تعديل للجين 2 يوصلها فوق 120 حصان

**tutankhamoun** · 05-02-2009 01:47 PM

مجموعة من شركة عز العرب كانت في زيارة لماليزيا و على رآسهم المهندس آمر الكوافي مدير خدمة ما بعد البيع .
و بعد اجتماع مع المهندس آمر أطلعني على مجموعة من التعديلات التي يمكن أن يتم تركيبها على مواتير الكامبرو الموجودة في الجين 2 و البيرسونا و الواجا الجديدة و التي تكمن المحرك من الوصول إلى قوة 125 حصان أو 127 حصان .
و هي مجموعة من القطع التي يتم تركيبها في سيارات بروتون التي تدخل السباقات و التي يطلق عليها R3 kit
و الجميل في هذا الموضوع أن هذه الكيت أو المجموعة من المحتمل ان يتم عرضها في التوكيل للعملاء لمن يريد تعديل محركه و تقويته و الوصول به إلى 125 حصان .
و يشمل التعديل :
تغيير وش السلندر
تغيير الشكمان
تغيير بوجيهات و سلوك البوجيهات
تغيير الفلتر و نظام دخول الهواء
تغيير في الفرامل تقريبا و تقويتها
تغيير في نظام العفشة
( أرجوا أن تعذروني إذا وقعت في أي خطأ أو نقلت معلومةغير صحيحة و لكن الأهم هو الخبر نفسه )

من المحتمل أن تتكلف هذه الكيت حوالي 5000 جنيه مصري أول أزيد أو أقل و لكنها في هذا المعدل .

الجميل في الموضوع أن شركة بروتون تملك الآن ادارة للبحث الذاتي . ( أي أنها لا تعتمد على أحد الآن في تطوير ما تريد من تكنولوجيا لوضعها في السيارة )
على سبيل المثال :
مجموعة ال R3 تطوير ماليزي و بروتوني بالكامل و أيضا تقوم الشركة الآن بتطوير نظم الفرامل و العفشة و أشياء أخرى في السيارة و بدأت تستعين بمزودين قطع غيار ذات جودة أعلى للوصول بالجودة في السيارات الخارجة من مصنع بروتون إلى مستوى عالي للحفاظ على الأسم الذي صنعته بروتون .

قامت الشركة بتطوير مصانعها أيضا للحد من تدخل العمالة و الاعتماد على الإنسان الآلي و الخطوط الأوتوماتيكية في الإنتاج للوصول لنفس الهدف و هو الجودة المرتفعة .

و هو شئ يدعوا للفخر لهذا البلد الصغير الذي يبني نفسه بنفسه و بأيدي أولاده و أبناءه و الصعود بمصنع السيارات الخاص بهم إلى العالمية في 30 عام فقط مع الوصول إلى التطوير التكنولوجي الذاتي مع عدم الأعتماد على أحد الآن لتطوير ما يريدون .
إنها حقا تجربة ماليزية تستحق الأحترام و الجدارة

نرجع لموضوعنا
القطع ليست متوفرة الآن و لكن من الممكن أن تتوفر في المستقبل إن شاء الله و بإذن الله من الممكن أن تكون قريبا في توكيل عز العرب .
و يا مسهل

( أرجو معذرتي لو وضعت أي معلومات فنية بها أخطاء )

دي شوية صور من مركز التعديل و التطوير الخاص بشركة بروتون ( تم ألتقاط الصور بواسطة المهندس آمر الكوافي )

مجموعة صور للساتريا نيو أثناء التعديل ( ربنا يهدي عز العرب و ينزلها مصر .... عربية جميلة )

و دي شوية تعديلات في الموتور لعربيات بروتون مختلفة

شايفين الواجا بقى شكلها رياضي ازاي لما أتغيرلها الكبوت و حطوا قطع رياضية

و دي بقى الويرا ..... و عليها علم ماليزيا ( مصدر فخر ليهم طبعا )

اللي جاي بقى حاجة جميلة قوي
بروتون عملت تعديلات على عربية من عربيات لوتس و دي الصور من مركز أبحاث بروتون من ماليزيا

و دي شوية صور لتعديلات في الويرا

و نرجع مع الجميلة ساتريا نيو اللي مش موجودة في مصر

مع الجين 2 الآن

مع تحياتي و أمنياتي لمصرنا العزيزة الجميلة بالتقدم و النظر إلى ماليزيا الدولة الصغيرة كمثال للتقدم و الأزدهار
و أتمنى أن تنزل إلى مصر هذه المجموعة R3 kit قريبا حتى يتسنى لمحبي البروتون و السيارات الرياضية التمتع بسيارة رياضية قوية بتكلفة معقولة و من دول شقيقة و صديقة .

تحياتي للمهندس آمر الكوافي و مجهوده في التصوير و الشرح
و تحياتي لأعضاء المنتدى الكرام مع تمنياتي للجميع بالتمتع بصحة جيدة و رضى الله عز و جل .
و السلام عليكم و رحمة الله و بركاته

**abn7amido** · 05-02-2009 03:54 PM

السلام عليكم و رحمة الله و بركاته

خبر أكتر من ممتاز يا أخ توت.
بارك الله فيك.
و حيعمل فرق كبير فى العربية لو حد استخدم المكونات ده. و حتبقى عربية تحفة بجد عربية 125 حصان بأقل من 100 ألف للاتوماتيك.
حاجة جميلة جدا جدا جدا

وشكرا مرة اخرى لنقل الخبر

**M.almaghraby** · 05-02-2009 04:45 PM

حاجة تحفة بجد

و مرسي عالصور الجميله دي يا باشا

**momenhamdy** · 05-02-2009 05:00 PM

طبعاً حاجة بجد محترمة جداً جداً و فخر للصناعة الماليزية و تقدم رائع
و كل الشكر و التقدير للمهندس امر
و بالغ الشكر و التقدير لك يا توت علي المجهود الرائع الي بتبزلوا لتوصيل المعلومات الي منتدانا الجميل ....
ربنا يباركلك
والف شكر ليك علي المجهود

**fahd_628** · 05-02-2009 05:21 PM

طبعا مجهود رائع اخى توت و الف شكر ليك

انا فعلا قبل كدة شفت عربيات كتيير فى ماليزيا معدلينها R3

**khpopo** · 05-02-2009 06:19 PM

شكراااا اخ توت للمعلومات القيمة الى متعودنها منك يارب يامسهل عز يفضل صاحى معانا ومع جين2 الجميلة وعمره ماهيندم غشان الناس الماليزين دة مش بتهرج :k38:
ربنا يوفق

**RedBull_30** · 05-02-2009 06:23 PM

اتمنى اشوف القطع دي قدامي في التوكيل بجد وفي حدود السعر اللي ذكرته يا باشا بجد هيبقى شيء جميل اوي اشكرك

**elmadawy** · 05-02-2009 06:25 PM

شكرا يا اخ توت علي الموضوع وعلي رايك ربنا يهدي عز العرب وينزل العربية ديه مصر

**mahmoud_magdy** · 05-02-2009 06:34 PM

شكرا على الموضوع
الى الامام بروتون

**Ayman_52** · 05-02-2009 06:38 PM

أيه الشغل العالى ده يا استاذ/تـــوت

بجد حاجه تفرح اللى بيتعمل فى ماليزيا...وبجد موضوع الابحاث وانهم بيهتموا بتطوير الموديلات حاجه جميله جدا...وبتخلى ثقتى تزيد فى بروتون بصراحه

ربنا يوفقهم يارب ومن تقدم لتقدم ان شاء الله...ويارب عمو عز ينزل R3.....ومايتسهبلش فى تمنها..

الف شكر ياتوت باشا عالتغطيه الجامده...والف شكر على تعب حضرتك فى متابعتك للمواضيع المهمه

تحياتى لحضـــرتـك

الموضوع: تعديل للجين 2 يوصلها فوق 120 حصان

LinkBack

أدوات الموضوع

عرض

تعديل للجين 2 يوصلها فوق 120 حصان - انشر الموضوع فى :

-

-

-

-

-

-

المواضيع المتشابهه

للبيع : تكييف 1.5 حصان و 3 حصان وايت ويل + فلتر مياه 7 مراحل(كله جديد)

الداتشيا لوجان 85 حصان والبروتون ساجا 95 حصان

الفرق مابين الفيات برافو 120 حصان وال 150 حصان؟؟!!

احلي تعديل للجين 2

الكلمات الدلالية لهذا الموضوع

المفضلات

المفضلات

ضوابط المشاركة