انت غيرت ولا ايه؟
مش الموضوع ان انت بتحب واحده و سيبتوا بعض؟
دلوقتى الكلام على واحده تانيه؟
ايه اللخبطه ديه
:)
عرض للطباعة
انت غيرت ولا ايه؟
مش الموضوع ان انت بتحب واحده و سيبتوا بعض؟
دلوقتى الكلام على واحده تانيه؟
ايه اللخبطه ديه
:)
هو ايه اللى حضرتك بتتكلم فيه دة حضرتك تقريبا ماكنتش متابع الموضوع من الاول ......دى تجربة وفاتت خلاص ومافيهاش رجوع تانى,,,,,,,,,,, انا دلوقتى بتكلم على بنت تانية خالص ولو حضرتك قرات اخر المشاركات هاتفهمنى كويس وارجو مشاركتك فى الموضوع وابداء رايك الشخصى....:Ob_mak1[1]:
:U_thin1[1]::U_thin1[1]::U_thin1[1]::U_thin1[1]:يا جماعة شكلى كدة لازم اروح فعلا ولوحدى انا خلاص لو ماروحتش هايبقى شكلى وحش قوى:10D5C8~1107:
افيدونى افادكم الله
يا باشا متزعلش مني بس اللي إنت بتعمله ده أي كلام
يعني إيه شفت واحدة مرة و عجبتك و عجبتك أكتر اما لقيتها بتصلي و مامتها منقبة و باباها في السعودية .. ما فيه مليون واحدة ممكن تنطبق عليها الحاجات دي لكن أولاَ لا تنخدع بالمظاهر .. انا مش بقول عليهم حاجة وحشة بس مش كل واحدة محترمة و بتصلي تبقي material صالحة للجواز !
لأن محترمة لا يساوي مبتخرجش مع ولاد و بتصلي .. فيه حاجات تانية زي نظرتها و خططها المستقبلية و طموحها و ثقافتها و حاجات تانية كتير بتساوي في الأخر شخصية محترمة .
كمان فيه حاجات ليك زي روحها و خفة دمها و مستوي إندماجها مع الناس و حاجات كتير .. و كل دي حاجات ما زالت مجهولة بالنسبة لك أعتقد .. هتقولي طب منا هعرفها .
مبدئيا ... إنها عجبتك من أول مرة شفتها ده إعجاب غير حقيقي و بيبقي physical أكتر من أي حاجة .. و لو إنت مش هتعرف تشوفها في أي حاجة مشتركة بينكم زي جامعة أو كورس أو شغل مثلاَ .. حاول تخرج معاها في وسط جروب .. لو هي مش بترضي برضه يبقي كبر دماغك لأن أسلوب تعالي كلم ماما ده (و ده رأي شخصي) أسلوب غريب جداَ بصراحة يعني انا عشان أتعرف علي بنت لاهي قاصر ولا عيلة صغيرة و المفروض إنسانة ناضجة، أروح أكلم مامتها ليه !؟ انا عايز أتعرف عليها مش علي مامتها :D الكلام ده لو الموضوع إتطور و بقي فيه خطوبة مثلا! إيه التثبيت ده هي قالتلك مش بدبسك أه و كل حاجة بس معروف إنك رايح تتعرف عشان بتفكر ترتبط يعني هيبصولك من المنظور ده .. ده زي ما تروح تسأل في معرض العربية دي كام سي سي يقولك إدفع مقدم و نقولك .. و متقلقش لو معجبكش خد فلوسك و إمشي! .. إنت هتبقي مخسرتش حاجة فعلاَ بس الأسلوب نفسه ما نسميه في لغتنا اليوم "عستفة " :D
كمان اما تفكر ترتبط بواحدة لازم تبقي متأكد إن إنت كمان عاجبها بنفس الدرجة لأن العلاقة طريق رايح جي مش إتجاه واحد :k38: و خلي بالك لأن بنات كتير بتبقي عايزة تتجوز و خلاص فا بتوهم نفسها إنها بتحب شخص ما و بتموت فيه و بعد الجواز عينك ما تشوف إلا النور .
انا رأيي يا صديقي إنها عجبتك في الأساس لأنك بتدور عالحب و علي واحدة تحبها فا طول منتا ماشي عمال تدور علي طرف خيط و تمشي وراه .. فا بتحط أمل علي واحدة يادوب عجبتك و تقعد تنفخ في حبة الإعجاب دول و تقول دي أصلها و أصلها و أصلها و تبرر لنفسك لحد ما في مرحلة ما تحس إنك دخلت نفسك في حوار إنت مش عايزه .
نصيحتي .. stop searching and it will find you !
:U_thin1[1]: كلامك واقعى جدا وانا مقتنع بيه .........سبب عدم الخروج او انى اقابلها لوحدها كالاتى: انها متدينة وماينفعش تقابلنى,,,,,,,, لوحدها ثانيا: هى بتقول ان ممكن مايبقاش فى نصيب بينا يبقى ازاى تبيقى قابلت واحد برة البيت بدون علم اهلها ....زالمشكلة هنا ان هى نتربية كويس جدااااا وكانت فى ازهر يعنى مافيش اختلاط بينها وبين الاولاد......... وهى عايزة الموضوع يبقى فى النور مش عايزة تعمل حاجة غلط لاوم كل حاجة تبقى بعلم اهلها..... وياريت ترد علسا
ماتروح بيتهم و قابلهم و اتعرف عليهم و اقعد اتكلم معاهام
جمد قلبك
بس انا مش عاجبنى واحده تشوفها مره و تقول هى ديه بس مايمنعش ان انت تمشى زى ماهما و تشوف جايز فيها الخير عايزين
و بعدين فين كلامك ده من البنت اللى فى الاول ده انا قلت انت بتتعذب ولا حاجه
انا وصلت للصفحه رقم 3 واتعقد وخرجت من الموووووووووضع انا حاسس ان الناس رفضه فكرت الحب وكل اللى دخل كاتب انو انفصل مفيش حد يقول ده الحب ده حلو ولا اى حاجه احبطوووووونى يلهووووووى
طب ما انا بحب بقالى 3 سنين اه والحمد لله زى الفل مفيش مشاكل الحمد لله الا طبعا مشاكل عاديه وبنحلها بعقلنا انما هنا كل حب وانفصل والحب وحش ومش عارف امال لو كملت الموضوع كنت عملت اييييييييه
بس رأيى انك ممكن تروح و تعد معاها و مع ولدتها و تاخد بالك من كل كبيرة و صغيرة و كل ايمائة و كل حركة بتتعمل و خد معاك اختك او بنت خالتك او اى واحدة و السلام انت داخل بيت فية حريم و زى محضرتك قولت والدها فى السعودية و بعد متروح خدها هى و امها و روحوا مكن عام يعنى اى كافية او اى حتة انت و دماغك و طبعا تكون مرتب معاها ب التليفون من قبل متروح الكلام دة و بكدة تعرف تتكلم معاها لوحدها بدون وجود مامتها و الى هيكونمعاك يشغل مامتها باى كلام فاضى او تحددوا نقاط معينة مع الى هيعد مع مامتها و النقاط دى تكون لحجات محددة تكونوا عايزين تعرفوها و بكدة تكون انت استفدت بحيث انك تعد على ترابيزة معاك البنت و الى معاك يعد مع مامتها و كدة هتكون فى النور و مامتها شايفاها و ف مكان عام و هو ب المرة تكون عرفت حبة من طباعها تعاملها مع الناس تكيفها مع المحيط الحجات دى يعنى و حاول تسمع منها اكتر ما تتكلم بحيث تعرف تفكيرها ماشى ازاى و مش معنى انها ازهرية انها تكون مثالية ممكن تكون تفكيرها عقيم اسف ف الكلم بس فعلا ممكن تكون عقليتها مش متفتحة و دى مشكلة احنا حاليا مينفعش العقلية دى لازم تكون الست فاهمة و بتفكر و عارفة بتعمل اية زى الراخل ب الظبت لان لقدر الله انت مش موجود على طول حاول تعرف مدى ثقافتها لاى حد بتسمع مين تعرف زوقها من كدة بتقرأ اية يعنى مثلا بتقى ميكى (ولا كلمة انا بعشقها من ونا عيل لحد لوقتى ) كدة تكون على ما اظن مرحة و فى تدرج للافكار ف دماغها بحيث تعرف تفكر ف الحجات الصغيرة و الكبيرة حاول تاخد بالك من التفاصيل ف لبسها يعنى مثلا الطرحة.. البنات العايقة لايمكن تلاقى مكان دبابيس كتير فيها و او بمعنى اصح النضيفة طريقة لفها معقدة ولا بسيطة و طريقة لبسها معقدة ولا بسيطة (عندى احساس انها لابسة اسدال) و خد بالك لو هى منهم فى بنات كتير بيلبسوة طريقة للتوفير او للكسل او لعدم الاهتمام ب المظهر من وجهة نظرى مهم جدا نظرا نسبة كبيرة من الانطبعا ب المظهر و بزات ف اول مرة و لو بتلبس اسدال فعلا اعرف هى نضيفة ولا لا من طرف الاسدال من تحت مثلا يعنى و خد بالك اوى اوى اوى من الى لبساة ف رجليها الجزمة او الباليرينا حاليا .. و دة يرجع لتقيمك و المهم اوى بقى الضوافر طريقة قصهم نضاف او ..يعع..هههه
تريقة التقليم دة لو طوال (اشك .. مدام ازهرية) المهم احاول تاخد بالك من كل الديتالز .. خد بالك من ريحتها حاجة تقرف بس معلش دى بردو من معايير النظافة و مثلا لو عجبتك البنت إن شاء الله لو ليك نصيب .. حاول تقولها حاجة تفكر فيها و شوف انطباعها على الحاجة دى ف اول مكالمة بعد مالقابلة شوفها من النوع الى بياخد بالة من كل حاجة و بيفكر فيها ولا من النوع الى بياخد بالة و مبيفكرش بيطنش ولا النوع الى بيخدش بالة و بعدين بيرجع يفكر اية الى حصل (هتعرف لما تقولك مثلا هو انت لما قولت كذا كنت تقصد اية او مثلا انا خت بالى انك قولت كذا اية الباقى عشان مش فاكرة و لو كانت من النوع الى ولا بياخد بالة ولا بيفكر ..ههه .. (ربنا معاك ف الحالة دى )
و هى بتطلب شوف هتقولك هاخد زيك ولا هتخطار من نفسها ..
شوفها بتطلب من المينيو حسب السعر ولا حسب ماهى عايزة ولاطلب عادى منغير متبص فى المنيو حاول تاخد بالك هى هتبص على مامتها كل شوية ولا لا حاول تخليها قاعدة و مش شايفة مامتها خليك انت الى شايفها عشان تراقب عين مامتها و حاول تفهم من عينيها هى بتبص لية و كامن عشان هى تبقى بحريتها منغير مامتها متشوفها حاول تركز طريقتها هتتغير قدام مامتها ولا لا .. المهم حالو تاخد بالك من كل حاجة صغيرة اوى او كبيرة قوى معلش اول مرة بس هى الى صعبة بس بدل متعد كتير لحد متعرف طباعها .....
اة صحيح كنت هنسى لما تقولها حاجة تفكر فيها متقولهاش نقد فيها اوعى .. بس دة ميمنعش انك تنتقد حاجة صصغيرة عشان تشوف تقبلها للنقد .. حاول تقولها حاجة بزكاء مش فزورة يعنى هههههه...
خليها تقول حاجة و متردش عليها او توه فى الرد و شوفها ملحة ولا عادية ولا هى كمان هتطنش
حاول تاخد بالك هى مرحة ولا نكد ولا عادية .....
يارب مكونش نسيت حاجة و يارب تستفيد من الى قولتهولك و يارب ينفع فعلا تقابلها برة زى مقولتلك و متنساش خود معاك حد اجتماعى و رغاااااااااااااااااااااى و قولة خليك رخم بحيث يشغلها بس مش يزهقها
....
كنت هنسى
انت الى تحدد تعدوا فين و تمشوا امتى و لما تختار معاد الخروج متقولش نقى براحتك لا قول يناسبنى كذا او كذا و و خلى الحياة تمشى يعنى متصرش على معاد معين حاول تنقى المكان انت و ياسلام لو مكان كبير و زحمة و فية مستويات مختلفة من الناس بحيث تعرف نظرتها لكل المستويات يعنى مثلا فيها حبة حقد حبة كرة الكلام دة شوفها صبورة ولا لا احول تقولها حاجة هايفة متهمكش و قولها متقوليش لمامتك عليها و حاول تعرف من مامتها هى عارفة الحاجة دى ولا لا بس طبعا مش ف نفس القاعدة ..يعنى بعد يمومين كدة ولا بتاع وقع مامتها ف الكلام و اعرف سرك هيكون ف بير ولا ؟؟؟؟ ..
يالهوى كل دى كتابة انا تعبت و يارتنى كنت معاك كون اقولك تعمل اية بدل الكتابة دى ههههههه صوابعى باظت بس فعلا انا متابع موضوعك من الاول و حاسس انى انا الى ف مكانك .... ربنا يوفقك و تطلع هى دى الى ف بالك .. افضل انك تعرفها ان اختيارك ليها عقلى مش قلبى يعنى ناتج عن الاختيار ب العقل مش الاختيار ب الحب و دى كانت وجهة نظرى ف موضوعك تعبت من كتر القراية صح معلش بقى تعبتك .. بس الى قولتهولك دة من واقع خبرتى و تحليلى و تجاربى الشخصية و مهما كانت ف هى بردو قليلة و إن شاء الله تلاقى حجات من باقية الاعضاء تنفعك بردو ....
متنساش تطمنا بعد المقابلة بس حاول متخليهاش عندها فى البيت لو مكانك انا صعب اروح بصراحة ...