفعت تمن غلطتي وهي وضميرها لو اتكلفت اقل من 100 جنيه يبقي ليا عندها حق وعند ربنا ميضيعش ولو اتكلفت اكتر هيا مسعتش ورا حقها ولا اتصلت بيا عشان تطلبه بالعكس انا اللي كلمتها كذا مرة عشان اخلص ضميري يبقي عداني العيب ولا لأ.
معلش طولت عليكوا بس حبيت اوضح ان الانسان بيعامل ربنا يعني لو خطبت عربية حد وطنشت ومشيت زي مالناس بتعمل القضية ممكن تكون انتهت في الدنيا بس لكن عند ربنا الراجل ده له عندك حق سواء فلوس أو اعتذار وهايدفع يوم القيامة اضعاف فعشان كده الواحد يدفع اللي عليه في الدنيا احسن مايرده في الاخرة ولا إيه؟

بس الناس هنا في المنتدي لما حكيتلهم الموقف قالولي ان الخبطة بالصورة اللي بتحكيها تكلفتها مكنتش توصل ابدا ل 100 جنيه وانها بالكتير 50 جنيه أو اقل من كده كمان
بس مش فارقة يعني المهم اني عملت اللي يريح ضميري

انا الحمد لله ماحصلتش معايا قبل كده بس لا قدر الله لو حصلت هاسيب الكارت بتاعي في المساحه علشان يكلمني...

قبل كده واحد خبط الباب عندي و نزلت لاقيته متعجن و لاقيت الراجل مستنيني علشان يصلحهولي بس انا ما ختش منه فلوس ولا خليته يصلحها... روحت للسمكري ردها علي البارد و رشيت العربيه كلها بعديها بشهر

المشاركة الأصلية كتبت بواسطة R A N A

ده كان رد فعلي لما حصلي الموقف ده من حوالي شهر ونص أو شهرين



وده موقف تاني حصللي أول ماجبت العربية



بس الناس هنا في المنتدي لما حكيتلهم الموقف قالولي ان الخبطة بالصورة اللي بتحكيها تكلفتها مكنتش توصل ابدا ل 100 جنيه وانها بالكتير 50 جنيه أو اقل من كده كمان
بس مش فارقة يعني المهم اني عملت اللي يريح ضميري

يا جماعه انتو بتتكلمو عن العربيات ، انا كنت مع واحد صاحبى مشايين بعربيته فى شارع الهرم و كان وراه واحد مستفز جدا عمال يديله كلاكسات و نور ،
المهم صاحبى ده اتحرق دمه من الاخ ده ، فداس بنزين و خاد غرزة و بعد عنه ،
فجأة بعد حوالى خمسين متر تقريبا لقينا واحد بتاع نوبيرا بيوقفنا و يقول لنا اننا خبطنا طفلة كانت بتعدى الشارع مع والدها و البنت سايحة فى دمها ( ده الكلام اللى هوه قاله).
المهم مفيش دقيقة بالضبط لفينا من اول ملف و رجعنا علشان نشوف فيه ايه،
ملقيناش اى حاجة خالص و سالنا الناس اللى كانت واقفة ، هل فيه واحدة اتخبطت كل الناس قالت لا..
كان فيه امين شرطة واقف سألناه قال مفيش حاجة،،،
الغريبة ان احنا متأكدين ان البنت كانت عدت الشارع هى كانت فعلا عل شعرة و تتخبطت بس احنا متأكيدين ان احنا مخبطنهاش.
حاولنا نوصل لها معرفناش فعلا و صاحبى حالته كانت صعبة جدا بسبب الموضوع ده و مكانش عارف يعمل ايه...

حصلى موقفزيك بالظبط



لما العربية اتخبطت ورحنا القسم وجينا نمضى على محضر التصالح فى الاخر

لقينا امين شرطة بيقول ما تقفلش المحضر

دا فى واحد بموتسيكل قفلوا علية وخبطوة وسايح فى دمة فى المستشفى
وماكنش فى عجلة اصلا ساعتها

ادارى اللبية كان بيهزر بعد ما بوظ اعصابنا