البيتل طعمها اتغير جدا

**amo400** · 04-02-2009 04:50 PM

انهاردة رحت عند جمال الميكانيكى و قلتله العربية ناشفة قدام يمين خد منى 60 جنيه و غير المساعد قدام و كشف على الفرامل و ظبت الماتور قرصت على العربية و مشيت كتير صلاح صالم كله من مصر القديمة الى المنطقى الحرة مدينة نصر حسيت ان العربية سخنت و كنت شامم ريحة كاوتش بيتحرق او زيت بيتحرق المهم لقيت دخان خفيف داخل جوا العربية من ورا اتخضيت جدا و بطلت العربية و نزلت فتحت الكبوت بتاع الماتور ما لقيتش حاجة رفعت الكنبة و شوفت البطارية لاتكون ملمسة ما لقيتش حاجة شوفت الزين لقيته ناقص جدا و العربية سخنة كنت قريب جدا من بنزينة وطنيه دخلت البنزينة و كلمت جمال قالى ماتخفش الدخان ده نقط على الشكمان و اتحرقت خلاص قولتله هاغير الزيت قالى ماشى بتاع البنزينة طلع بيفهم قوى قالى روح الجنب التانى بتاع النقل و هاتلى جالون زيت 4 بتع الديزل عربيات النقل الجاز لزوجة عالية جدا شبه الشحم و غيرت به الزيت كله و ذودت زيت فتيس 140 و العربية ماشاء الله صوت ما فيش خالص الدخان راح الفتيس بقى جميل جدا فاكريين لما كان بيعض اول ما اشتريتها دلوقتى خلاص مع انى معملتش فيه اى اصلاح و طبعا المساعد غير طعم المطبات خالص مع انى متخصص اكل مطبات

**El.Hossieny** · 04-02-2009 05:02 PM

ايمن باشا ... ربنا يباركلك في العربية ....

طيب و الزيت يا تري ليه نقص ؟؟ و ايه السبب ؟

و بعدين ايه نوع و اسم الزيت اللي حطيته ؟

و يا ريت لو تقولي علي رأيك بصراحة في جمال الميكانيكي عشان انا شكلي هجربه لان ناس كتير شكرت فيه ؟؟

**amo400** · 04-02-2009 06:17 PM

نقص ليه مش عارف ممكن عشان انا بقرص على العربية فا بيتحرق

**أحمد سالم** · 04-02-2009 07:04 PM

السلام عليكم
استاذ ايمن القرص عمره ماينقص الزيت بالاخص من مشوار
وازاى كنت عند الميكانيكى وماشافش الزيت تعرف ان لا قدر الله نقص الزيت اكثر من الازم مع الجرى ممكن الماتور يقفش ربنا يسترها طبعا
لو استمر نقص الزيت حاول تركن العربيه بعد مشوار طويل وقبل ماتمشى بص تحت العربيه من ورا لو لقيت زيت حاول تحدد هل هو فى النصف اسفل العربيه ولا على احد الجناب
لو فى النص ممكن يكون اولسيه الكرنك
ولو فى الجنب يبقى لازم يتغير جوان وش التاكيه ولو الجوان بيسرب لازم الميكانيكى يكون كشف مادام كنت عنده طبعا الجوان لو بيسرب بينقط على الشكمان ويعمل ريحه فعلا او يكون الماتور حرارته عاليه جدا فبيسبب حرق الزيت اللى على الماتور من ورا
انا لما بروح عند عم محمد على بيكشف على كل حاجه قبل ماامشى
وبيشوف الزيت والفرامل واحياننا والله كان بيقعد يشيل الشحم من تحت الماتور بالمفك وينظفه
استاذ ايمن ماتور البيتلز اهم حاجه فيه الزيت لانه المسئول عن التللين والتبريد حاول بستمرار تكشف عليه وياريت تقولنا معدل النقصان قد ايه مع الكيلوات علشان نقدر نحدد المشكله ونعرف الحل بأذن الله
وربنا يباركلك يها

**amo400** · 04-02-2009 08:27 PM

ربنا يكرمك يا باشا و ان شاء الله هاشوف موضوع الزيت ده و هاطمن و اقولك بس انا بشوف ويت على الييمين تحت الفتحة بتاعت تذويد الزيت

**ahit** · 04-02-2009 09:06 PM

السلام عليكم و رحمة الله و بركاته

فعلاً الزيت مهم جداً جداً للبيتل

و بعدين ايه نوع و اسم الزيت اللي حطيته ؟

يا ريت الأستاذ/أيمن يفيدنا فى الموضوع دا

رأيك بصراحة في جمال الميكانيكي عشان انا شكلي هجربه لان ناس كتير شكرت فيه ؟؟

و الله يا حسينى جمال الميكانيكى شكلو فاهم جداً و محترم و أمين و بردو الأستاذ/ أيمن ممكن يفيدك و يفيدنا فى الموضوع دا

**ihab** · 09-02-2009 10:19 AM

هو عنوانه فين بالضبط

**ابوهاشم** · 10-02-2009 02:29 PM

استاذ ايمن اسمحلى بس اسئلك سؤال
انت بتقول انك قيست الزيت والعربيه لسه سخنه فعلا
وكده طبعا لازم تلاقيه ناقص
علشان تاخد مقاس الزيت لازم تريح شويه على الاقل 10 دقايق بعد ماتبطل الموتور علشان يكون الزيت رقد فى الموتور تحت وتاخد مقاس سليم
وياريت تقولنا ايه هو نوع الزيت الديزل اللى انت غيرته علشان نستفيد منه

**ahit** · 10-02-2009 11:20 PM

المشاركة الأصلية كتبت بواسطة hashem1999

استاذ ايمن اسمحلى بس اسئلك سؤال
انت بتقول انك قيست الزيت والعربيه لسه سخنه فعلا
وكده طبعا لازم تلاقيه ناقص
علشان تاخد مقاس الزيت لازم تريح شويه على الاقل 10 دقايق بعد ماتبطل الموتور علشان يكون الزيت رقد فى الموتور تحت وتاخد مقاس سليم
وياريت تقولنا ايه هو نوع الزيت الديزل اللى انت غيرته علشان نستفيد منه

كلام سليم يا هاشم
و طبعاً لازم يكون واقف على أرض مستوية و ياخد المقاس كذا مرة للتأكد و دا يكون فى البيتل بصفة دورية.