الراجل شكله طفش منكم...
:36_1_1[1]::36_1_1[1]::36_1_1[1]::36_1_1[1]::36_1_1[1]::36_1_1[1]::36_1_1[1]:
عرض للطباعة
الراجل شكله طفش منكم...
:36_1_1[1]::36_1_1[1]::36_1_1[1]::36_1_1[1]::36_1_1[1]::36_1_1[1]::36_1_1[1]:
بالراحه على الراجل شويه .. اللى عاوز منه معلومه او استفسار يقوله ويستنى الرد
إلى الأستاذ ؟ صاحب المعرض أنا عندي استفسارات بسيطة:
1- بما إن حضرتك صاحب معرض : هل يا ترى هناك تقسيط مباشر مع المعرض بمعنى غير ربوي يعني و لو كان فيه ايه الشروط اللي حضرتك بتعملها؟ لأن فيه ناس كتير ممكن تشتري من حضرت هنا في المنتدى لو حضرتك بتتيح هذا الخيار.
2- هل حضرتك بتتعامل في المستعمل بمعنى هل حضرتك بتبيع عربيات مستعملة أو كسر زيرو؟
3- هل حضرتك بتتيح استبدال العربيات؟
4- ايه أحسن طريقة لبيع المستعمل من وجهة نظر حضرتك؟
5- ايه أخبار أسعار العربيات اليومين دول (فبراير و مارس) بالنسبة للياباني و الأوروبي (كل على حدة) و خصوصا بعد العروض اللي عملتها توكيلات كتيرة في الفترة ده ... و أعتقد ده لازم يكون ليها تأثير كبير عند المعارض؟
6- هل حضرتك بتتعامل في العربيات الخليجي ؟ و ايه نظام ضمانها و صيانتها؟
7- هل من الممكن أن تقوم بعمل عروض خاصة و مجزية لأعضاء المنتدى ؟ أو لمجموعة من الأعضاء؟ ( و أعتقد خسارة قريبة و لا مكسب بعيد ممكن مايجيش)
8- هو فين مكان المعرض و أرقام تليفوناته و اسمه؟
9- هل حضرتك لسه فاتح المعرض قريب و لا من كام سنة؟ لأن ده أكيد هيدينا فكرة عن تفاوتات السوق؟
و شكرا على الخدمة
احنا منتظرين رجوع صاحب الموضوع
يا جماعة صاحب الموضوع دة تاجر عربيات صاحبى وانا الى عرضت علية يسجل فى المنتدى مش هاقول علشان خاطر عيونا بس لاء وكمان علشان خاطر هو كمان يشتغل ودة مش عيب بس الى بعض الاعضاء بتعملوة دة عجيب شويتين يا جماعة دة صاحب معرض عربيات مش تاجر مخدرات وكمان الى مش عاجبوة الموضوع ما يدخلش اصلا ولكن الى عندة سؤال محترم اهلا و سهلا بية
[quote=asaadte;639428]ايه الورق اللى ممكن التاجر يلعب فيه عند بيع العربية مستعملة[/
بص اولا متأخدش سيارة يكون فيها اكتر من توكيل واحد وثانيا ممكن تكشف على رخصة السيارة فى المرور فى ادارة المباحث لو انت شاكك وتكشف على التوكيل فى حاجة اسمها المايكروفيلم فى الشهر العقارى
ثانيا فى حاجة خطيرة جدااا دلوقتى فى عربيات عليها حظر بيع من البنوك والتجار بيضربوا الرخص فى المرور ويبعوها
لازم تكشف عليها الاول فى المرور
حقيقى انا مستغرب من ان الناس اتعاملوا معاك من أول مره بالعدوانيه دى مش عارف ليه؟تم اعتبارك عدو .ده فيه احد الاعضاء بيقول للتانى (هو انت فى صف مين).حاجه غريبه:N_no[1]:.وعلى الرغم من كده انا عجبنى عرضك لخبراتك.بس هل حتعمل عروض خاصه فعلا لرواد المنتدى؟:ma:
شكرآ للعضو samohaa1000 على التواصل مع الأعضاء
أهلآ بيك فى المنتدى
مع الأسف الشعب المصرى دايمآ لسانة سابق تفكيرة
شكلة كدة عمرة ما هيتعلم يسمع و يوزن الأمور قبل ما يتكلم و يهاجم و ينقض
لو سمحت يا باشا بما انك صاحب معرض سيارات لو انا عاوز انزل عربيات مستعمله مصر باسمي وعندي شركه استراد وتصدير يا تري ايه نظام الجمارك والاجراءات
فى مشكلة خطيرة جدااا فى سوق الجمعة انا بحذر الناس
لو سمحت هوا جضرتك شغال في نوع محدد من العربيات والا كله
ولو حضرتك شغال فكله تنصحني أجين سكودا ميني فابيا والا الرينو السيمبول وليه لو سمحت ؟
طيب انتا شايف ايه لو حد عاوز يدخل عربيات مستعمله مصر ت
خل متقطعه ولا قطع غيار
الاستاذ سامح بخصوص موضوع التجار اللى بتضرب رخص العربيات اللى عليها حظر بيع
بيحصل ازاى الموضوع ده؟؟ وعلى كده اللى اشتراها منهم هايدفع باقى الاقساط وهوا مش واخد خوانه والا ايه؟
مفيش هو بيتفق مع موظف فى المرور ويعمل رخصة بدل فاقد والموظف ميكتبش الحظر فى الرخصة وبعدين يعمل التوكيل عادى جدااا ولو اتكشفت الموظف يقول ان الكمبيوتر هنج ومطبعش الحظر على الرخصة والشعر العقارى امامة رخصة معلهاش حظر ومعلهوش اى مسؤلية وانت بقى تعمل اية فى حاجة زى كدة ولا حاجة هيخدو منك السيارة لان القانون يحظر بيع سيارة عليها حظر بيع وفلوسك راحت
بالنسبة لموضوع سوق الجمعة
1-الى معاة عربية مسروقة وورقها مضروب بيروح يبيعها فى السوق علشان الشهر العقارى الى هناك اسؤ شهر عقارى فى مصر وكل موظفينة مرتشين
2-الى معاة عربية عاملة حادثة او فيها اى عيب بيبعها فى السوق لانى انت هتشوفوا مرة واحدة ومش هتشوفوا تانى
3-متاخدش سيارة من الناس بتوع المنصورة وشربين ودمياط لأنهم محترفين فى تركيب الارباع والانصاص فى السيارات وانت مبتشفهمش الا فى سوق الجمعة
4-فى حاجات تانية كتيير بس انا مش عايز ازعل حد
اهلا بيك يا اتاذ سامح
وشكرا لعرضك القيم
عندي سؤال صغير حضرتك بتشتغل في المستعمل
لو اه كنت عاوز اعرف اسعار الماروتي من عام 2000 الي عام 2003
ياريت الافاده بعد اذنك
أولا أحب أشكرك على هذا المجهود الرائع يا ا/سامح
ياريت حضرتك تقييم الإسبرانزا 516 & 113
وهل شرائهم تقسيط أفضل من شراء دايو أو أكسنت أو بولو أو جولف مستعمل
و ما أفضل سيارة قسط فى فئة من 50 الى 80 ألف
و ماذا تتوقع بعد نزول الوجان تقريبا السنة دى بدون جمارك والى اى مدى سيؤثر ده على السوق
وهل سيشمل التأثير السيارات اليابانية علما بأن أسعار اليابانى فى أزدياد
و ما تقييمك للشيفروليه الأفيو
أسف على الأطاله
بص بأختصار جميع انواع الصينى هى اسؤ سيارات والله الجماعة الصنيين جم بس علشان ينصبو عليناا
الدايو ولااكسنت ممتازة طبعاا وفلوسهم فيهم وقطع غيارهم رخيصة جداااا اما الصينى قطع غيارة غالية جدااا وصيانت وحشة جدااا ولا انصح بية بما يرضى الله
سيارة من 50 الى 80 دة فرق كبير جدااامن مفيش مقارنة
ولاكن اليك احسن سيارات وجمبهم الاسعار بما يوازى مطلبك
1-شفورلية لانوس 66500
2-هيونداى فرنا66500
3-الافيو74500
5-دايو نوبيراا77000
6-نيسان صنى 84000
ولو مستعمل عايز فى حدود كام وانا اراسلك