-
البحث عن بنزين 92
ذهبت لمحطة مصر للبترول اليوم لتموين العربية ببنزين 92 قاللى مفيش :N_no[1]:، دى عند نادى هليوبوليس بمصر الجديدة لفيت ورحت لمحطة مصر للبترول روكسى قاللى مفيش بنزين 92 :120146b المخزون بيقولوا قليل شوية اضطريت احط بنزين كام؟؟؟؟
95 ذو ال275 قرش للتر الواحد
هل فيه حد وجد مشكلة فى بنزين 92 فى محطات اخرى اليوم (3 فبراير 2009)؟؟؟؟؟؟
-
اكيد دي مشكلة طارئة
بعد كده نحط عسل ارخص
-
البنزين متوافر في كل المحطات اللي بمشي عليها
الجيزة - الكورنيش - وسط البلد
-
الموضوع دا بيحصل قليل اوى من وقت للتانى و خصوصا فى الصيف كان فى فترة مفيش 92 لمدة اسبوع تقريبا و يقولك خلص , بس عادى يوم و لا اتنين و هتلاقى الموضوع طبيعى و ال92 موجود
-
لا يا باشا 92 موجود عادي
لان لو ده حصل يبقى استهبال من الحكومة
-
لم اقابل المشكلة ده خلاص - اخر مرة مونت فيها كان السبت اللى فات 31 يناير
بس ما سمعتشى عن المشكلة ده من حد
ربما يكون الموضوع طارئ مش اكتر
-
انا شايف بلاش نكبر الموضوع
هي تلاقيها العربية اللي بتجيب البنزين اتاخرت اليوم ده بس
-
حتى لو 92 مش موجود اكيد هيكون فى 90 والفرق بينهم مش كبير انما مش مستاهلة الواحد يحط 95
-
من ساعة ما مونت لم اسأل عن 92 اليوم هاروح اسأل تانى اشوف ايه الاخبار
فكرة 95 ان العربية متعودة على 92 لو حطيت 90 ده اقل واحتراقه اقل قد يلخبط العربية لكن اوكتين 95 اعلى واحتراقه واستجابته اعلى وضرورى انقى فموش هايضر
ده من باب السلامة فقط ، لان معظم العربيات الانجكشن بتاعها حساس واحنا موش ناقصين سدد
شكرا لكل من اهتم ورد وربنا مايجيب ازمات فى البنزين
النتيجة مع استعمال 95 اداء العربية اعلى ، صوت الموتور واهتزازه اقل ، استجابة خاطفة للتسارع، عدم تسقيف حتى لو طلعت من 0 على الثانى ، عدم تأثر العربية وموتورها بتشغيل التكييف لانه بيكلبش العربية شوية ، تسخين سريع جدا فى الصبح ، يعنى لو دورت ومشيت الصبح بدرى العربية موش مكلبشة ، واحساسى قوة الموتور زادت حوالى 20%، الناس اللى معاها فيرنا تجرب تحط 95 هاتلاقى ادائها بقى زى الالنترا
-
ميه ميه هو ده الكلام جارى تجربه ال 95 بس تجربه فقط مش اكتر من كده علشان خراب البيوت
Content Relevant URLs by
vBSEO 3.6.0 PL2