الاتنين قريبين فالسعر قوووى بس يا ترى مين الاحسن
القوة
الامان
قطع الغيار
العمر الافتراضى لقطع الغيار
اعادة البيع
عرض للطباعة
الاتنين قريبين فالسعر قوووى بس يا ترى مين الاحسن
القوة
الامان
قطع الغيار
العمر الافتراضى لقطع الغيار
اعادة البيع
القوة بدون شك .......... الجيتز
الأمان بدون شك .......... البونتو
قطع الغيار ............. الأثنين كويسين و أنا متأكد من توافر قطع غيار البونتو و رخص سعرها
العمر الأفتراضي ......... حسب استهلاكك و خصوصا ان العربيتين حلوين
اعادة البيع ........... الأثنين معقولين
في النهاية أنا أفضل و أرشح البونتو
لو عايز حاجة 1600 و هيونداي
خليك في الأكسنت
دايما توت باشا مفيش عمار بينه وبين الجيتز
بس رأى الشخصى الجيتز احسن من البونتو كلاسيك واشيك
وبجد حلوه جدا جدا
يا باشا أنا عارف أنك حابب العربية
و العيوب اللي في العربية من ناحية التقفيل تقريبا مش موجودة
و العربية قوية و شكلها حلو
إنما فيها عيب قاتل
موتورها قوي و البودي صغير قوي و الثبات قليل
علشان كدا أنا مش برشحها علشان الأمان بتاعها ضعيف
لأن العربية تشجع على الجري بجد لأن موتورها ناعم
بس ساعة الزنقات و لو عايز تقف ......... الموقف بيبقى صعب بالاضافة لضعف الثبات
ولو عايز تعرف يعني أيه ثبات أركب مثلا النوبيرا أو الجين 2 و بعدين أنزل أركب الجيتز و قولي أيه رأيك ؟؟؟
و الناس اللي بتقول العربية ثابتة لغاية 140 و الكلام ده
أنا مش معاهم وواضح جدا أن اللي جرب الجيتز على 140 و بيقول ثابتة أنه مجربش حاجة أثبت منها
العربية قوية و ناعمة و شيك و جميلة و موتورها سحب ممتاز
و لكن الثبات ضايع بجد
طبعا كلام حضرتك مظبوط 100x100
بس انا استعمالى للسيارات مبيزيدش عن 100 كيلو ابدا والسفر فقط
يعنى العيب ده مش مأثر معى
المهم عندى
اولا الماتور كفء مع التكييف والشد الخفيف جوه البلد (الشد الخفيف بس )
ثانيا الشياكه والراحه للصالون حتى لو مش واسع اوى يمون مريح للعين
ثالثا التقفيل
رابعا الاعتماديهخامسا التوكيل وتوافر قطع الغيار
سادسا القيمه (شراء و بيع )
وشايف كل ده موجود فى الجيتز
الجيتز عمليه اكتر و قويه 1600