المشاركة الأصلية كتبت بواسطة NaderNabil
أختلف معك يا باشمهندس في كذا حاجة
أول حاجة فولفو مش أعلى سيارة أحرزت في إختبارات اليورو ان كاب....في سيارات كثير حاصلة علي ال 5 نقاط كاملة و متساوية مع الفولفو... و أهمها سيارات رينو الفرنسية
ثاني حاجة...لو بنتكلم علي الفئة السعرية و مقارنتها بعوامل الأمان....هنلاقي ان الفئة دي فيها كذا عربية أحرزوا نتائج جيدة جدا في نفس الإختبار...
مثلا دايهاتسو سيريون سعرها بيبدأ من 70000 و أحرزت 4 نجوم....فيات بونتو سعرها 73000 و أحرزت 4 نجوم.....كيا بيكانتو سعرها يبدأ من 56000 و أحرزت 3 نجوم...
اللي انا عايز أقوله ان الدنيا إتغيرت عن زمان و الشركات بقت تكثف جهودها لإخراج سيارات قادرة علي حماية من بداخلها أيا كانت فئتها السعرية...و ده مش عشان خايفين عليهم...لأ...عشان يجذبوا عملاء أكثر و يخشوا أسواق صعب دخولها (أوروبا مثلا) إلا إذا كانت السيارة امنه و معترف بيها من قبل منظمات عالمية محترمة