اية رايكو عربية ب300 الف ولا عربيتين بنفس السعر
مساء الخير عليكو جميعا ..بصراحة نايل موتورز من اجمل المنتديات اللى عرفتها وشوفتها لاننا فعلا بنستفاد منة جدا وبناخد خبرات كبيرة اوى وبنتعلم من اخطاء الغير واللى معندوش اجابة لاسالتة بيلاقيها هنا ..تحية لكل اعضاء المنتدى..
انا يا جماعة كنت محتاج رايكو فحاجة محتار فيها انا وصاحبى ..هو عاوز يشترى عربية شيروكى او بى ام وطبعا دول سعرهم بيوصل ل300 الف وانا بصراحة قولتلة بدل متدفع المبلغ دة فعربية وحدة متجيب بيهم عربيتين افضل واهو تغير فيهم وينفعو ..قالى بس ركوبة البى ام والشيروكى مختلفة عن اى عربية تانية ..هو طبعا معاة حق بس انا بفكر تفكير عملى وفنفس الوقت العربيتين حيعملو بردو برستيج زى برستيج البى ام بس هو مختلف معايا فالنقطة دى ....
انتو اية رايكو يا جماعة هل انا بفكر غلط لما عرضت علية يجيب عربيتن بدل عربية وانا اقترحت علية يجيب لانسر شارك وهوندا سيفك او يجيب اتنين شارك لان هو بيحب الشارك موت ولو بقى عندة اتنين شارك حيبقى شكلهم جامد اوى ولا انتو شايفين اية
شكرا ليكو جميعا ومستنى مشاركتكم لينا برايكم اللى فعلا بنستفيد منة جامد