ناس عندهم كلاب ومش عارف اعمل معاهم ايه

**human** · 04-02-2009 01:53 PM

ولا شرطه ولا بيطرى ولا يحزنون
هاتلك اتنين بلطجيه يسموا الكلاب
و خلاص على كده
ديه بلدنا و ده سلوها

**human** · 04-02-2009 01:54 PM

المشاركة الأصلية كتبت بواسطة mohmd76

الحل الاكيد الشرطه تخاف من الناس التى تتجمهر
اجتمع انت واسرتك وكل من فى العمارة والعمارات المجاورة واصحابك تجمعوا وقفوا معا وقفة واحدة واتصلوا بالشرطة فورا على ان شقه ما فى هذا البيت بها 50 كلب وصاحبهم واحد مجنون ويمارس الارهاب على الناس بترهيبهم بالكلاب

انت كده هتوديه ورا الشمس و القمر و يمكن ورا المجره كلها

**M.Mokhtar** · 04-02-2009 03:01 PM

المشاركة الأصلية كتبت بواسطة msobhy

يا جماعة انتم مش قادرين تتصورا بنت الراجل ده شكلها عمل ازاى ولا اخلاقها عمله ازاى ديه فعلا .........(مع الاعتذار لمشرف المنتدى)
ليل نهار شتيمة وقذاره
يا جماعة اسوأ حاجة انك توقف قدام عدو انت عاجز تماما انك تعمل معاه حاجة واى حاجة هاتعملها هاتتاخد ضدك
والكل بقى - حد يقف قدام واحدة حتى لو كانت ......./ ولو ابوها يبقى الرد انت فرحان بنفسك - حتى لو هو راجل ابن ستين .......
ربى انى لا أسألك رد القضاء ولكنى اسألك اللطف فيه

لو ماكنتش متجوز كنت قولتلك يمكن البنت بتهزر معاك عشان تلفت نظرك

وبكلمتين منك هتموت الكلاب كلها ويمكن ابوها كمان

المشاركة الأصلية كتبت بواسطة mohmd76

الحل الاكيد الشرطه تخاف من الناس التى تتجمهر
اجتمع انت واسرتك وكل من فى العمارة والعمارات المجاورة واصحابك تجمعوا وقفوا معا وقفة واحدة واتصلوا بالشرطة فورا على ان شقه ما فى هذا البيت بها 50 كلب وصاحبهم واحد مجنون ويمارس الارهاب على الناس بترهيبهم بالكلاب

شكلك بتحبه اوى
ده كده هو اللى هيختفى من المنطقه والكلاب هتاخد راحتها

**نور القمر** · 04-02-2009 03:39 PM

حتة لحمة مسمومه مفيش منها خوف ولا حاجة
يعني بالليل لما ترمي كام حتة مسموعه تحت العربيات والكلاب اكيد هتشمها وتلاقيها
وبعدين مين ممكن يلاقي لحمة مرمية في الشارع وياخدها ده حتى الشحاتين مش هايعملوها
وزيادة في الحرص ارمي اللحمة تحت العربيات او ممكن في باسكت القمامة علشان تضمن محدش من متشردين الشوارع ممكن يلاقيها
كمان انا فاكرة زمان كانت بتيجي عربيات تموت وتلم الكلاب الضالة
اكيد لو سألت في الدليل هاتلاقي لهم رقم او عنوان
بس يوم الحكومة بسنه
خليك في اللحمة المسمومه

**LONLY** · 04-02-2009 04:12 PM

أنا شايف أن الناس قالت كل حاجة على فكره أنا كان عندى الحوار ده برضوا بس ما كنش فى كلاب كانت ست مطلقه و معاها بنتها وبرضوا قله أدب وشتايم طول النهار لغاية ما فى مره ماعرفش عملت كده أزاى بس طلعت فيهم حته طلعه (بص بقى ما فرقش معايا حاجة ) طبعا ما نزلتش نفسى لمستوها بس لو كانت زودت كلمه كانت هتضرب بجد و من ساعتها أدب ما شوفتش زيه بس بينى وبينك بعد كده زعلت من نفسى جامد لأن انا أصلا بطبيعتى هادى أوى وعمرى ما غلطت فى حد بس فى نوع كده لازم يأخد على دماغه علشان يتعدل

**karimone** · 04-02-2009 04:43 PM

احسن حاجه تسأل حد من اللي بيبعوا الكلاب عن التصرف الصحيح لان موضوع اللحمه المسمومه ممكن ماينفعش علشان الكلاب ديه ممكن تكون صاحبها معودها انها ماتكلش حاجه من حد غريب

**Dr Ahmed** · 04-02-2009 05:28 PM

تجيب لهم كلبة من إياهم تتمشى قدام بيتهم فيجروا وراها ولما يبعدوا عن البيت تصطادهم
إنما لو طلعوا كلاب محترمة مش هتنفع الخطة دى

**lancerevolution** · 04-02-2009 05:56 PM

حته لحمة فيها سم و إرميها فى الشارع الكلاب حتكلها حتموت طبعا إنت ملكش دعوة حد إتكلم قوله أنا بنى أدم معفن و برمى زبالة فى الشارع أنا عملت كدا بس فى وز ناس جنبنا مربين وز و بط سمك صغير فيه سم و إرمى و لما إتكلموا أنا معفن و برمى الزبالة من الشباك
ممكن لو أنت ماشى بالعربية و لقيت كلب فى الشارع و مكنش حد شايفك شيله و قول الفرامل كانت معلقة و هات ميكانيكى يبص عليها تانى يوم تحت البيت
ممكن حتة لحمة حط فيها الرش بتاع البندقية الرش حيتعب الكلاب و بيجيب شلل و بعدين يموتوا "تسمم بالرصاص"
فى حاجة كمان سمعت إن لو الكلب أكل سمك شعره بيقع إبقى جرب
فى إسبراى بيطفش الكلاب جرب رشه على العربية
ممكن لو كلاب صغيرة إستدرجهم للبيت عندك و بعدين مخدر حطه فى شنطة العربية و إرميه فى الصحراوى

**yehia** · 04-02-2009 07:57 PM

لو حطيت للكلاب دى أكل مسموم أو تخلصت منهم بأى طريق آخر... حتعرض نفسك للمسائلة القانونية... وينقلب الضحية إلى جانى....

حضرتك عشان تعالج موقف الكلاب دى وتنهى الطريقة اللى جيرانك دول بيتصرفوا بيها من ترويع وازعاج المحيطين بيهم.... عليك وعلى قسم الشرطة تبلغ انك بتتهمهم بالامتناع عن ردع هذه الكلاب التى فى حفظهم عن التحرش بالأفراد مما قد يعرض معه الأرواح للخطر... وهو الأمر الذى يعد مخالفة معاقب عليها بالغرامة التى لا تزيد عن 100 جنيه وفقا للمادة 378 عقوبات التى تنص على أنه :-
" يعاقب بغرامة لا تجاوز مائة جنيه كل من ارتكب فعلا من الأفعال الآتية : (1) ........ (2).......... (3) ............. (4) من حـرش كلبا واثبا علـى مـار أو مقتفيا أثره أو لم يرده عنه إذا كان الكلب فى حفظه ولو لم يتسبب عن ذلك أذى ولا ضرر . (5)......(9) .......... "

طبعا حضرتك حتقوللى وايه يعنى 100 جنيه... حقوللك يا فندم العبرة مش بقيمة الغرامة.. العبرة ببهدلة الناس دية ما بين قسم ونيابة ... وأحيانا ممكن توصل لمحكمة الجنح (على فكرة هى اسمها محكمة الجنح والمخالفات)....

الفكرة انك تربيهم انت طالما ما لقيوش رجالة تربيهم.... وانت أصلا سبق وعداك العيب لأنك زى ما بتقول نبهتهم بدل المرة 20 مرة ومافيش فايدة....

الموضوع طبعا يلزمه شهود من الجيران وأهل المنطقة من المتضررين عموما عشان يأكدوا كلامك فى محاضر رسمية

**أحمد سالم** · 04-02-2009 08:20 PM

انا حصل زمان قدامى موقف زى ده كان فى واحد جارنا مربى خاروف فى شقه مش كلب كمان ومكانش بيعمل ازعاج ولا حاجه بس كان بيعمل ريحه وحشه راح واحد من الجيران رايح للحى وطلب مقالبة بتوع البيئه فعلا بعتو معاه واحده تعاين وفعلا جت وحذرت صاحب الخارف انه لو عدى اليوم وجت تانى يوم مالقيتهوش شال الخروف هتعمله محضر والغرامه 1000 جنيه والتحفظ على الخروف
طبعا فى حالة الكلاب بيتم اعدام الكلب
انا رأى انك تروح للحى وتبلغ هناك
او تكلم الدليل وتجيب رقم تليفون وزارة اليبئه قسم الشكاوى وتبلغهم او تدخل على سايت وزارة البيئه
انا مره بلغت عن قطع شجرة بالتليفون وهما عندهم عربيات نجده وبيهتمو
وممكن وده اسرع حل فى رقم فاكس هتلاقيه على السايت بتاع رئاسة مجلس الوزراء خاص بالشكاوى
تبعت فاكس بالمشكله فى ناس قاعدين فى رئاسة المجلس بتتابع الشكاوى وبتحولها للججهات المختصه وبيتابعوها
والله مره المياه كانت كل شويه تقطع عندنا عملت الموضوع ده جت لجنه تانى يوم من شركة المايه كا مره خلال اليوم علشان يتأكدو ان المياه موجوده

الموضوع: ناس عندهم كلاب ومش عارف اعمل معاهم ايه

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة مع إتصالات dsl و مش عارف أتصرف معاهم إزاي

يا جماعه قولوي اعمل معاهم ايه؟؟؟

يا جماعه قولوي اعمل معاهم ايه؟؟؟

وفى النهاية اصبحنا كلاب ياسادة ( كلاب مصر تنبح على الجزائر )

لسة مستلمتش هدية غبور لحد دلوقتى مش عارف اعمل معاهم اى

الكلمات الدلالية لهذا الموضوع

المفضلات

المفضلات

ضوابط المشاركة