ال A5 جابت 190 على 5 !!!!

**dr_darsh** · 08-02-2009 08:26 PM

بص ياباشا هى العربيه الأوتوماتيك فى الغالب مش هتزود عن 200 ودى اقصى سرعه انا عرفت اوصلها بيها من يوم ماجبتها وعلى فكرع انا سالتهم فى التوكيل على الموضوع ده لقيت واحد معاه A4 قاللى حطلها بنزين 95 هتعدى معاك ال 200 لقيت المهندس قعد يخبط كف على كف وقول 200 ايه و 210 ايه حراااااااام عليكوا الواحد بيخاف يعدى ال 120 ....
ودى صوره لعدادها وهى على 190 ودى كانت على طريق الإسماعيليه

**TOOLA** · 09-02-2009 01:31 PM

بجد ولا يووم من ايامك يا أكسنت, أنا فاكر انى مرة كسرت ال 180 بيها على طريق الاسكندرية و راجع للقاهرة, لا و ال ايه بجرى ورا (bmw - ميجان هاتش باك - 307) و كنت قايل معاهم ماعدا المحترم بتاع ال Bmw عدانا و هوا كسر ال 200 و قعد يرمع قدامنا يمين و شمال بسرعته (الراجل ماشالله كان مجنط حاجة بتاع 17/235), المهم رحت جايب الحتة كيا سبكترا و بتكسر معايا ال 200 عادى (أخرى كان 210 و هبقى أنزل الصور) لكن ال ثبات عندى فى الضياع و لا يقارن بالأكسنت.

**king_de_egypt** · 09-02-2009 01:42 PM

المشاركة الأصلية كتبت بواسطة TOOLA

بجد ولا يووم من ايامك يا أكسنت, أنا فاكر انى مرة كسرت ال 180 بيها على طريق الاسكندرية و راجع للقاهرة, لا و ال ايه بجرى ورا (bmw - ميجان هاتش باك - 307) و كنت قايل معاهم ماعدا المحترم بتاع ال Bmw عدانا و هوا كسر ال 200 و قعد يرمع قدامنا يمين و شمال بسرعته (الراجل ماشالله كان مجنط حاجة بتاع 17/235), المهم رحت جايب الحتة كيا سبكترا و بتكسر معايا ال 200 عادى (أخرى كان 210 و هبقى أنزل الصور) لكن ال ثبات عندى فى الضياع و لا يقارن بالأكسنت.

انا بعششششق الاكسنت وفعلا بتسد فى حاجات كتييييير بس تهتم بماتورها و عفشتها و زوياها و هى تدييييييك اللى انت عاوزو على الطرييق
هى موديل كام و كام سى سى ؟؟؟ و كربراتير وله انجيكشن

**KHALED AYMAN** · 09-02-2009 01:50 PM

ايه الحلاوه دى يا دكتور !!!!!!
ما شاء الله بس بالراحه على نفسك بلاش العربيه !!!هههههه
هى كانت طبعا واخده ال5 مش كده ؟؟؟

**dr_darsh** · 09-02-2009 10:50 PM

المشاركة الأصلية كتبت بواسطة venus-doom

ايه الحلاوه دى يا دكتور !!!!!!
ما شاء الله بس بالراحه على نفسك بلاش العربيه !!!هههههه
هى كانت طبعا واخده ال5 مش كده ؟؟؟

الف شكر يا غالى على نصيحتك بس انا خلاص مابقيتش بأمشى بسرعه بعد ما اشتغلت فتره فى قسم الحوادث بالمستشفى وشفت كواااااااااااااااااااارث ربنا يسترها معانا ويعافينا ويهدينا

وهى العربيه كانت على ال S وانت طبعا عارف ان ال s مافيهوش سادس وعلى فكره كتالوج العربيه بيقول انها بتوصل للسرعه القصوى على الخامس بس سواء كان tiptronic أو على S

**KHALED AYMAN** · 10-02-2009 12:12 AM

تصدق انا اول مره اعرف ان الs مفيهوش 6 اصلى بصراحه مش بستخدمه لا هو ولا التيبترونيك !!!! بحس ان مفيش فرق فى العربيه مع ال s و بدونه !!!!!!

**dr_darsh** · 13-02-2009 11:09 PM

المشاركة الأصلية كتبت بواسطة venus-doom

تصدق انا اول مره اعرف ان الs مفيهوش 6 اصلى بصراحه مش بستخدمه لا هو ولا التيبترونيك !!!! بحس ان مفيش فرق فى العربيه مع ال s و بدونه !!!!!!

بصراحه لما أحب أسحب بسرعه الS أحسن كتيرمن ال Tiptronic أو D بأحس ان عزم العربيه أعلى
وال Tiptronic أحسن كتير فى الغرز بس ده كان ومان ايام الشقاوه الحمد لله

**dr_darsh** · 13-02-2009 11:14 PM

venum باشا انا كنت عاوز اسألك عن مثبت السرعه علشان عربيتى مافيهاش مثبت لأنها كانت او لدفعه نزلت مصر وكان الوكيل طبعا مش متوقع النجاح بالصوره دى فكان منزلها بإمكانيات اقل وسعر اقل انا كنت شاريها زيرو أوتوماتيك ب 156 الف
انا عاوز اركبلها مثبت بس لما سالتهم فى التوكيل قالوا مش ينفع وانت بتقزل انك ركبته طيب ركبته فين وبكام وأخباره ايه معاك عمل مشاكل ولا ايه ظروفه وركبوه فى وقت قد ايه ؟
ومشكووووووووووووووووور

**KHALED AYMAN** · 14-02-2009 12:46 AM

المشاركة الأصلية كتبت بواسطة dr_darsh

venum باشا انا كنت عاوز اسألك عن مثبت السرعه علشان عربيتى مافيهاش مثبت لأنها كانت او لدفعه نزلت مصر وكان الوكيل طبعا مش متوقع النجاح بالصوره دى فكان منزلها بإمكانيات اقل وسعر اقل انا كنت شاريها زيرو أوتوماتيك ب 156 الف
انا عاوز اركبلها مثبت بس لما سالتهم فى التوكيل قالوا مش ينفع وانت بتقزل انك ركبته طيب ركبته فين وبكام وأخباره ايه معاك عمل مشاكل ولا ايه ظروفه وركبوه فى وقت قد ايه ؟
ومشكووووووووووووووووور

انت سألت فى فرع ايه ؟؟؟
انا مركبه فى اسكندريه عند نور الدين شريف بس على فكره كان معانا واحده فضى بدون مثبت برده و لما سالنا فى ارتوك قالنا مينفعش بس نور الدين شريف ركبهولنا و شغال زى الفل مفيهوش مشاكل خالص و الحمد لله .
بالنسبه للسعر فانا مش فاكر اوى بس هو فى حدود 500 جنيه و ركبوه فى حوالى ساعتين او 3 مش فاكر المهم انه كان فى نفس اليوم ...
اى استفسار انا تحت امرك و هحاول اتاكدلك من السعر لان اخويه ممكن يكون فاكره ...