ياريت يا جماعه اللى يعرف دكتور شاطر و كويس فى علاج حالات حساسيه الصدر يقول ضرووووووورى
ياريت يا جماعه اللى يعرف دكتور شاطر و كويس فى علاج حالات حساسيه الصدر يقول ضرووووووورى
انا سئلت صديقى دكتور قالى هيسئل ويرد عليا باذن الله واول مايرد عليا هقولك
انا اتعاملت مع 2
عادل خطاب .... ده في الشارع المتجة من روكسي الى قصر الطاهرة قبل اشارة جسر السويس امام ابوغالي في الدور الارضي
والتاني اسمه عادل صلاح في شارع الطيران ... مدينة التوفيق العمارة بجوار مكصوراتي كاروه في الدور السادس
عادل صلاح بيجيب نتيجة اسرع لأنه بيستخدم ادوية تحتوي على الكورتيزون
عادل خطاب بيكون نتيجته ابطأ لأنه لا يستخدم كورتيزونات
ده بيرجع لحالة المريض .... بعض المرضى الكورتيزون بيسبب لهم اعراض جانبية كتير و خطيرة
وبعض المرضي حالتهم بتحتاج كورتيزون بسرعة لخطورة حالتهم
وده طبعا عن تجربتي معهم لبعض الاقارب .... ودي مش نصيحة طبية ....
وممكن الزملاء الاطباء يقولو رأيهم واكيد هما يعرفو دكاترة تانيين ممكن يكونو احسن
عموما دكاترة الصدر والحساسية مش كتير
ربنا يتم الشفاء
شكرا لاهتمامك و فى انتظار الرداقتباس:
انا سئلت صديقى دكتور قالى هيسئل ويرد عليا باذن الله واول مايرد عليا هقولك
شكرا لردكاقتباس:
عادل صلاح بيجيب نتيجة اسرع لأنه بيستخدم ادوية تحتوي على الكورتيزون
عادل خطاب بيكون نتيجته ابطأ لأنه لا يستخدم كورتيزونات
من خلال تجارب حضرتك مين الافضل؟؟؟
د/ مدحت عبد الخالق عمارة الايموبليا وسط البلد
في دكتور في العاشر من رمضان
بس مش فاكر اسمو بصراحه
وهو كويس جدا
لو عاوز معلومات عنو راسلني وانا أسألك
الدكتور صديقى رد عليا قالى
ان افضل دكتور لحساسية الصدر موجد فى منشية ناصر بس ماعندوش رقم تليفونه بس هو قالى جنب صيدلة الرحمه فى محطة هناك اسمها
المطب او الكاوتش هو هناك
اسمه الدكتور نبيل الزهار
في دكتور اسمه محمد شاهين تقريبا في تقاطع شهاب وسوريا في المهندسين
ناس دلونا عليه وجربناه كان كويس بعد ما دخت بابني وهو بيبي لحد ما بقه عنده سنه ونص على دكاترة كتير
هابقه اتأكدلك من العنوان وارد عليك
شكرا حبيب قلبى / احمد باشا
على الرد الجميل
انا افضل البعد عن الكورتيزون قدر المستطاع
وان كانت النتيجة اقل فاعلية و لكن الامن على صحة المريض
فالطبيب الذى يلجأ للكورتيزون فى اول الطريق فهو يستسهل
توجد ادوية كثيرة جدااا و ذو فعالية عالية و بعيدة عن الكورتيزون
اما أضرار أو الاثار الجانبية للكورتيزون فهى كثيرة جدا جدا
ويطول ذكرها حقيقى
واللجوء للكورتيزون فى حالات محدودة جداا و لابد ان يوقف استعمالة تدريجيا بتقليل الجرعات
واى سؤال انا تحت امركم جميعا
فعلا كلام حضرتك مظبوط :S_thum1[1]:
خليك يباشا مع الى بيعالج بدون استخدام كورتيزون ودة عن تجربة شخصية الكورتيزون هيديك مفعول سريع بس اول مايخلص الدواء هترجع تانى الاعراض زى الاول
انما العلاج بدون كورتيزون هيفيدك وهيعالجك باذن الله ومالهوش اثار جانبية
تمنياتى بالشفاء العاجل
اولا شكرا جدا لكل الردود
لكن فى مشكله حضرتكو قولتو اسماء كتير اوى
و انا مش عارف مين الافضل و اروح لمين
ياريت يكون فى اتفاق على اسم معين
الحاله متأخره و مستعجله
انا احترت
اذهب للقصر العينى الجديد , او دار الفؤاد طوارئ اذا كانت الحالة مستعجلة وطارئة
كل عضو قالك على دكتور اكيد جربه وتعامل معاه لقاه كويس
اذن مقيش داعي للتردد واتوكل على الله وروح لاي واحد
وبالنسبة للدكتور شاهين اكتر من واحد اعرفهم جربوه وجاب نتيجة كويسه مع ابني
مكنش بيعرف ياخد نفسه نهائي من الحساسية
مافيش "احسن" واحد لان كل واحد منا اتعامل مع دكتور ولا اتنين وشاف الكويس كمل معاة .... الدكاترة مش محطوطين فى صف واحنا بنقيمهم.... فبلاش تضيع وقت لان كمان انت بتقول الحالة مستعجلة
الشفاء من عند الله تعالى و يجب أن نأخذ بالأسباب
و طالما الحالة مستعجلة توكل على الله و روح لأقرب دكتور ذكره الأعضاء أو توجه إلى مستشفى الصدر بالعباسية فى أى وقت باليل أو النهار و هما إن شاء الله هايديلوك ,و كل دكتور بيعالج الحالة حسب حالتها و حسب تجاربه طبعاً و خبرته و لكن الإنتظار فى الحالات دى مش كويس و ربنا يشفى كل مريض.
انا اسف حضرتك بس ممكن اولا تقول ايه المشكلة اللى عندك
مشاكل الحساسية خاصة الصدر والجهاز التنفسى بالذات الجيوب الانفية بكل مشاكلها ممتده لفترات طويلة وممكن توصل لطول عمر المريض
الكورتيزون له اضرار جانبية بشعة لكن فى بعض الحالات لا يجد الطبيب اى حل غير الكورتيزون (للعلم هناك ما هو ابشع من الكورتيزون لكنه اقلهم تاثيرا)
المضادات الحيوية من اكثر الاستخدامات لمواجهة الحساسية بالاضافة لمضادات الحساسية لكن يجب ان تأخذ بحرص شديد وذلك بسبب الكميات البشعة
كورسات المضادات الحيوية + مضادات الحساسية فى الحالات الصعبة تأخذ بكمية كبيره بناء على سن المريض - طول ووزن المريض - الحالة الصحية العامة للمريض (حسبنا الله ونعم الوكيل فى الدكاتره عملوه فيه انا طولى 190سم ووزنى 96 كيلو والمفروض انى كنت رياضى من الطراز الاول فى الفتره ديه- كنت باخد 14 سم مضادات حيوية يوميا ده غير ادوية الحساسية **الرقم صح 14 سم** - لو فى اى حد تعب جامد مهما بلغت حالته مش بياخد اكثر من 6 سم)
الاهم من ده كله تعرف مشكلتك اساسا فين هل هيه فى الصدر ولا فى الجيوب الانفية
سيدى الفاضل اتجه الى د/ مدحت عبد الخالق
الدكتوراة من لندن وهو ذو خبرة طويلة جدا
وكل الادوية التى يكتبها هى انجليزية لانها الافضل فى العالم وفى بريطانيا وعن تجربة طويلة معه
كانت لدى الوالد منذ 15 سنه حساسية تكاد تطلع الروح الان لا شىء بفضل الله
توكل على الله واذهب اليه والله هو الشافى المعافى