تقييم صيانه ال15000 لل A5 فى التوكيل

**KHALED AYMAN** · 04-02-2009 01:34 AM

الحمد لله ربنا كرمنى و روحت يوم الاحد اسكندريه لنور الدين شريف (وكيل سكودا فى اسكندريه و معتمد طبعا من ارتوك) و ده على الطريق الصحراوى .
المهم انى وصلت الساعه 12.30 و استلمو العربيه منى و الشاب الى فى الاستقبال كان زى العسل و كتب كل الى قلتله عليه و هو :
1-صيانه 15000 كم
2-صوت صفاره مع طلوع الازاز و نزوله .
3-صوت تزييق فى البابين الى ورا مع المطبات.
4- الشاشه مش بتكتب حراره الجو و كاتبه مكانها شرطتين.
5-الكاسيت و هو شغال ساعات يقوم عامل صوت فرقعه و طافى .
6-الولاعه مش شغاله.
ده الى اتكتب فى الاوردر بتاع العربيه و دخلت على الصيانه الساعه 1 بالظبط يعنى بعد نص ساعه من استلامها و خلصو الصيانه الساعه 1.30 و نزلوها من على الكوريج و حطوها فى قسم الكهرباء (على يمينك ساعه ما تدخل) و جه المهندس (كان اسمه رامز )و معاه واحد كمان و 2 فنيين و بصو على العربيه لقو التكييف فاصل هو كمان و السبب :
فران بنت تييييييييييت واكله الدفيره بتاع العربيه و مقطعه سلوك فى العربيه اعدو بقى فيها من 1.30 لحد 4.30 فكوها و ظبتوها و خلوها زى الفل و التكييف اشتغل و كمان الحراره اشتغلت و كمان الكاسيت كان بسبب الفران!!
بالنسبه للولاعه كان فيوزها ضارب غيروه.
و الصفاره الى فى الازاز حطو فيه سبراى زى المره الى فاتت و متظبتش برده.
نيجى بقى للاسعار :
1-فلتر زيت اوكتافيا اصلى 50 جنيه
2-فلتر هواء اصلى 109 جنيه (استرالى).
3-منظف موتور 22 جنيه.
4-فيوز 2.73 جنيه .
5-زيت هيليكس 210 جنيه بس العربيه خدت ازيد فبقى 263 جنيه.
منظف للازاز مش فاكر اسمه ايه ب 21 جنيه.
6-مصنعيات كهرباء 55 جنيه.
7-مصنعيات ميكانيكا 75 جنيه.
الفيلم ده كله اتكلف 636 جنيه .
نيجى بقى للحاجات الى ضايقتنى هناك :
1-الازاز متظبتش و لسه بيلحن و هو طالع و هو نازل و المهندس قالى لما الاسبراى ينشف هيبقى كويس و لا بقى كويس ولا حاجه بالعكس ده مضايقنى لان الباب من جوا غرقان سبراى و بيوسخ الازاز و كمان و هم بيحطوه وقعو على الباب من جوا .
2-دخلت للمهندس قلتله ان المكنه بتترج و بترج العربيه لما اكون ماشى و اقف و امور الفتيس قالى حاضر هظبتهالك و معملهاش .
3-غسلو الموتور بالبنزين و خلو العربيه من برا قمه فى القذاره و منضفوهاش (فى منصور فرع العامريه بيغسلو الموتور بسبراى و بيغسلو العربيه من برا بالصابون و بيغسلوها من جوا مع كل صيانه).
4-طلبت شاى و اخويه بيبسى(جابوله حاجه اسمها سبورت هههه تأثرا بجو العربيات وواضح ان مفيش اليجانس عندهم هههه)طبعا مش ده الى مضايقنى الى مضايقنى انى دفعت تمنهم على عكس منا متعود فى منصور (متعود على ابو بلاش )هههههه بهظر انا مش بخيل والله بس كان مفروض يعملوها FREE
نبجى بقى للحاجات الى عجبتنى :
1-اهم حاجه ان كان فى نت WIRLESS و اانا فتحت الموبايل و نزلت بقى اغانى و ثيمز و صور و برامج و عملت UPDATE لكل البرامج الى كانت على موبايلى !!!!!
2-العربيه طول مهى واقفه بيشتغلو فيها و بينجزو كل العربيات فى نفس الوقت .
3-حطولى الفلتر القديم فى الشنطه (اانا افتكرتهم هيقلبوه ).
ملحوظات:
1-كان فى جيتا بتعمل صيانه.
2-مندوب المبيعات راكب فيكترا 2001 رقمها 100011 (يعنى مش راكب سكودا هههههه)
فى النهايه انا بدى الوكيل ده فى الصيانه دى 9 من 10 .
و شكرا

**momenhamdy** · 04-02-2009 03:14 AM

طبعاً الف مبروووووووووك علي صيانة ال 15 الف و عقبال ال 150 الف كم ان شاء الله

بالنسبة للسكودا فأنا شايف انوا من التوكيلات الي محتاجة اهتمام كبير في مصر و بصراحة في عدم اهتمام من ارتوك اوتو بشبكة الصيانة بمعني لن لو حضرتك تفتكر عندنا هنا في اسكندرية كان في مركز كوين الي في قنال المحمودية كان معتمد و بعد كدا فتحوا فاست تكنيكال الي في طريق المطار بقي معتمد و سحبوا الاعتمادية من كوين دا وبعد كدا فتح نور الدين المركز بتاعه الي في الصحراوي و شوية وحتلاقي قفل و في مركز تاني فتح

الي عايز اوصله لحضرتك ان مثلاً منصور شيفورليه او اي توكيل اخر زي غبور بتلاقي الفروع بتاعته في كل مكان ويوجد برده مراكز معتمده بجانب الاساسية و لكن سكودا لا تعتمد علي هذه السياسة بل كل هدفها ان يكون مركز معتمد ( بيسد خانه مش اكتر) ولكن ليس فرع من فروع الاساسية لاورتوك اوتو و انا بصراحة شايف انوا لازم ارتوك اوتو يتسحب منوا التوكيل يمكن يكون عمل مبيعات كبيرة جداً لماركة محترمة زي سكودا و لكن انا شايف ان خدمات ما بعد البيع مش كويسه
و علي فكره موضوع ان في عربيات غير الي سكودا تكون جوه الورشة دا منتشر جداً في مراكز سكودا المتعمده ( علي فكره انا كان معايا فليشيا فعلشان كدا انا قاري شوية ال سكودا )

واسف جداً علي الاطالة وارجو معرفة ردك علي رأي المتواضع
ولك جزيل الشكر ,,,,

**KHALED AYMAN** · 04-02-2009 03:37 AM

المشاركة الأصلية كتبت بواسطة momenhamdy

طبعاً الف مبروووووووووك علي صيانة ال 15 الف و عقبال ال 150 الف كم ان شاء الله

بالنسبة للسكودا فأنا شايف انوا من التوكيلات الي محتاجة اهتمام كبير في مصر و بصراحة في عدم اهتمام من ارتوك اوتو بشبكة الصيانة بمعني لن لو حضرتك تفتكر عندنا هنا في اسكندرية كان في مركز كوين الي في قنال المحمودية كان معتمد و بعد كدا فتحوا فاست تكنيكال الي في طريق المطار بقي معتمد و سحبوا الاعتمادية من كوين دا وبعد كدا فتح نور الدين المركز بتاعه الي في الصحراوي و شوية وحتلاقي قفل و في مركز تاني فتح

الي عايز اوصله لحضرتك ان مثلاً منصور شيفورليه او اي توكيل اخر زي غبور بتلاقي الفروع بتاعته في كل مكان ويوجد برده مراكز معتمده بجانب الاساسية و لكن سكودا لا تعتمد علي هذه السياسة بل كل هدفها ان يكون مركز معتمد ( بيسد خانه مش اكتر) ولكن ليس فرع من فروع الاساسية لاورتوك اوتو و انا بصراحة شايف انوا لازم ارتوك اوتو يتسحب منوا التوكيل يمكن يكون عمل مبيعات كبيرة جداً لماركة محترمة زي سكودا و لكن انا شايف ان خدمات ما بعد البيع مش كويسه
و علي فكره موضوع ان في عربيات غير الي سكودا تكون جوه الورشة دا منتشر جداً في مراكز سكودا المتعمده ( علي فكره انا كان معايا فليشيا فعلشان كدا انا قاري شوية ال سكودا )

واسف جداً علي الاطالة وارجو معرفة ردك علي رأي المتواضع
ولك جزيل الشكر ,,,,

اهلا بحضرتك و انا اتشرفت بردك على الموضوع بتاعى .
بالنسبه لارتوك فأنا معرفش بصراحه وضعه ايه زمان لانى اول سكودا جبناها كانت سنه 2005 انما احنا متعودين على منصور من سنه 1994 .
على فكره انا كنت قريت فى الجرايد ان ارتوك هيفتتح مركز خدمه ضخم لسكودا فى مصر.
لكن انا معاك فى انه مش مهتم بشبكه مراكز الخدمه لانه مش معقول يبقى المبيعات دى كلها و ليها فرع واحد فى اسكندريه او فرعين و واحد او 2 فى القاهره .....منصور مثلا له فى طنطا واحد(مش بيفهمو حاجه بس اهو منصور و معتمد) و فتح هنا فى المحله عندى و طبعا فروعه كتيييييييييير فى القاهره و اسكندريه له فرعين او 3 فسكودا محتاجه مراكز خدمه اكتر يا ام يشوفو واحد تانى غير شفيق جبر !!!!
و دى ماركه ناس كتير جدا تتمنى انها تكون وكيلها !!!
و على فكره فى حاجه كمان ضايقتنى منهم و هى :
فى عيب فى كل الاوكتافيا (الى محصلش عنده هيحصل عاجلا او اجلا) و هو ان الكبوت السوكه الى فيه بترعش من الهوا و قلت للمهندس حاول يشتغلنى و قالى تلاقى حد اعد عليه قلتله انى كان معايا واحده فضى عملت كده وجوز اختى معاه برده و عملت كده+ان كل العربيات الى بتعمل صيانه ادامى فيها الموضوع ده قالى بصراحه هو عيب فى الموديل و حله :
1-كبوت جديد و هيحصل فيه نفس العيب بعد فتره.
2-يتشد و يتاخد على السخن و يترش.
الغلطانين هنا 2 و هم الشركه الام لانها معدلتش العيب الى عندها زى الشركات المحترمه و التانى ارتوك لانه مش بيعترف بيه غالبا و كمان مش بيحاول مثلا يطلب تعديله من االشركه الام او يغيره فى الضمان.!!!!!!!!
ياااااااااااااااااااااه انا كتبت كتير جدااااااااااااا
معلش يا جماعه اصلى مضايق حبتين و سخن شويه

**momenhamdy** · 04-02-2009 03:59 AM

المشاركة الأصلية كتبت بواسطة venus-doom

اهلا بحضرتك و انا اتشرفت بردك على الموضوع بتاعى .
بالنسبه لارتوك فأنا معرفش بصراحه وضعه ايه زمان لانى اول سكودا جبناها كانت سنه 2005 انما احنا متعودين على منصور من سنه 1994 .
على فكره انا كنت قريت فى الجرايد ان ارتوك هيفتتح مركز خدمه ضخم لسكودا فى مصر.
لكن انا معاك فى انه مش مهتم بشبكه مراكز الخدمه لانه مش معقول يبقى المبيعات دى كلها و ليها فرع واحد فى اسكندريه او فرعين و واحد او 2 فى القاهره .....منصور مثلا له فى طنطا واحد(مش بيفهمو حاجه بس اهو منصور و معتمد) و فتح هنا فى المحله عندى و طبعا فروعه كتيييييييييير فى القاهره و اسكندريه له فرعين او 3 فسكودا محتاجه مراكز خدمه اكتر يا ام يشوفو واحد تانى غير شفيق جبر !!!!
و دى ماركه ناس كتير جدا تتمنى انها تكون وكيلها !!!
و على فكره فى حاجه كمان ضايقتنى منهم و هى :
فى عيب فى كل الاوكتافيا (الى محصلش عنده هيحصل عاجلا او اجلا) و هو ان الكبوت السوكه الى فيه بترعش من الهوا و قلت للمهندس حاول يشتغلنى و قالى تلاقى حد اعد عليه قلتله انى كان معايا واحده فضى عملت كده وجوز اختى معاه برده و عملت كده+ان كل العربيات الى بتعمل صيانه ادامى فيها الموضوع ده قالى بصراحه هو عيب فى الموديل و حله :
1-كبوت جديد و هيحصل فيه نفس العيب بعد فتره.
2-يتشد و يتاخد على السخن و يترش.
الغلطانين هنا 2 و هم الشركه الام لانها معدلتش العيب الى عندها زى الشركات المحترمه و التانى ارتوك لانه مش بيعترف بيه غالبا و كمان مش بيحاول مثلا يطلب تعديله من االشركه الام او يغيره فى الضمان.!!!!!!!!
ياااااااااااااااااااااه انا كتبت كتير جدااااااااااااا
معلش يا جماعه اصلى مضايق حبتين و سخن شويه

يا استاذي الشرف لينا و الله
هي حضرتك السوكة الي في الكبوت الي هو الجزء الي في الكبوت نفسه الي بيدخل في مكان الاحكام الي بيكون في جسم السياره هل حضرتك تقصد دا بالفعل (زي منا فاهم يعني ) ؟؟؟
طبعاً لو زي منا فاهم كدا يبقي عيب رهيب في العربية لن كدا لاقدر الله في احتمالية لتعبئه الكبوت بالهوا لنه غير محكم يعني موضوع مش بسيط
طب حاول حضرتك تشوف ليه حل ...لانه بجد خطر جداً
وربنا يكفيك و يكفينا شر الطريق

**KHALED AYMAN** · 04-02-2009 07:04 PM

المشاركة الأصلية كتبت بواسطة momenhamdy

يا استاذي الشرف لينا و الله
هي حضرتك السوكة الي في الكبوت الي هو الجزء الي في الكبوت نفسه الي بيدخل في مكان الاحكام الي بيكون في جسم السياره هل حضرتك تقصد دا بالفعل (زي منا فاهم يعني ) ؟؟؟
طبعاً لو زي منا فاهم كدا يبقي عيب رهيب في العربية لن كدا لاقدر الله في احتمالية لتعبئه الكبوت بالهوا لنه غير محكم يعني موضوع مش بسيط
طب حاول حضرتك تشوف ليه حل ...لانه بجد خطر جداً
وربنا يكفيك و يكفينا شر الطريق

بص يا باشا كبوت الاوكتافيا فيه خطين فى النص (على شكل سهم) و الخطين دول امتداد للعلامه الى فى الشبكه ناحيه الكبوت.
ركز كده مع الاوكتافيا هتلاقى غالبيه العربيات فيها الرعشه دى خصوصا الى بيمشى بسرعه زى حالاتى .

**momenhamdy** · 04-02-2009 09:00 PM

المشاركة الأصلية كتبت بواسطة venus-doom

بص يا باشا كبوت الاوكتافيا فيه خطين فى النص (على شكل سهم) و الخطين دول امتداد للعلامه الى فى الشبكه ناحيه الكبوت.
ركز كده مع الاوكتافيا هتلاقى غالبيه العربيات فيها الرعشه دى خصوصا الى بيمشى بسرعه زى حالاتى .

و الله حضرتك انا مش حقدر اقولك انك تحاول تعالج الموضوع دا خصوصاً ان حضرتك عارف الحل الخاص بالمشكله دي
وربنا يكفيك شر طريقك بأذن الله

**crazylambada** · 05-02-2009 06:30 AM

بصراحة حكاية الكبوت ديه عمريما لحظتها
لاني بحب انزل الكرسي تحت خالص واسوق العربيةو العدادات قدامي زي عربيات السباق
فطبعا انا مبشفش التابلوه لاخره اصلا معتمدا لحفظي على ابعاد العربية
بسحكاية الكبوت ديه مش عارف
بس حتقلقوني ليه بقى

**Mustafa_Farouk** · 05-02-2009 12:15 PM

السلام عليكم ،

نفس الحوار دة موجود عندي في اوكتافيا A5 ٢٠٠٧. الكابوت فيه ترعيش فيه بالرغم من عدم تخطي السرعة أكتر من ١١٠ مثلاً. . A4 مكانشي فيها كدة خالص.

بس برضو بحب سكودا جداً.

**karimone** · 05-02-2009 01:22 PM

انا برده شوفت نقره في السوكه ديه في عربيه موديل 2008 كانت ماشيه 10000 كم بس...

**KHALED AYMAN** · 05-02-2009 05:50 PM

المشاركة الأصلية كتبت بواسطة crazylambada

بصراحة حكاية الكبوت ديه عمريما لحظتها
لاني بحب انزل الكرسي تحت خالص واسوق العربيةو العدادات قدامي زي عربيات السباق
فطبعا انا مبشفش التابلوه لاخره اصلا معتمدا لحفظي على ابعاد العربية
بسحكاية الكبوت ديه مش عارف
بس حتقلقوني ليه بقى

انا بقى مش بعرف اسوق كده خااااااااالص انا لازم اكون رافع الكرسى و كاشف الكبوت بس هى مش هتلاحظها كده لا .... بتبان و انت واقف ادام العربيه و متقلقش ده الموضوع كله كبوت ههههههه

المشاركة الأصلية كتبت بواسطة Moustafa_Farouk

السلام عليكم ،

نفس الحوار دة موجود عندي في اوكتافيا A5 ٢٠٠٧. الكابوت فيه ترعيش فيه بالرغم من عدم تخطي السرعة أكتر من ١١٠ مثلاً. . A4 مكانشي فيها كدة خالص.

بس برضو بحب سكودا جداً.

مصطفى باشا واحشنى والله.
انا اول مره اعرف ان معاك اوكتافيا عموما ربنا يباركلك فيها .
كده بتحب الاسكودا المنافس الاول للاوبل انت هتزعل العصابه كده و هيقيمو عليك الحد بس متقلقش انا مش هقولهم (سرك فى بير)هههه

المشاركة الأصلية كتبت بواسطة karimone

انا برده شوفت نقره في السوكه ديه في عربيه موديل 2008 كانت ماشيه 10000 كم بس...

يا عم دى عندى من و هى العربيه 4000 كم بسسسسسسسسسسس.
فى الفضى الى قبلها كانت عند 20000 كم لانى مكنتش بجرى بيها خالص كان اخرى 110 ولا حاجه و مكانتش بتسافر كتير زى دى.

الموضوع: تقييم صيانه ال15000 لل A5 فى التوكيل

LinkBack

أدوات الموضوع

عرض

تقييم صيانه ال15000 لل A5 فى التوكيل - انشر الموضوع فى :

-

-

-

-

-

-

-

-

المواضيع المتشابهه

احداث صيانه ال15000 لي اوبترا

صيانه ال15000 لعربيتى الساجا

تقرير صيانه ال15000 للافيو

اسفسار عن صيانه ال15000 للافيو

موديلات رينو - التوكيل - مراكز الخدمة - إختبارات الامان - تقييم التوكيل

الكلمات الدلالية لهذا الموضوع

المفضلات

المفضلات

ضوابط المشاركة