حملة خلى البنزين يصدى والبديل موجود
لازم نكون رجالة لان سعر البترول اقل من 40 دولار وهم بيحسبوا علينا البنزين بسعر 140 دولار فنبدا حملة خلى البنزين يصدى وبنود الحملة
1- مش هشترى بنزين 90 -92 -95 ولا سولار
2- هشترى بنزين 80 واقف فى الطابور ما كلها طوابير
3- هركب مواصلات الى لما ينزلوا سعر البنزين
4- مطالبة الحكومة بنخفاض سعر البنزين والسولار
البديل
1- استعمال بنزين 80 ومتقوليش 80 بيبوظ العريبات الجديد شوف محطة العاشر من رمضان وشوف كمية العربيات الجديدة اللى وقفة تموين
2- استعمال المواصلات ووقف الرفاهيات شوية
3- اعتبر ان البنزين هيخلص من مصر كلها هتعمل اية
4- لو عندك موتوسيكل استعمالة هو لا يسحب بنزين كتير
5- ارسال ايميلات الى كل من وزير البترول ورئيس الحكومة ولا وصلت الى رئيس الجمهورية
واخيرا كفاية سلبية هم بيستغلوا الحاجة الى اننا بنرضا باى حاجة علشان كدا هم بيغلوا زى ما هم عايزين وخير مثال الحديد شوف عز نزل سعر الحديد ازى لم راة المستورد نزل السعر بتاعة جو البلد دى لعبة هم بيلعوها مع بعض وانت وانا الضحية ياشعب قوم من الغيبوبة قبل ما تموت وتنحصر ياشعب قول كلمة الحق قبل البطال ما يقول كلمتة
