العربية دى اول عربية فى الشكل الجديد تتباع تقريبا
فاكيد المعرض ده هيبعها بسعر خيالى لحد اماالمضاربة بين المعارض والتوكيل تبتدى
بس اللى عايز يشترى يا جماعة يستنى شوية لحد اما السعر يستوى
وانا مستنى(السعر لسه نى)
العربية دى اول عربية فى الشكل الجديد تتباع تقريبا
فاكيد المعرض ده هيبعها بسعر خيالى لحد اماالمضاربة بين المعارض والتوكيل تبتدى
بس اللى عايز يشترى يا جماعة يستنى شوية لحد اما السعر يستوى
وانا مستنى(السعر لسه نى)
حصلت مقارنات كتير بين العربيات الفولكس الأم و بين عربيات الشركات التابعه من نفس الفئه (زي الجيتا و الاوكتافيا مثلا)... ناس كتير شافت في مميزات في عربيات الفولكس تتفوق فيها علي الشركات التابعه و ناس كتير برده شافت ان عربيات الشركات التابعه تتفوق علي عربيات الفولكس في مميزات متعدده
علي الرغم من ان العربيتيين اللي بيبقوا في المقارنه هما من تصميم فولكس فاجن
انا كلمت الوكيل (ارتوك اوتو) دلوقتي و قالولي الاتي:
العربيتيين المانيوال و الاوتوماتيك هايوصلوا عندهم علي يوم الثلاثاء او الاربعاء
المواصفات:
1- 4 زجاج كهرباء
2- مثبت سرعه
3- 2 Air Bag
4- راديو CD
5- مرايات ضم كهربا
6- بلوتوث Bluetooth
7- تعتيم في مرايات الصالون
8- ضمان سنتين بدون حد اقصي للكيلومتر
9- نفس موتور العربيه القديمه
المفاجاءه بقي في السعر
المانيوال: 144,900
نفس مواصفات المانيوال بالظبط
الاتوماتيك: 168,000
الحجز من يوم 10 فبراير ب 5000 جنيه و الاستلام ابتداء من 15 فبراير...
آآآآه و الالوان منزلين نفس الالوان اللي فاتت بس منزلين لون جديد قالي اسمه كنزاري...:U_thin1[1]: انا معرفوش قولتلو هابقي اجي اشوفو
ده انت عالمل شغل عالى اوى فى موضوع الاوكتافيا دى ... ربنا يكرمك.
كده هى نفس الاوبشن بتاع القديمه يزيد عليه اعتقد البلوتوث بس .
استفسار :
انا عربيتى اليجانس خليجى و مره عملت سيرش بالموبيل على بلوتوث قرالى بلوتوث اسمه skoda و بعدها رقمين باين مش فاكر....
هل كده عربيتى فيها بلوتوث و انا مش عارف....
و التوكيل مش هينزل ال elegance دلوقتى .؟
لا عالي ولا حاجه ده انا لسه باتعلم بجد من المنتدي... انا بس حابب اساعد الناس اللي عايزه تعرف معلومات عن الاسكودا الجديده انا بعمل اللي بقدر عليه...
بالنسبه للبلوتوث اعتقد ان انت كده عندك بلوتوث في العربيه مادام اليجانس ممكن تشوف الكاتلوج عن تفاصيل اكتر في الموضوع ده
مش شايف فرق بينها وبين الموديل القديم الa5 غير الشكل الخارجي فقط لا غير واعتقد انه اجمل بكتير لكن باقي العربيه ذي ماهي نفس الامكانيات ونفس الموتور وعدد الاحصنه وان كانت الكماليات اقل من الموديل القديم وخاصة الزجاج الخلفي العادي لكن عندي سؤال هل فيها مبين لضغط الاطارات وهل المساحات الزجاج اتوماتيك تشتغل عند الاحساس بمطر او وجود مياه علي الزجاج وفيها كام ايرباج هل لاحظت وسع الكنبه الخلفيه واماكن ارجل الركاب هل مريحه ام ضيقه مثل ال a4 الكشافات الاماميه عدسه ولا عاديه
وشكرا
سكودا مش قادرة لسة تعمل تصميم جذاب. يعنى احنا فى الألفية التالتة و لسه بيعملوا تصميمات التسعينات. بس نرجع و نقول لولا إختلاف الأذواق لبارت السلع.
vwتكسب :banghead:
اللي انا متأكد منه ان الموتور هو نفس الموتور انما العفشه و الصاج ماقدرش افتي فيهم... الناس اللي معاهم العربيات اكيد يعرفوا اكتر مني
التعديل الصراحة ادى روح جديد للعربية بعد الشكل الميت القديم بتاعهم دا ....
اعتقد كدا بقت تقدر تنافس الجيتا بجدارة ...
لأ بس الفانوس اللي قدام اختلف تماماً برده... شوف الفرق في الصور كده...
شوف كده الفانوس القديم في الصوره ديه:
http://www.herosh.com/up/73952/386538941.jpg
و شوف الفانوس الجديد في الصور اللي في الاول...
ايوة يا حبيب قلبى
انا بقوول فية اختلاف مقولتش لاء
بس انا بقول
ما يستهلش فرق بسيط زى دة يساوى بالتضحية
بعدة الاف جنيهات
ولو انى انا شخصيا
---------
هتصدقنى لو اقولك مستخف الشكل ال 2008
حاسس انة انسيابى اكتر و كلاسيكى و اشيك
واااا ازواق طبعا
بص انا حصل معايا نفس الموضوع في الاوبل موديل 98 اول لما نزلت ماكونتش حابب شكلها خالص و كنت بحب الشكل اللي قابله موديل 94 بس بعد فتره عجابني 98 اكتر و ماباقتش احب الموديل اللي قبله خالص... ممكن يكون علشان الشكل لسه جديد بس لما عينك تاخد عليه هاتحس انه احلي...
ممكن... و ممكن لأ ديه اذواق طبعاً
جميل ان اول مشاركة ليا فى المنتدى تكون فى الموضوع الجميل دا.
شكرا على المجهود الرائع...
في حاجه نسيت أقولها... انا سألت علي الموتور ال1400 cc و الراجل قالي انهم مش هايجيبوه ...:U_thin1[1]: مش عارف ليه بس ان شاء الله اسأله لما اروحلهم...
دى صورة لتوضيح الاختلاف الخلفى
http://www.weps.be/octavia/facelift_2.jpg
ودى العربية من قدام
http://www.expertmotor.com/small_ima...Facelift-1.jpg
http://photo.netcarshow.com/Skoda-Oc...9_photo_09.jpg
http://photo.netcarshow.com/Skoda-Oc...9_photo_24.jpg
شكرا اخى الفاضل على الصور
الف شكر ياباشا على مجهودك بجد الصور جميله
بس فى حاجه عاوز اوضحها للأعضاء الموديل اللى اتصور ده Classic وده للأسف تجار الخليجى بس هما اللى بينزلوه مش الوكيل لأن كل موديلات الوكيل كانت Ambiante & elegance والفرق بينهم هو الأتى
- نوع الفرش الداخلى فى Classic اقل
- المرايات مش بلون العربيه دايما فايبر اسود ومقابض الأبواب
- الأكر الداخليه مش نيكل
- زجاج كهربائى أمامى فقط
- مافيش TPM وهو مراقب ضغط الإطارات
- بدون فوانيس شبوره
- ايرباج للسائق فقط ( انا أسف ياباشا بس العربيه دى فيها ايرباج واحد لأن الإيرباج التانى بيكون ليه مفتاح جنب الasr علشان الأطفال وده مش موجود فى العربيه دى )
- مافيش كونسول أوسط
- تكييف كليماتيك وده غير الكليماترونيك
- وعلى فكره ياباشا الجنوط دى 15 وراكب فيها كاوتش205/60
- بدون درج النضاره اللى فوق فتحات التكييف
المهم معظم تجار الخليجى بينزلوا العربيه دى دلوقتى قبل ما المصرى تنزل اللى طبعا متوقع ان مواصفاتها هتبقى اعلى على سبيل ان فى ناس بتقول ممكن تقول مش مهم الزجاج الخلفى الكهرباء بس دى فيها جنوط والعربيه تسليم فورى مش حجز زى الوكيل وعلى فكره انا متوقع لو الوكيل نزل العربيه ال classic دى هيكون سعرها أقل من 140 الف
انا باقول الكلام ده لأنى لما اشتريت الA5 بتاعتى نزل بعدها عربيا تخليجى بنفس سعر الوكيل وبرضه كان فيها جنوط وكاسيت cd بصراحه زعلت لكن لما رحت اتفرجت عليها لقيتها غير الambiente خالص
الف شكر على المجهود و العربيه فعلا ما شاء الله تحفه
العربيه من قدام شكلها جامد جدا
الف شكر ياباشا عالتغطيه المميزه
الف شكرا علي الصور لكن في حد يعرف سعرها حيكون كام وهل حيكون زي a5 ولا اكثر
على فكره انا معايا a5 اليجانس خليجى و فيها زينون و حساسات و جنوط 16 و فتحه سقف و سى دى و حساس ضوء و مطر و مع ذلك مفيهاش التحكم بتاع الايرباج ؟ و لا tpmو لا مثبت سرعه ؟؟؟ (بس ركبته فى التوكيل)
الله يباركلك
مشكور على المجهود الكبير:S_thum1[1]: