الموضوع: طلب مساعده من قاطني حلوان

انت جيت للخريطه بتاعة حلوان يا باشا
بص يا باشا انا من سكان حلوان ماشى انت عاوز توصل عند الحميات صح
بص يا باشا انت هتيجى اوستراد طبعا هتفضل ماشى على طول هتعدى المعادى والمعصره وبعد المعصره هتلاقى مدخل مكتوب عليه حلوان وجامعة حلوان متخشوش افضل مكمل على طووووول هتلاقى نفسك بقيت بين جبلين وهتلاقى نفسك طالع مطلع كده بعد المطلع ده على طول هتلاقى مدخل يمين المدخل ده بتاع المرصد هتخش منو هتفضل فيه على طول هتلقيه كلو منزلات لحد لما توصل فى قلب حلوان بعد كده هتسأل عن جامعة هندسه بتاعة حلوان على فكرة دييه ملهاش دعوة بجماعة حلوين يعنى جامعة حلوان فى حته والهندسه فى حته تانيه هتروح شارع كلية هندسه هتلاقى فيه الجنينه اليبانيه على ايدك اليمين افضل ماشى فى الطريق ده على طول خد بالك هتلقيه مدغدغ شويا افضل ماشى هتلاقى ميكروبصات ماشيه على طول هتعدى الجنينه اليبانيه وبردو افضل على طول وبعد 10 دقائق بالعربيه اسأل ياى حد على الحميات هيقولك الناصيه اللى جايه او اللى بعدها ديه اسهل طريقه لو تهت كلمنى 0128992968