ليه الـgps ممنوع في مصر ؟؟؟

**MeSho_Evo** · 05-02-2009 07:23 PM

يا جماعة طب دلوقتى انا معايا n95 من السعودية وفي GPS وزي الفل
ممكن يفتشوني وانا ماشي ؟؟

**abou_ruqi** · 05-02-2009 08:01 PM

المشاركة الأصلية كتبت بواسطة MeSho_Evo

يا جماعة طب دلوقتى انا معايا n95 من السعودية وفي GPS وزي الفل
ممكن يفتشوني وانا ماشي ؟؟

وأنت ماشي لا
بس يعني متشغلهوش قدام ظابط طبعاً
وفي المطار مطلعهوش من جرابه

**abou_ruqi** · 05-02-2009 08:06 PM

الشركة دي بتدعي إنها بتبيع GPS في مصر

http://www.zoneegypt.com/html/Address.html

**Karim_Monir** · 06-02-2009 03:04 AM

المشاركة الأصلية كتبت بواسطة abou_ruqi

الله ينور عليك , حيطلعولك في شركة محتكرة
وحينزلوه بـ 4000 جنية
واللي يجنك حتلاقي الناس واقفة طوابير على الشركة دي وكل واحد ماسك في إيده الأربع بواكي وهو شكله مافطرتش النهاردة , والتفاح مدخلش بيته من أيام ما كانت بورسعيد منطقة حرة
زي ما حصل في الـ IPhone كده

بلد تجيب الخفيف ......... والتقيل كمان !!

ها ها
تصدق اظرف تعليق في الموضوع
العينة دي بقي الواحد يشوف منها كتير
داخل الشهر العقاري الاقي واحد شكلة (استغفر الله) زبال كتير علية من بنطلونة والقميص العرة اللي لابسه والريحة المعفنة اللي طالعة منه
انا مخدتش بالي منه اصلا الا من طريقتة المستفزة في الكلام في الموبايل وانه يسيب رنة الموبايل لغاية ما تقرب تخلص عشان يسمعهالنا (محدث نعمة بقى) وتبص تلاقي في ايدة اي فون الجديد تمنة ما يقرب 4 الالاف جنية
طب روح استحمى يا بني ادام والبس جزمة بدل المركوب اللي في رجلك ده وتشيل موبايل ب 4 الالاف جنية
اكاد اقسم انه مابعرفش يطلع الاسماء من علية وانه بيرد ويقفل بس
--------
الجي بي اس انا شغلتة يجي من سنتين كدة وهايل واستريحتلة وياما طلعني من مواقف بايخة
وخاصة في دبي
عشان الناس دي بتعمل ابديت على طول ماكنتش بحتاج اسال اطلاقا وكان بيدلني على اي مكان عايز اروحه طالما معايا احداثياتة او اسم المكان

**badry** · 06-02-2009 01:43 PM

المشاركة الأصلية كتبت بواسطة abou_ruqi

الله ؟ دانتوا طلعتوا مخنوقين آكتر مني ؟؟
آمال ساكتين ليه ؟؟؟

علشان خايفين!!!!

كل واحد خايف على كرتونة البيض بتاعته على رأى الشيخ كشك الله يرحمه.....

**abou_ruqi** · 06-02-2009 02:54 PM

المشاركة الأصلية كتبت بواسطة badry

علشان خايفين!!!!

كل واحد خايف على كرتونة البيض بتاعته على رأى الشيخ كشك الله يرحمه.....

ولو إني مش فاهم يعني إيه بس الشيخ كشك كان جامد قوي و ما بيقولش أي كلام
رحم الله شيخنا الجريء

**badry** · 06-02-2009 04:49 PM

المشاركة الأصلية كتبت بواسطة abou_ruqi

ولو إني مش فاهم يعني إيه بس الشيخ كشك كان جامد قوي و ما بيقولش أي كلام
رحم الله شيخنا الجريء

انا اتلخبطت...موضوع كرتونة البيض ده ماقالوش الشيخ كشك...انما حصل ايام الشيخ كشك...

الحكاية بتقول ان كان فى متظاهرين كتير متجمعين بعد صلاة الجمعة علشان يهتفوا ضد الأمن... علشان كان بيمنع الشيخ كشك من انه يخطب فى الجامع بتاعه يوم الجمعة...
يعمل ايه الأمن العبقرى علشان يفض المظاهرة سلميا قبل ما تبدأ؟؟؟
الناس لقوا عربية لورى جت و مليانة كراتين بيض...و واحد واقف عليها بينده على البيض بسعر اقل من نص سعر الجمعية........طبعا الناس كلها جريت عليه و شافوا ان البيض طازه و تمام...قاموا كلهم اشتروا على قد ما يقدروا....
بعد ما البيض خلص و اللورى مشى...الناس لقوا الأمن المركزى جاى عليهم بيفرقهم....طبعا استخسروا يعملوا المظاهرة علشان اكيد البيض هيتكسر من الزق فى عساكر الأمن المركزى....
و كل واحد اخد الغنيمة بتاعته -كرتونة البيض- و روح بسرعة...و اجل موضوع تأييد الشيخ كشك...

و هو ده اللى بيحصل معانا كمصريين بشكل رمزى...كل واحد فينا خايف على كرتونة البيض بتاعته...و علشان كده ساكت و مستحمل....
بس بجد عقلية امنية عبقرية!!!!!

**abou_ruqi** · 06-02-2009 05:46 PM

المشاركة الأصلية كتبت بواسطة badry

انا اتلخبطت...موضوع كرتونة البيض ده ماقالوش الشيخ كشك...انما حصل ايام الشيخ كشك...

الحكاية بتقول ان كان فى متظاهرين كتير متجمعين بعد صلاة الجمعة علشان يهتفوا ضد الأمن... علشان كان بيمنع الشيخ كشك من انه يخطب فى الجامع بتاعه يوم الجمعة...
يعمل ايه الأمن العبقرى علشان يفض المظاهرة سلميا قبل ما تبدأ؟؟؟
الناس لقوا عربية لورى جت و مليانة كراتين بيض...و واحد واقف عليها بينده على البيض بسعر اقل من نص سعر الجمعية........طبعا الناس كلها جريت عليه و شافوا ان البيض طازه و تمام...قاموا كلهم اشتروا على قد ما يقدروا....
بعد ما البيض خلص و اللورى مشى...الناس لقوا الأمن المركزى جاى عليهم بيفرقهم....طبعا استخسروا يعملوا المظاهرة علشان اكيد البيض هيتكسر من الزق فى عساكر الأمن المركزى....
و كل واحد اخد الغنيمة بتاعته -كرتونة البيض- و روح بسرعة...و اجل موضوع تأييد الشيخ كشك...

و هو ده اللى بيحصل معانا كمصريين بشكل رمزى...كل واحد فينا خايف على كرتونة البيض بتاعته...و علشان كده ساكت و مستحمل....
بس بجد عقلية امنية عبقرية!!!!!

ده بيرجعنا للحصل للمصريين في اليونان في الثمانينيات

الأمن اليوناني كان مش عارف يلم المصريين اللي اقامتهم غير شرعية
فعمل فكرة جامدة قوي
كان هنا في مصر نزل فيلم لعادل إمام كسر الدنيا اسمه رمضان فوق البركان
قامت السلطات اليونانة منزلة الفيلم ده في أكبر سينما في أثينا ودي أول مرة في التاريخ ينزل فيلم عربي في السينما

طبعا كل اللي دخلوا الفيلم ده كانوا المصريين اللي غالبا اقامتهم غير شرعية

الناس دخلت الفيلم و وهما خارجين لاقوا عربيات نقل مساجين كبيرة مستنياهم وأتلموا كلهم وأترحلوا على مصر

**king_de_egypt** · 06-02-2009 06:13 PM

المشاركة الأصلية كتبت بواسطة abou_ruqi

ده بيرجعنا للحصل للمصريين في اليونان في الثمانينيات

الأمن اليوناني كان مش عارف يلم المصريين اللي اقامتهم غير شرعية
فعمل فكرة جامدة قوي
كان هنا في مصر نزل فيلم لعادل إمام كسر الدنيا اسمه رمضان فوق البركان
قامت السلطات اليونانة منزلة الفيلم ده في أكبر سينما في أثينا ودي أول مرة في التاريخ ينزل فيلم عربي في السينما

طبعا كل اللي دخلوا الفيلم ده كانوا المصريين اللي غالبا اقامتهم غير شرعية

الناس دخلت الفيلم و وهما خارجين لاقوا عربيات نقل مساجين كبيرة مستنياهم وأتلموا كلهم وأترحلوا على مصر

ههههههههههههههههههههههههه ههههههههههههههههههههههههه ههههههههههههههههههههههههه
لا بسم الله ماشاء الله
شعب نبيه :D

:k48: