عرض للطباعة
سلام عليكم
انا عايز اعرف الفرق بين ال سيينا ال 1400 وال 1600 ال فرق في قطع الغيار واستهلاك البنزين و المشاكل و الاعطال المشهوره في كل نوع وهل الفرق في السحب جامد اصل انا سمعت ان ال 1600 2 كامه 16 صباب 106 حصان وال 1400 كامه واحده 60 حصان و ان ال 1600 عيبها بتسخن فهل الكلام ده صح اخر حاجه ايه رينج الاسعار بتاع كل نوع
انا هتكلم عن ال 1600موتورها قوي جدا سحب فظيع وتجميع رائع وعلى 100-120 الموتور بيبقى مستريح بعد كده بيبتدي يزعق(بعد rpm 3500 )
استهلاك البنزين 200 في الصفيحه جوه البلد والزحمه
التكييف رائع بالليل لكن بالنهار لازم العربيه تكون ماشيه عشان تبرد لكن لو في الزحمه بيبقى ضعيف
عيبها ان مش اي حد بيعرف يشتغل فيها يعني لازم واحد يكون فاهم فيها كويس قوي او التوكيل (اوماترا)
ال 1600 بتسخن فعلا بس لو مبرد الردياتير ناقص لكن لو مستواه مظبوط الؤشر مش هيعدي النص لان تلقائيا المروحه بتشتغل بسرعتين حسب درجه السخونه وبترجع تفصل تاني الكلام ده طبعا لو واقف في اشاره او سايبها ديره كتير وهي واقفه لكن لو ماشي مش هتسخن منك
بس في السفر عربيه ممتازه مؤشر الحراره بيبقى على c والتكييف بيبقى تلاجه
بس ده اللي انا اعرفه
1400 افضل من 1600 فى قطع الغيار ارخص
1600 افضل من 1400 تكييف و سحب
1400افضل من 1600 فى مشاكلها
1400 هاف انجكشن
1600 فل انجكشن وتوكل على الله كلاهما كويس جدا
1400 حالة كويسة 43.000
1600 حالة كويسة 46.000: 48.000
ارجو ان اكون افادتك
شكرا جدا للناس اللي ردت و طبعا انتو افادتوني جدا بس معلش عايز اعرف ايه هيا قطع الغيار المختلفه بالظبت و ايه اسعارها ان امكن و هل موضوع السخونه في ال 1600 بس و ايه هيا السيينا plus اقصد ايه الفرق بينها وبين العاديه وهل متوفر منها 1600 معلش اسئلتي كتير