الحب الاول....

**مدحت منيب** · 05-02-2009 11:42 PM

القلوب مدينة جميلة , نقية يجب المحافظة عليها وعلى نظافتها والا نفتح أبوابها

إلا لأولئك الذين يستحقون
لاتصدقوا مهما حاولوا إقناعكم , إن في القلب غرفة واحدة فقط
. لاتستوعب سوى إنسان واحد , يكون هو. . . الحب , وهو . . . الحلم, . . وهو الحياة
وأن هذا الإنسان إذا فجعنا يوما برحيله توقفت ساعة الزمن عنده , وتوقفت الدنيا بعده . . أبدا
ففي القلب , غرف كثيرة يقيم فيها الكثير من الناس الذين نلتقيهم , وتجمعنا بهم الحياة في ظروف
مختلفة , ونقاسمهم تفاصيل الحياة , ثم يرحلون تاركين خلفهم أشياء كثيرة مختلفة
فالبعض , منهم يترك خلفه وردة حمراء تفقد بريقها مع الوقت

والبعض منهم. . . يترك خلفه حلما ناقص النمو يلفظ أنفاسه مع مرور الوقت

والبعض منهم. . . يترك خلفه جرحا نازفا , لكنه يلتئم مع الوقت
وهناك. . . من يترك خلفه إحساسا بالندم نحتسيه فترة من العمر , لكنه أيضا يتلاشى مع مرور الوقت
فهذه هي لعبة النسيان, تلك اللعبة التي يمارسها الوقت معنا , ونمارسها نحن على قلوبنا
مرغمين حين نشعر بأن الذكرى قد تعوق خطواتنا الثابتة نحو الحياة

ومع مرور الوقت نتقن اللعبة , فنلعبها على أنفسنا , فننسى. . . ونتناسى

لكننا بالتأكيد , حين نزور مدينة قلوبنا , نلتقي الكثيرين من الناس الذين نحتفظ بهم في أعماقنا
والذين لم يتمكن غبار الوقت من إخفاء ملامحهم فنصافحهم بشوق. . . ونحتويهم بحنين. . . ونتذكرهم بألم
جميل أن نحبهم إلى الأبد
لكن الأجمل أن يبادلونا هذا الحب إلى الأبد
كي لايتحول إحساسنا الجميل إتجاههم إلى نوع من العذاب نمارسه على أنفسنا في الوقت الذي لايشعرون
فيه بنا
فالألم العظيم. . . هو أن تحب إنسانا لايحبك
والألم الأعظم. . . هو أن تحب إنسانا يحب سواك
لأن إحساسك الجميل يتحول مع الوقت إلى زنزانة مظلمة تعيش فيها وحدك , وتحلم فيها وحدك , وقد
تموت فيها وحدك , ولا يشعر بك . . . إلا أنت .فأعتذروا لقلوبكم إذا أخطأتم يوما الأختيار
وأحرصوا على أمانيكم الجميلة, فهذا الزمان يغتال الأحاسيس الجميلة , ويفقدنا القدرة على الحب ,
وأشياء أخرى , لاتستمر الحياة إلا بها ..فشكرا للقلوب التى احبتنا. . . وبرغم الحب لم تخلص لنا

وشكرا أكبر. . . للقلوب التي أخلصت لنا , وبرغم الإخلاص لم تحبنا ..فليست كل القلوب تربتها صالحه لنمو شجرة الحب الرقيقه

و شكرا لكل الاراء الناضجه و الرائعه

**Scent7104** · 05-02-2009 11:46 PM

المشاركة الأصلية كتبت بواسطة i_Am_Legend

ياه يانور العمر دى انتى خلتينى افكر بطريقة تانية خالص .....بس مشكلتى انى كنت متعود على الحب وان كان فى حد بهتم بيه ويهتم بيا وكان فى علاقة فأنا بقيت مفتقد لكل دة افتكر ان صعب حد يعيش فى الدنيا دى لوحدة .....ويمكن لو كان سنى صغير شوية كنت قولت ان دى مراهقة لكن انا سنى 23 سنة و(شويات)واخدة بالك من شويات دى....

بس دى الفكرة... ويقيت بحس انى بدور على الحب فى العيون ولسة مالقتش

تعرفى يمكن انا اعرف بنات كتير بحكم شغلى وليا اصدقاء كتير من ايام الكلية ومن النادى بس لية مالقتش ولسة بدور فى العيون

هناكك كلمة لأنيس منصور : " تعودك على الشئ قد تجعلك تتعلق به أكثر من حبك له"

و هذا فعلا ما يحدث للطرف الذي يترك فيما يسمونه بالحب الأول ... فهو ليس حبا بقدر ما هو تعود على حالة جميلة و شخص تعودت أن يعطيك هذه الحالة و لكنه أبدا ليس حبا... لأن من يحب أحد أو حتى شئ لن يستطيع حتى أن يمسه بشئ قد يجرحه فما بالك إذا كسر قلبه و جرح مشاعره بتركه له...
الحب هو أن تشعر أنك و من تحبه شئ واحد ما يصيبه يصيب و ما يضايقه تشعر به قبل أن يشعر هو به ... تتحدث بقلبه و تتعامل بروحه و ترى سعادتك من ضياء عينيه ... تكتمل أراءك بأفكاره ... تحمل أنفاسه الهواء الذي تستنشقه ...
لذلك أرى أن من يقرر أن يحب لابد أن تكون نيته الزواج حتى يكون حبا من أساسه لأن هذه المشاعر كلها لن تكتمل إلا بالزواج.

**mohamed_88sk** · 06-02-2009 12:11 AM

فكرتني وقلبت المواجع
أأأأأأأأأأأأأأأأأأأأأأأأأ أأأأأأأأأأأأأخ

شويه أفوق وأجي أحكيلكوا انا بسجل أعجابي بالموضوع وصاحبه

**max_ziro** · 06-02-2009 01:47 AM

ولله الموضوع جميل بس انا بردو مبعترفش ب الحب مع انى اعرف بنات كتير و ممكن تكون الى قلبى اخترها مش احسنهم يعنى واحدة متوسطة حسستها انها ملكة جمال و احسن من اى واحدة اعرفها
و فضلتها عن كل الى اعرفهم ابتديت ابعد عن صحابى و عن قرايبى و صحابى الولاد حتى و ف الاخر لما حست انها جميلة و زادت ثقتها بنفسها الى اصلا انا الى عاملها البنت الى كانت متجرئش تكلمنى ابتدى صتها يعلى و تفتكر نفسها بنى ادمة و انا اقول معلش اصبر اصبر اصبر لحد موصلت لاخرى و كانت و من ساعتها و انا كرهت الحب و مبقتش بعترف بية و من وجهة نظرى الحب دة يكون للزوجة بس و لما تكون الزوجة تستحق كمان مش اى واحدة حاسس انى بقيت معقد و ارتبط مرتين بعد كدة بس لا حياة لمن تنادى قلبى مات و انتهى الامر ف فضلت انى بدل ماجرح بنات الناس ابعد عنهم اهو جرح صغير ولا جرح كبير
و مرة واحدة بلا مقدمات حالة من القرف الفظيع من كل البنات و كل الى اعرفهم بقى مجرد السلام شيئ صعب على قلبى و مبسلمش غير لما تيجى عينى ف عين الى اعرفة غير كدة نو ....
ربنا معايا و مع الى هتجوزها شكلى هطلع عنيها
بس فعلا لو اخلصتلى و كانت صادقة معاى و دى اهم صفة من وجهة نظرى اعتقد انى هديها كل حاجة بما فيهم اعز حاجة عندى الى بقت متحجرة مبتحسش قلبى إن شاء الله هلاقيها الى هتكسر الحجر الى على قلبى دة

نفسى الاقيها ادعولى بقاااا ...

**tmz9111** · 07-02-2009 03:38 PM

أنا حبيت بنت و خطبتها بس ربنا لم يوفقنى فى اتمام الموضوع بسبب و الدها و كنت اعتقد اننى لن اجد الحب مرة اخرى و ان الحب الاول صعب يتنسى بس الحمد الله ربنا و فقنى فى بنت اخرى بالنسبة لى افضل بنت فى الدنيا

**m000dy** · 07-02-2009 09:49 PM

يا أخى احمد ربنا
وعسى ان تكرهوا شيئا وهو خير لكم وعسى ان تحبوا شيئا وهو شر لكم
افرض كان ده حصل بعد ماتجوزتوا وجه عيل واكتشفت ان الحياه معاها مستحيله كنت هاتعمل ايه وقتها
شفت بقى
انت كده فى نعمة وربنا راضى عنك ومش عاوز يبهدلك واداك فرصه تانيه بعد ماشال الغشاوه من على هنيك
وان كنت قعدت اربع سنين غيرك قعد سبعه
وان كنت بتكلمها كل ساعه غيرك كان بيكلمها كل 5 دقايق
وان كنت متعلق بيها وحاسس ان ناقصك حاجه فغيرك كان حياته ودنيته فيها وبقى حاسس انه لا شىء
ليـــــــــــــــــــــــ ـــــــه؟
عشان دايما اول حاجه من كل حاجه بتعلم
احلى حب اول حب
احلى عربيه اول عربيه مهما كانت حقيره
احلى زوجه اول زوجه ( ده لو انت ربنا باليك بجوز ولا تريبيل)
دايما احلى حاجه اول حاجه منها حتى عسل النحل اول قطفه ليه احلاهم مع انه كله حلو
عاوز تستريح اعمل زى مانا بعمل وقت الضيق والتفكير فى حاجه خصوصا انى ببقى عارف انها مش جايبه همها
ارسم دايره واقف فيها وتخيل ان الدايره دى مشكلتك وعاوز تخرج منها بس لازم تحلها بذهن صافى
اطلع بره الدايره دى وهات كرسى واقف عليه
هاتشوف طريق الخروج منها وبسهوله وتقدر ساعتها تحدد مخرجك
يعنى بالعربى فكر فى المشكله كانها لواحد صاحبك وبتوضيح اكتر
الغى عواطفك
وبعدين عشان تبقى عارف انجح جواز جواز الصالونات القائم على اختيار الزوجه على اساس السمعه والادب وسمعة اهل البيت وكمان اما تدخل البيت وتشوف معاملتهم مابينهم هاتقدر تشوف اكتر نوعية البنى ادمه اللى هاتحطها فى بيتك
وده هاييجى فى وقته
واحسن انك مش عارف تحب خللى الوقت يعدى عشان عقلك وقلبك ياخدوا فرصه ينضجوا وتقدر تفكر بحكمه اكتر ده مستقبلك ومستقبل واحده بنت ناس وكمان اطفال هايكبروا ويبقوا بنى ادمين فبلاش تحكم عليهم بغلطه منك فى يوم من الايام لسوء اختيار او لاستهتارك
الموضوع اكبر من انه يتحكى فى سطرين لان كل واحد وحسب خبرته
وانا ممكن املالك كتاب مش من تجاربى بس لأ ده كمان من اللى بشوفه
وخبرة الانسان بتجاربه الفاشله مش الناجحه
وعلى فكره انا حاسس بيك
ساعات بيبقى نفسك بس ترجع تحس الاحساس اللى كنت بتحسه ايامها حتى لو هى مش موجوده
نفسك حد يسأل عليك بخوف
حد تحس انه حنين وحنيته مختلفه عن الناس
حد تحكيله وانت نفسك تحكى وماتخبيش عنه حاجه ومبتستنى رايه حتى لو انت صعيدى زى حالاتى (ومابتاخدش برأى الحريم)
حد بمعن الكلمه يكون نصك التانى
اصبر وزى ماانت ماكنتش مخون الايام انها تضيعه فى يوم صدقنى بردو الايام هاتفاجأك باللى ماكنتش تحلم بيه

وعلى فكره انا معايا جميله برده (127 ايطالى) بس بتاعتى انا اسمها جميله بقى
وبعدين مالعربيه زى الست وجع قلب ومصاريف وكل شويه هات هات
بس الست بتصدعك وماتعرفش تسد بقها من الرغى انما دى اما تصدعك تلف الكونتاكت تلاقيها فصلت
وبعدين مكان ماتسيبها ترجع تلاقيها انما مراتك تقعد تلف وراك فى البيت لحد ماتخليك ترمى نفسك من البلكونه عشان تخلص
وان كان المتجوز بيقول انا فى رقبتى كوم لحم
فاحنا فى رقبتنا كوم صاج
زلا ايه يابوب؟

**m000dy** · 07-02-2009 09:50 PM

يا أخى احمد ربنا
وعسى ان تكرهوا شيئا وهو خير لكم وعسى ان تحبوا شيئا وهو شر لكم
افرض كان ده حصل بعد ماتجوزتوا وجه عيل واكتشفت ان الحياه معاها مستحيله كنت هاتعمل ايه وقتها
شفت بقى
انت كده فى نعمة وربنا راضى عنك ومش عاوز يبهدلك واداك فرصه تانيه بعد ماشال الغشاوه من على هنيك
وان كنت قعدت اربع سنين غيرك قعد سبعه
وان كنت بتكلمها كل ساعه غيرك كان بيكلمها كل 5 دقايق
وان كنت متعلق بيها وحاسس ان ناقصك حاجه فغيرك كان حياته ودنيته فيها وبقى حاسس انه لا شىء
ليـــــــــــــــــــــــ ـــــــه؟
عشان دايما اول حاجه من كل حاجه بتعلم
احلى حب اول حب
احلى عربيه اول عربيه مهما كانت حقيره
احلى زوجه اول زوجه ( ده لو انت ربنا باليك بجوز ولا تريبيل)
دايما احلى حاجه اول حاجه منها حتى عسل النحل اول قطفه ليه احلاهم مع انه كله حلو
عاوز تستريح اعمل زى مانا بعمل وقت الضيق والتفكير فى حاجه خصوصا انى ببقى عارف انها مش جايبه همها
ارسم دايره واقف فيها وتخيل ان الدايره دى مشكلتك وعاوز تخرج منها بس لازم تحلها بذهن صافى
اطلع بره الدايره دى وهات كرسى واقف عليه
هاتشوف طريق الخروج منها وبسهوله وتقدر ساعتها تحدد مخرجك
يعنى بالعربى فكر فى المشكله كانها لواحد صاحبك وبتوضيح اكتر
الغى عواطفك
وبعدين عشان تبقى عارف انجح جواز جواز الصالونات القائم على اختيار الزوجه على اساس السمعه والادب وسمعة اهل البيت وكمان اما تدخل البيت وتشوف معاملتهم مابينهم هاتقدر تشوف اكتر نوعية البنى ادمه اللى هاتحطها فى بيتك
وده هاييجى فى وقته
واحسن انك مش عارف تحب خللى الوقت يعدى عشان عقلك وقلبك ياخدوا فرصه ينضجوا وتقدر تفكر بحكمه اكتر ده مستقبلك ومستقبل واحده بنت ناس وكمان اطفال هايكبروا ويبقوا بنى ادمين فبلاش تحكم عليهم بغلطه منك فى يوم من الايام لسوء اختيار او لاستهتارك
الموضوع اكبر من انه يتحكى فى سطرين لان كل واحد وحسب خبرته
وانا ممكن املالك كتاب مش من تجاربى بس لأ ده كمان من اللى بشوفه
وخبرة الانسان بتجاربه الفاشله مش الناجحه
وعلى فكره انا حاسس بيك
ساعات بيبقى نفسك بس ترجع تحس الاحساس اللى كنت بتحسه ايامها حتى لو هى مش موجوده
نفسك حد يسأل عليك بخوف
حد تحس انه حنين وحنيته مختلفه عن الناس
حد تحكيله وانت نفسك تحكى وماتخبيش عنه حاجه ومبتستنى رايه حتى لو انت صعيدى زى حالاتى (ومابتاخدش برأى الحريم)
حد بمعن الكلمه يكون نصك التانى
اصبر وزى ماانت ماكنتش مخون الايام انها تضيعه فى يوم صدقنى بردو الايام هاتفاجأك باللى ماكنتش تحلم بيه

وعلى فكره انا معايا جميله برده (127 ايطالى) بس بتاعتى انا اسمها جميله بقى
وبعدين مالعربيه زى الست وجع قلب ومصاريف وكل شويه هات هات
بس الست بتصدعك وماتعرفش تسد بقها من الرغى انما دى اما تصدعك تلف الكونتاكت تلاقيها فصلت
وبعدين مكان ماتسيبها ترجع تلاقيها انما مراتك تقعد تلف وراك فى البيت لحد ماتخليك ترمى نفسك من البلكونه عشان تخلص
وان كان المتجوز بيقول انا فى رقبتى كوم لحم
فاحنا فى رقبتنا كوم صاج
ولا ايه يابوب؟

**sir_servizio** · 07-02-2009 10:11 PM

الحب ده شيئ جميل بس انا في راي ان مفيش حاجه اسمها الحب الاول لان لو كان في كده يبقي ارجع بالزمن لورة شويه وافتكر البنت الي كانت معاك في الفصل لحد ما خلصت ابتدائي وبعد كده ما بقتش تشوفها ونستها وجت بعديها البنت الي كانت بتاخد معاك درس ولما السنه خلصت ما شفتهاش تاني واول بنت اتعرفت عليها في الجمعه وحبتها اربع سنين وبعد كده اتخطبت لواحد تاني وانتا اتصدمت شويه وبعد كده نستها وبعد كده تيجي وحده من غير ما تحسبلها وتخطبها وبعد كده تتجوزها وتخلف منها طفل ولا اتنين وتفتكر كل الي فات وتضحك عليه وتقول كانت ايام حلوة يبقي فين الحب الاول ده بس الاكيد ان في حاجه اسمها حب بجد

**i_Am_Legend** · 07-02-2009 10:29 PM

وبعدين مالعربيه زى الست وجع قلب ومصاريف وكل شويه هات هات
بس الست بتصدعك وماتعرفش تسد بقها من الرغى انما دى اما تصدعك تلف الكونتاكت تلاقيها فصلت
وبعدين مكان ماتسيبها ترجع تلاقيها انما مراتك تقعد تلف وراك فى البيت لحد ماتخليك ترمى نفسك من البلكونه عشان تخلص
وان كان المتجوز بيقول انا فى رقبتى كوم لحم
فاحنا فى رقبتنا كوم صاج ....

بجد يابا شا انت ضحكتنى لدرجة......لا تتخيلها ..
انت عارف ايه المشكلة انا احنا جيران......... فكل مايعدى فترة وانساها فجأة الاقيها فى وشى...... (وبعيد عنك الاقى قلبى دة قعد يدق وكأنى مسقط موتور شيروكى 4000 سى سى) وبعد ما تختفى من قدامى افضل اليوم كلة متضايق ......وقلبى مايبطلش دق الا فى حالة واحدة بس انى اقعد مع نفسى وافكر ايه الاسباب اللى خلتنا نبعد عن بعض وافتكر مشاكلنا وساعتها بلاقى قلبى اتحول لموتور رينو فرنساوى غير مسموع وفى السلانسية..........

-

الموضوع: الحب الاول....

LinkBack

أدوات الموضوع

عرض

-

-

-

-

المواضيع المتشابهه

الحب الحب .. فزاع وبيظوووو

اروح لمهندس الرش الاول ولا السمكرى الاول

اروح لمهندس الرش الاول ولا السمكرى الاول

اركب الفلتر الاول ولا انضف الاول !!؟؟

الحب عطاء (حتي نتذكر ما هو الحب)

الكلمات الدلالية لهذا الموضوع

المفضلات

المفضلات

ضوابط المشاركة