اولا انا بشكركو مقدما سواء هتقدرو تساعدونى او لا .
الموضوع بقى ايه :
احنا عندنا مصنع ملابس داخليه و مصبغه وعملنا مصنع نسيج (اشترينا مكنه واحده كبدايه) و بنتج فوط و بشاكير و طبعا الحاجات دى ليها رسومات يعنى الفوطه مش بتكون ساده لا بيكون عليها رسمه ورد مثلا او نجوم او اى حاجه المشكله الى بتواجهنى و محتاج مساعدتكو فيها بقى هى انى احصل على رسومات هتقولولى و الناس التانيه بتجيب رسومات منين هقولكو انهم بيقلدو المصانع الكبيره !!!! و طبعا كده هبقى ماشى فى ظل المصانع دى و مش هعمل اسم ليا انا و عمرى مهكبر ابدا !!!
فى ناس شغلتها انهم يعملو الرسومات دى و انا شغال مع واحد منهم بس برده بيجيبلى رسومات تقليد .
يا ريت لو تعرفو مواقع اجيب من عليها الرسومات دى (انا دورت كتيييييييير و مش لاقى حاجه عدله) او لو تعرفو مثلا برامج بتتباع عليها رسومات من دى او اى مصدر ليها او لو عندكو افكار لرسومات اطبقها على الفوط.
و كل عضو هيشارك فى الموضوع ليه دسته فوط هديه ههههههه .