الموضوع: انا صاحب شركة سيارات ممكن لو فى سؤال

ا\سامح لو معايا 45 يجيبوا ايه دلوقتى

استاذ سامح اهلا بيك في المنتدى ونورتنا ...انا عندي استفسار عن نظام التقسيط بدون فوائد يعني المقدم كام ومده القسط ...وعن التقسيط الاسلامي ...لاني عايز اجيب كيا سيراتو اوتوماتيك اول فئه لتاجيرها لشركة بترول...وشكرا

المشاركة الأصلية كتبت بواسطة samohaa1000

بص يا عم بأختصار شديد الى بيحصل دلوقتى هو عبارة عن ركود رهيب فى سوق السيارات بعد انفراجة لم تحصل من قبل اما بالنسبة للاسعار فهتنزل اجبارى ولاكن مش السنة دى فى 15/3/2010علشان دة اصلا شئ اجبارى دلوقتى بس فى تريحة بسيطة فى الاسعار علشان الركود الى فى السوق ولما تبتدى الحركة تمشى شوية الاسعار تولع تانى ولاكن المستعمل بس

شكرااااا أستاذ/ سامح لمرور حضرتك

لكن أشمعنى بالذات و تحديدااااااااا يوم 15/3/2010

ولو التاريخ دة مظبوط يبقى الانفراجة دى هتكون الساعة كااااام ؟؟؟؟؟؟؟؟

المشاركة الأصلية كتبت بواسطة mab

ا\سامح لو معايا 45 يجيبوا ايه دلوقتى

حاجات كتير جداااا
لانوس لانسر كرستالة
فرنا اكسنت
حدد سيارة وانا اكلمك فيها

المشاركة الأصلية كتبت بواسطة moudy88

استاذ سامح اهلا بيك في المنتدى ونورتنا ...انا عندي استفسار عن نظام التقسيط بدون فوائد يعني المقدم كام ومده القسط ...وعن التقسيط الاسلامي ...لاني عايز اجيب كيا سيراتو اوتوماتيك اول فئه لتاجيرها لشركة بترول...وشكرا

بص حضرتك مفيش حاجة اسمها تقسيط بدون فوائد والى بيقول كدة يبقى بيكدب لان التقسيط لازم يكون فية زيادة سواء من بنك او من المعرض مباشر وسيبك من الاعلانات دول بيتكلموا بس لاكن ساعة الجد الكلام بيتغير الفرق بين تقسيط البنوك وتقسيط المعرض هو ان البنك فى شبة حرام ولاكن تقسيط المعرض هو اقرب للحلال والله اعلم بالنسبة للتقسيط الاسلامى عبارة انا المعرض يكون هو الى بيبيع العربية بدون وسيط ويكون مفيش بند اسمو فوائدالتأخير ويكون المعرض هو الى يحوز العربية ثم يبيعهالك وتتفقوا على السعر بالرضى بنكم
بالنسبة للتقسيط دة فلازم يكون المقدم فوق ال50%من السيارة والباقى بالكتير سنة او اتنين وطبعا فية زيادة
بالنسبة لموضوع انك تأجر سيارة لشركة بترول فخلى بالك كويس جدااا لان الموضوع دة كتلر جدااا وكلة مشاكل حاليا وكل الناس دلوقتى بتعمل كدة والعربيات كترت جدا فى سوق الايجار ودة ممكن يأثر عليك فلازم تكتب العقد لاول وبعدين تشترى ولازم تلغى بند فى العقد بيكتبوة ان المؤجر ممكن يرد السيارة فى اى وقت بدون اسباب من لاخر المشروع دة كان كويس زمان دلوقتى بقى فية مشاكل

المشاركة الأصلية كتبت بواسطة د./اليشع ثابت

شكرااااا أستاذ/ سامح لمرور حضرتك

لكن أشمعنى بالذات و تحديدااااااااا يوم 15/3/2010

ولو التاريخ دة مظبوط يبقى الانفراجة دى هتكون الساعة كااااام ؟؟؟؟؟؟؟؟

بص حضرتك انا مش وزير المالية ولا رئيس مصلحة الجمارك
ولاكن هقولك بصراحة الموضوع بالضبط هو ان الجمارك كانت هتنزل فى 15/1/2009وبعدين شافو ان فى ناس هتخسر كتيير جدااا والوكلا والموزعين عندهم مخزون كبير جدااا ملوش اول من اخر وبعدين قالو نأجلها لحد 15/6 علشان الناس تحاول تتصرف فى الى عندها لاكن الوكلا والموزعون ضغطوا علشان يعدو موسم الصيف الاول وبعدين استقروا 15/3/2010 دة الكلام الى وصلى انا وناس كتير جدا من تجار السيارات من بق مسؤل فى الجمارك والله اعلم ان كان صدق او كذب وبعدين انت فى مصر يعنى مش دايما كل الحقيقة بتبان ولاكن هو دة الى حصل بالظبط
بالنسبة لموضوع الجمارك
1-فى سيارات 1600فيما تحت ودى جماركها 40%وهيتم التخفيض بواقع 4%سنويا حتى تنتهى عند الصفر لحد 2019وده المدة المسموحة فى اتفاقية الجات
2-السيارات 1630فيما فوق دى بقى هى المشكلة لان دى جماركها 130%وبعدين محصلش ليها اى تخفيضات فالجمارك هتنزل بواقع 13%سنويا حتى تكون صفر وبعدين الكبير دة هيضغط على الصغير بالتالى هيبقى فى مصر الفترة الى جاية تفاوت فى الاسعار يعنى ممكن العربيات الكبيرة تبقلى قريبة من الصغيرة والناس طبعا تتجة للكبير والفخامة وبعدين الصغير يتركن وينزل سعرة اكتر بالظبط نفس السيناريو دة حصل سنة 2004مكنش فى حاجة اسمها عربيات 1600 غير قليل جداا وبعدين بعد نزول الجمارك 1600مصر كلها ركبت عربيات العربيات الصغيرة مثل الفرنا بقت حتىcc1600
دى صورة مصغرة لسوق السيارات الفترة القادمة واالله اعلم