حجاب.. و سيجارة

**M.Osman** · 04-02-2009 10:24 PM

المشاركة الأصلية كتبت بواسطة ahmodium

انا باعتبر البنت دي ضحيه

ضحية هبل وهطل المجتمع

ضحيه ابوها اللي معرفش يربيها

ضحية المدرسه اللي اصبحت غرز ودعاره

ضحية سياسات عليا لمحاربة التدين

ضحية الاعلام اللي بيصور الممثله نجمة المجتمع وهي ماسكه السيجاره والكاس وكده اصبحت ستايل و واو تجنن

وضحية للشيطان اللي عرف يضحك عليها

وكل سنه وانتم طيبين

بكره هانبقى زي هولندا الحشيش بيتباع رسمي في الكوفيشوب

100 100
كلام زي الفل

**نور العمر** · 04-02-2009 10:46 PM

والله ........ دي ضحية الامهات ..... إللي معرفتش تربي ومش عارفة تربي
الام .. فالأم ... فالأم ... فالأم .............................. الخ
الأم مدرسة إذا اعدتها اعدت شعباً طيب الاعراق

**Ossamaaly** · 04-02-2009 11:02 PM

It will be much easier for all of if we just mind our own business!:k26:

**MoToRiZeR** · 04-02-2009 11:27 PM

مش فارقة .
زي راجل زبيبة الصلاة في وشه مثلاَ و بيشرب سجاير أو إمام جامع و بيحشش .

علي رأي علاء الأسواني " هذا الذي في مصر ليس تديناَ و إنما هو إكتئاب مصحوب بأعراض دينية!"

**ihab** · 04-02-2009 11:36 PM

طيب و ايه رايك يا على فى الظاهرة المنتشرة دلوقت و هى البوت مع البنطلون الاستريتش و لللاسف محجبات

**Terrible_DaRsH** · 04-02-2009 11:47 PM

افتكرت عادل امام وهو بيقول ( من فوق مانتمه مع محمود ومن تحت مع عمرو دياب ) ..
المنظر ده فى كل مكان بروحوا لازم اشوفوا سواء كافى عام او ديسكو او حمام البنات فى المدارس قبل الجامعات والعربيات طبعا و و و و ...
بشوف بنات بتشرب شيشة وجمبها والدتها ..مش ببص على البنت لا ببص على الوالدة ..
طب لو حتى الواحدة بتدخن ليه تخلى بنتها تدخن هى كمان .. :s
وعموما ماجتش من تدخين بس ...الواحد بشوف محجبات فى الافراح والله العظيم تلاته بيرقصوا احسن من سامية جمال :)

والناس اللى بتقول ملهاش دعوة دى ..
احب افكرهم بحاجة بس
( من راى منكم منكرا فليغيره بيده ) ومحدش يعيش فى دور الكائن الفضائي والنبي ..
الله يرحم خاتم المرسلين وصحابته (عمر بن الخطاب سيد الرجال)
و كده كده البلد دى مسيرها للهلاك لان ماعدش ينفع نصايح ولا كلام خلاص
ربنا يهدى الكل ...

**MoToRiZeR** · 04-02-2009 11:51 PM

المشاركة الأصلية كتبت بواسطة Terrible_DaRsH

والناس اللى بتقول ملهاش دعوة دى ..
احب افكرهم بحاجة بس
( من راى منكم منكرا فليغيره بيده ) ومحدش يعيش فى دور الكائن الفضائي والنبي ..

يا باشا نعمل إيه طيب اللي يشوف واحدة بتشيش يغير المنكر بيده و يقوم ملبسها حجرين الفحم في وشها مثلاَ .. ما أصل حالياَ بقي صعب الكلام ده .

**MoDyBeNz2008** · 04-02-2009 11:55 PM

و ايه يعني

في حجاب و بدي ضيق

في حجاب و جينز محزق

في حجاب و سترتش محزق

في حجاب و الشعر باين من تاحته

في حجاب و نص كم

في حجاب و برمودة

هنسيب دة كله و ندقق في السجارة و ايه يعني

**Terrible_DaRsH** · 05-02-2009 12:05 AM

المشاركة الأصلية كتبت بواسطة MoToRiZeR

يا باشا نعمل إيه طيب اللي يشوف واحدة بتشيش يغير المنكر بيده و يقوم ملبسها حجرين الفحم في وشها مثلاَ .. ما أصل حالياَ بقي صعب الكلام ده .

لا يا باشا مش كده طبعا ..
بس ميبقاش موقفنا سلبي و كل واحد يشيل ايده من الموضوع ..
ما هو زى ما كل واحد قال مليش دعوة يبقي خلاص بقي .. مش هتفرق سجاير من مخدرات من فتايات ليل كله محصل بعضه واحنا نقول ملناش دعوة بيهم ..
وكمان ممكن الى بيقول مليش دعوة يلاقى فى يوم من الايام نساء بيته هما كمان بيعملوا كده .
بس يا ترى ساعتها هيقول مليش دعوة برده !!!
الواحد مبقاش شايف حاجة عدلة فى البلد دى تنسيه القرف اللى بيشوفه ..