ارجو من خبراء الفولكس يقولوا شويه معلومات عن باسات 2002 هى نزل منها اوتوماتيك 1600 سى سى ولا لا واهل في مشاكل معينه ظهرت فى الموديل ده
وياريت اعرف الرينج السعرى ليها فى حدود كام
وشكرا للاهتمام
عرض للطباعة
ارجو من خبراء الفولكس يقولوا شويه معلومات عن باسات 2002 هى نزل منها اوتوماتيك 1600 سى سى ولا لا واهل في مشاكل معينه ظهرت فى الموديل ده
وياريت اعرف الرينج السعرى ليها فى حدود كام
وشكرا للاهتمام
السعر فى حدود ال 110-120 الف
اما عموما المشاكل فى الباسات
ففى العفشة مكلفة جداا جدااا لانها
على ما سمعت من ميكانيكى انها على عدد كبير من ما يسمى البيض وهو اعتقد غير الكبالن العادية
وعند حدوث مشكلة بها لازم يغير كامل و هو مكلف جدا
و ياريت لو انا مخطىء تصحيح المعلومة من الاخبر و الافضل منى لما فية افادة الاخ الكريم
شكرا يا دكتور بس حضرتك ما قولتليش فيه منها اوتو ولا لا
يا جماعه يا ريت حد يفيدنى علشان واحد صاحبى عايز يشتريها وبحاول اجمع اكبر معلومات عنها
الباسات موديل 2003 ممكن سعرها يوصل ل 100 الف و تكون حالتها كويسه كمان
فى منها كتير 2000cc
بص هي عربية هايلة بس عيبها الأساسي في مصر هو طقم المقصات ودا بحوالي 6500 جنيه علشان المطبات والي يشتريها لازم يكشف عليها ويتأكد من عفشتها قبل ما يخدها لأنها مش 128 وبـ 1000 حيروقها.
في موديلات 1600 وفي موديلات قليلة جداً 2000 فبريكة والباقي كله تسقيط
أهم حاجة العربية تتاخد ويتكشف عليها.
بص ياسيدي احسن حاجة ياخد العربية ويطلع على التوكيل يعمل فحص ويدفع 120 جنيه وياخد تقرير مفصل عن العربية وهناك في التوكيل حيقولوا إذا كانت العربية غيرت حاجة جامدة عندهم أو اترشت او اتسمكرت ولا لأ
وبعدين دي موديل 2002 يعني عامله اكتر من 100000 يعني دا وقت صيانة حاجات كتير
يعني صاحبك حيدفع فلازم تقرير مفصل وكدا كدا لو راح بنزينة ورفعها وهناك ولا بيفهموا في اي حاجة وحيقولوا مبروك ياباشا عربية 100 100 علشان ياخدوا الحلاوة وعيون الزبون تدمع وحياخدوا في الآخر مش أقل من 75 جنيه. يبقى مشوار بمشوار وصاحبك يطلع على العبور ويكشف على العربية في التوكيل وياخد تقرير ويدفع هو فلوس الكشف طبعاً
يا باشا الممقصات ب 6500 في التوكيل
اما برا في الماني يبدا من 3500 ل 5000 جنيه
وده سعر حلو على 8 مقصات 4 يمين و4 شمال
بس المقص شكله عامل زي العصايه مش حرف x
2 فوق و 2 تحت في كل جنب
العربيه هاااااااااااااااااااااااا ااااايله لل 1600 مانيوال بس في مشكله
انها بتاكل زييت كتيير وكانت مع واد صحبي وكان مكتوب في الكتالوج ان الزيت بينقص بسرعه
تقريبا بتنقص لتر كل 1000 كيلو
العربيه عفشتها اتفكت قدامى هي هي بالزبط عفشه اودى a4
الباسااات محتررمه جدا الموديل ده
العربيه كان بايز فيها المقصاد في جنب واحد بس الطقم بيتجاب كااااامل
للعلم محدش كان داري ان المقصات بايزه وكااانت ثاااااااابته جدااا على 200 والعربيه كانت ماشه 120 الف وكانو المساعدين وكل حاجه زي الفل الا جنب واحد في المقصات بس
ممكن تلاقي 1.6 اوتو بس هتبقى جايه من براا معوقيين او زي كده
ال 2000 سي سي سعرها في حدود 125 الف ولسه واحد اعرفه
اشتراها بالسعر ده اوتو 2.0 تحفه جدااااااااااااااااااااااا اااااااااا
وانا انصح ب 2.0 اوتو ممتاااااااز
طقم المقصات الاصلي ب 6500 جنيه عند أشرف الشهابي في التوكيل اغلى من كدا معلش يافندم متصدقش ان فيه ألماني بره لأن لو كان فيه ألماني بره كان أشرف الشهابي جابه زي مبيعمل مع قطع الغيار الأخرى.
زيت الموتور بينقص علشان العربية دي فيها عيب تصنيع بالنسبة للأجواء الحارة وهو ان كرتيرة الزيت صغيرة ولكن برة مصر الزيت مبيقلش
بالنسبه لعيب التصنيع ف ده موجود في الكتالوج
واعتقد انه فقط لل 1600 مش ال 2000
اما عن الطقم ف في مركز صيانه خبييير فووولكس حاجه كده زي سمير الي ورا حديقه بدر بس في الهرم واسمه ماستر فولكس ومعروف
والباسات كانت هناك وهو كشف على العفشه وهو الي قال على الاسعار دي وحبيت اتاكد وقالي في ب 3500 و 4500 و5000 تقريبا
وقالي في التوكيل ب 6500 واتاكد منه ان كلهم الماني الماني بس فرق المصانع فقط
عامه العربيه تحفه فعلا خصوصا ال 2.0 اوتو وفتحه سقف وجنط اصلي وسي دي تشانجر وكلااام كتيييير
ومشيها فعلا على الطريق وطريقه اخدها للنقر والمطبات وكل حاجه
والله العظيم افضل من الجيتا والاوكتافيا ال a5 الي ب 200 الف
كفايه ال 8 مقصات الي قدااام مش موجودين ولا في الجيتا ولا الاوكتافيا
وفي نفس اليوم كانت اودي a4 مفكوكه عند الراجل فلاحظت ان العفشه مماثله للباسات
سالت المهندس قالي عفشه الباسات بالضبط هي هي عفشه الاودي a4
من الاخر قمه الاحترام ولا تقارن باي عربيه زيرو الماني من نفس الماركات
طيب هوه عيب الزيت ده موجود في كل ال 1600 اللي نزل مصر. و مالوش اي حل . ولا ده في بعض العربيات اللي فيها مشاكل؟؟؟
و كمان العفشه و المقصات بيعيشو في العربيه ولا بيبوظو بسرعه على اساس انهم على بييض زي ما قولتو في الاول.
و معلش انا كان عندي استفسار بسيط.
ازاي عربيه زي دي تبقى على بيض مع ان انا اخر عربيه شوفتها على بيض كانت الفيات 124 و كمان قبل 1980؟؟؟؟