رجعتكم تانى بعد فترة طويلة من عدم المشاركات بس بموضوع جديد
مع تشغيل التكييف ورائحة السجائر لقيت نفسى فاضى قلت انضف فلتر التكيف المهم .. فكيت الدرج الامامى ووصلت للغطاء بتاع التكييف وفتحته لقيته فاضى ... يانهار أسود دول نسيو يركبوه وانا ماشى كل دة من غير فلتر فى التكييف ...
المهم اتصلت بالصيانة ... وسألته سؤال مباشر عن سعر فلتر التكيف (علشان مدخلش فى مهاترات بعد ما أستلمت العربية بـ 10 شهور بتسأل عن فلتر التكييف )
سؤالى كان سعر فلتر التكييف للسيارة فيرنا ...
الاجابة : لا يوجد فلتر للتكييف للسيارة وأفتح سعادتك مش حتلاقى فلتر أساسا ...
ملحوظة : فى الكتالوج مكان الفلتر وتغييره ...
بجد عمار يا مصر ... ولازم نشجع الصناعة الوطنية اللى محتارة توفر ايه ولا أيه ...
وفر مرايه كهرباء قلنا ماشى ، وفر فوانيس شبورة قلنا ماشى ، وفر سى دى ماشى ، لبسنا 4000 ماشى ، الزوايا لازم تظبط برة التوكيل ماشى ، أنما مفيش فلتر تكييف .... حنقول أيه بردة ماشى ..
وياعالم موفرين أيه تانى ....
وتوبة أشترى مصرى تانى حتى لو كانت النجمة الفضية ...
TEA
المفضلات