الموضوع: أنتوا معانا ولا معا الناس التنيين

السلام عليكم ورحمه الله وبركاته
جال بفكرى موقف كوميدى وهو ان جماعه صعايدة عاوزيين يقتلوا واحد فبيقول له انت معانا ولا مع مع الناس التنيين فالراجل من زعره قال طبعا معاكوا ردوه عليه وقالوا خلاص أحنا الناس التنيين
وبقارنه المثال ده بمنتدنا النايم واعضائه اللى مش محسسننا بوجودهم خالص ويدوب بيدخلوا من حين لأخر يتفرجوا المنتدى فيه ايه بدون ردود أو مواضيع أو اى مشاركات فبقولهم انتوا معانا ولا مع الناس التنيين طب لو انت معانا تقدروا تفيدونا بأيه وهل عاوزين تكونوا معانا بجد ولا كله كلام فى كتاف علام
ولا زى ما الاحداث قالت انكم عاوزين تستفيدوا ومتفيدوش فياريت كل واحد من الأعضاء يعرفنا بنفسه ويعرض خدماته ومعلوماته سواء فى عربيته أو وظيفته أو مجالاته حتى أى حاجه من ريحته الحبايب
وانا معرفش ناس كتير غير الفتى النشيط نور والأخ الفاضل حرفوش والنجمة صاحبه المعلومات الفاذه اللى حرمتنا من مشاركتها ssafwat وكمان زعيمنا اللى مزعل الناس كلها فلاينج اللى كان مغرقنا بأفضاله وبعد كدا طنشنا ومدنا فرصة نتعرف عليه وكمان كريم عشماوى ومحمود بيجو والأخ نور2007 والباقى اختفى ليه العلم عند الله
فيلريت الأخ مش العضو اللى هيشوف موضوى ده ويقول طبعا معاكوا يحسسنا بجد انه معانا وليس بالقول بس عاوزين فعل عشان ميكنش ردنا
أصل أحنا الناس التنيين
وانا عن نفسي أخوكم أحمدعبدالفتاح 25 سنه مهندس كمبيوتر من الشرقيه 0124655064
خبرة فى شتى مجالات ال البيجو 405 وقطع غيارها وصيانتها
وكذالك الكمبيوتر صيانه وهارد ويير وسوفت ويير
واى حد عاوز اى حاجه انا تحت امره
وسلاااااااااااااااااااااا اااااااام

المشاركة الأصلية كتبت بواسطة ssafwat

انا لا معاكم ولا مع الناس التانيين انا مع الناس التالتين :)

الناس التالتين اه اللى هما بنتيوم /// أعتقد أنهم انقرضوا من عصر التنين اللى بيطلع نار من بوقه