يا جماعة طبعا زى ماتعودنا اللى بيحصلوا حاجة بيحذر الناس علشان متكررش الخطأ
انا طبعا زى مانتوا عارفين لسة مستلم عربية جديدة
المهم روحت كارفور امبارح ولقيت فواحة حلوة من اللى بتتحط على ريش التكييف علشان تعمل ريحة لما التكييف بيشتغل
المهم حطيط الفواحة ولسة باكبسها لجواة فوجئت بأنى وقعت عصاية صغيرة جوة فى التكييف والعصاية دية بقى هى اللى بتمسك الريش ببعض علشان تعرف تتحكم فى رفعها فوق وتحت
طبعا انا صعقت لان لقيت الريش كلها عايمة على بعض ومفهاش اى توجية وطبعا العصاية اللى بقولوكوا عليها دية مش محكومة ابدا علشان هى جوا خلف الريش
بس ستر ربنا ان العصاية كانت ماسكة فى اخر ريشة فقدرت بمعجزة من عند ربنا والحمد لله وبعد عملية جراحية استغرقت ساعة ونصف بجميع انواع الادوات من ملقاط ومن قصافة ومن مفك الحمد لله نجحت فى انى امسك الريش ببعضها تانى
فخلى بالكوا يا جماعة اللى يجيب فواحة يبعد خالص عن العصاية اللى ماسكة الريش ببعض وهى بتبقى باينة بتبقى خلف الريش من جوا لو دققت حتاخد بالك منها
وشكرا