إيقاع الحياة بزحمتها و صعوبتها دلوقت ميفتحش النفس عالحب .. يعني زماااان أيام قيس و ليلي كان الواحد يبقي قاعد عبيط في الصحرا يتفرج علي خلق ربنا .. إيه دي ؟ ناقة !؟ و عندك ديوان شعر ألف صفحة في وصف الناقة .. دي نخلة دي ؟ قصيدة عن أثر رؤيتي للنخلة في حياتي .. إنما دلوقت الواحد بيبقي بيلبس و هو بيفطر و بيشرب الشاي + إنه بيكتب في دماغه التقرير اللي هيحطه عالورق أول ما يوصل و يعني لو ينفع يكوي حاجة مكرمشة مفيش مانع .. و اللي عندهم عيال الله يكون في عونهم .
إن الواحد يكون رومانسي في هذا الزمن المنيل ده تحدي في حد ذاته .
يعني إن الواحد يكون رومانسي و بيحب الحب في سنة 2009 تماثل إنك تمشي في الشارع لابس قميص و بدلة و جرافتة و عليهم شورت النادي الأهلي .
المفضلات