الموضوع: البحث عن بنزين 92

المشاركة الأصلية كتبت بواسطة moh_kamal67

من ساعة ما مونت لم اسأل عن 92 اليوم هاروح اسأل تانى اشوف ايه الاخبار
فكرة 95 ان العربية متعودة على 92 لو حطيت 90 ده اقل واحتراقه اقل قد يلخبط العربية لكن اوكتين 95 اعلى واحتراقه واستجابته اعلى وضرورى انقى فموش هايضر
ده من باب السلامة فقط ، لان معظم العربيات الانجكشن بتاعها حساس واحنا موش ناقصين سدد
شكرا لكل من اهتم ورد وربنا مايجيب ازمات فى البنزين
النتيجة مع استعمال 95 اداء العربية اعلى ، صوت الموتور واهتزازه اقل ، استجابة خاطفة للتسارع، عدم تسقيف حتى لو طلعت من 0 على الثانى ، عدم تأثر العربية وموتورها بتشغيل التكييف لانه بيكلبش العربية شوية ، تسخين سريع جدا فى الصبح ، يعنى لو دورت ومشيت الصبح بدرى العربية موش مكلبشة ، واحساسى قوة الموتور زادت حوالى 20%، الناس اللى معاها فيرنا تجرب تحط 95 هاتلاقى ادائها بقى زى الالنترا

اشكركل من رد من كل الحبايب ، المشكلة فى بنزين 95 هوة سعره لان 50 جنيه تحط 18.18 لتر فقط فى مقابل 27 لتر من 92 ، لكن الاداء المتفوق والرائع عاجبنى بشدة ، ده بدل العربية والاستجابة السريعة مخلية العربية عاملة زى المجنونة ، عايزة تجرى وخلاص ، انا هاحسب معدل الاستهلاك واشوف الفرق وهابقى اقولكم
سلامى لجميع محبى السيارات وخاصة الفيرناوية
واهو احنا بنتعلم من الظروف